ရာပြည့်အခမ်းအနားနဲ့ ကျောင်းသားသမဂ္ဂ

ပြီးခဲ့တဲ့ ဒီဇင်ဘာလ ၂ ရက်နေ့က ရန်ကုန်တက္ကသိုလ် ရာပြည့်အထိမ်းအမှတ် စတင်ကြောင်း ကြေညာတဲ့အခမ်းအနားကို ကျင်းပတဲ့အခါ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် တက်ရောက်မိန့်ခွန်းပြောကြားခဲ့ပါတယ်။

ဒေါ်အောင်ဆန်းစုကြည်ရဲ့မိန့်ခွန်းမှာ ရန်ကုန်တက္ကသိုလ် အဆင့်မြှင့်တင်ရေး၊ နိုင်ငံတကာ တက္ကသိုလ်များနဲ့ ပူးပေါင်းဆောင်ရွက်ရေး၊ ပညာအရည်အချင်းမြှင့်တင်ရေး တို့နဲ့ပတ်သက်ပြီး အစိုးရရဲ့ လက်ရှိဆောင်ရွက်နေမှုများ၊အနာဂတ်မေ ျှာ်မှန်းချက်များကို ပြည့်ပြည့်စုံစုံ ပြောကြား သွားခဲ့သလို ရန်ကုန်တက္ကသိုလ်ရဲ့သမိုင်းကိုလည်း ပြောခဲ့တယ်။ မိန့်ခွန်းရဲ့ အဆုံးသတ်မှာတော့ ဒီကနေ့ ရာပြည့်အကြိုကာလကနေ ပြီး နှစ် တစ်ရာ ပြည့်မယ့် ၂၀၂၀ ဒီဇင်ဘာလအထိ လုပ်ငန်းကော်မတီ ၁၇ခု နဲ့ ရာပြည့်အထိမ်းအမှတ် လုပ်ငန်းစဉ်တွေကို ဆောင်ရွက် သွားမှာ ဖြစ်တဲ့အတွက် မျိုးဆက်သစ်ကျောင်းသား ကျောင်းသူ တွေ၊ ကျောင်းသားဟောင်းကြီးတွေ၊ မိဘပြည်သူတွေ အားလုံးပူးပေါင်းဆောင်ရွက်ဖို့ တိုက် တွန်း ခဲ့တယ်။

ဒါပေမယ့် အစိုးရမီဒီယာတွေကဖော်ပြခဲ့တဲ့ ဒီမိန့်ခွန်းထဲမှာ ပျောက်ဆုံးနေတဲ့ အပိုင်းတစ်ခုကို သတိထားမိတယ်။ အဲဒါကတော့ ရန်ကုန်တက္ကသိုလ်သမိုင်းမှာ ဖယ်ထားလို့ မရတဲ့ ကျောင်းသားသမဂ္ဂ ( တကသ နဲ့ ဗကသ) တို့ရဲ့ အခန်းကဏ္ဍပဲ။ ဒီလိုပဲ နှစ်တစ်ရာပြည့် အထိမ်း အမှတ်ဆိုပြီး ကံ့ကော်တောနဲ့ ကံ့ကော်ဥယျာဉ် ဖွင့်ပွဲလုပ်ခဲ့ပေမယ့် အင်န်အယ်လ်ဒီအစိုးရတက် ကာစက အကျယ်တဝင့်ပြောခဲ့ဖူးတဲ့ ကျောင်းသားသမဂ္ဂအဆောက်အဦ ပြန်လည်ဆောက်လုပ် ရေးနဲ့ပတ်သက်ပြီး ရည်ညွှန်းပြောလည်း အစိုးရသတင်းမီဒီယာတွေမှာမတွေ့ရဘူး။

ဒေါ်အောင်ဆန်းစုကြည်ရဲ့ ရန်ကုန်တက္ကသိုလ် ရာပြည့်အထိမ်းအမှတ်နဲ့ပတ်သက်တဲ့ မိန့်ခွန်းမှာ
ကျောင်းသားသမဂ္ဂရဲ့ အခန်းကဏ္ဍကို ရည်ညွှန်းပြောကြားမှုမရှိတာ အံ့သြဖို့ကောင်းတယ်။ ဘာ့ ကြောင့်လဲဆိုတော့

၁။ အင်န်အယ်လ်ဒီပါတီက အမြဲတမ်း ရှေ့တန်းတင် ပြောကြားနေတဲ့ ဗိုလ်ချုပ် အောင်ဆန်းကိုယ်တိုင်က ကျောင်းသားသမဂ္ဂ ခေါင်းဆောင်ဖြစ်ခဲ့တယ်။ မြန်မာ့ လွတ် လပ်ရေးလှုပ်ရှားမှုဟာ တကသ/ဗကသ ကို အခြေခံပြီးပေါ်ပေါက်ခဲ့တာဖြစ်တယ်။

၂။ ဒေါ်အောင်ဆန်းစုကြည်ကိုယ်တိုင် ဒုတိယလွတ်လပ်ရေးလှုပ်ရှားမှုလို့ ပြောခဲ့တဲ့ ဒီမိုကရေစီ ရေး လှုပ်ရှားမှုကြီးဟာလည်း ၁၉ ၈၈ ခုနှစ် ကျောင်းသားလှုပ်ရှားမှုတွေကနေ စတင်ခဲ့တာဖြစ် တယ်၊ ရန်ကုန်တက္ကသိုလ်နဲ့ ရန်ကုန်တက္ကသိုလ်က ကျောင်းသားတွေဟာ ဒီလှုပ်ရှားမှုကြီးမှာ အဓိက အခန်းကဏ္ဍက ပါဝင်ခဲ့တယ်ဆိုတာ ဘယ်သူမှ ငြင်းလို့မရပါဘူး။ လက်တွေ့ကျကျ သုံးသပ်ရရင် ကျောင်းသားလှုပ်ရှားမှု ကြောင့်သာ ဒေါ်အောင်ဆန်းစုကြည်နဲ့ အင်န်အယ်လ်ဒီ ပါတီဟာ ဒီကနေ့ရှိနေတဲ့အနေအထားကို ရောက်လာခဲ့တာဖြစ်ပါတယ် ။ ဒေါ်အောင်ဆန်း စုကြည်နဲ့ အင်န်အယ်လ်ဒီပါတီကြောင့် ကျောင်း သားသမဂ္ဂဖြစ်လာတာမဟုတ်ပါဘူး။

ဒီလိုပြောတဲ့အတွက် တော်လှန်ရေးကောင်စီခေတ်၊ လမ်းစဉ်ပါတီခေတ်၊ နဝတ/နယခေတ်၊ ဦးသိန်း စိန်အစိုးရ ခေတ်မှာ ဘယ်သို့ ၊ ဘယ်ညာ ဆိုပြီး စောဒကတက်သူတွေလည်းရှိမှာပဲ။ ဒါပေမယ့် တကသ/ဗကသဟာ တပ်မတော် က နိုင်ငံရေးအာဏာကို ရယူတဲ့အပေါ် အစဉ်တစိုက် ဆန့်ကျင်ခဲ့တဲ့ အဖွဲ့အစည်း ဖြစ်တဲ့အတွက် ၁၉ ၆၂ ဇူလိုင် ၇ ရက်အရေးအခင်းပြီးထဲက တစ်ဖက်နဲ့ တစ်ဖက် သံသယတွေ၊ မယုံကြည်မှုတွေများတာ၊ ဆက်ဆံရေးမကောင်းတာ၊ အစိုးရက သမဂ္ဂရဲ့ အခန်းကဏ္ဍကို ပစ်ပယ်ဖို့ကြိုးစားတာ မထူးဆန်းဘူး။ နဝတ/နယက ခေတ်မှာ ကျောင်းသားသမဂ္ဂသမိုင်းစာအုပ်ပြုစုတဲ့အတွက် နှစ်ရှည်ထောင်ဒဏ်ပေးခဲ့ တာ တောင်ရှိခဲ့တာပဲ။

ဒီမိုကရေစီပြုပြင်ပြောင်းလဲရေး လုပ်ပါတယ်ဆိုတဲ့ ဦးသိန်းစိန်အစိုးရမှာတောင် အမျိုးသား ပညာရေးဥပဒေရေးဆွဲတဲ့အခါမှာ သမဂ္ဂ ဆိုတဲ့ စကားလုံးကို ရှောင်ပြီး ရေးခဲ့ လို့ ၂၀၁၅ နှစ်ဦးပိုင်းက ပြည်သူ့ခေတ်ဂျာနယ်စကားဝိုင်းမှာ အင်န်အယ်လ်ဒီပါတီ က ဦးဝင်းမြင့် ( အခု နိုင်ငံတော်သမ္မတ ) နဲ့ ၈၈မျိုးဆက် ဦးကိုကိုကြီး ( အခု ပြည်သူ့ပါတီ ဥက္ကဌ ) တို့က ကျွန်တော့်ကို ဒီအစိုးရဟာ “ ကျောင်းသားသမဂ္ဂ” ဆိုတဲ့စကားလုံးကို ကြောက်နေတယ်လို့ ဝေဖန်ခဲ့ဖူးတယ်။ အဲဒီအချိန်ကတော့ ပရိသတ်က လက်ခုပ်သံ တဖြောင်း ဖြောင်းနဲ့ပေါ့။

ဒါပေမယ့် အခုတော့ ကျောင်း သား လှုပ်ရှားမှုကို အကြောင်းပြုပြီး နိုင်ငံရေး စင်မြင့်ပေါ် ရောက်လာ တဲ့သူတွေကပါ “ ကျောင်းသား သမဂ္ဂ” ဆိုတဲ့ စကားလုံးကို သုံးဖို့ လက်တွန့်နေတာ၊ ရန်ကုန်တက္ကသိုလ် သမိုင်းကို ပြောတဲ့ အခါ ကျောင်းသားသမဂ္ဂရဲ့ အခန်းကဏ္ဍကို မေ့နေတာက တော့ မြင်ရတဲ့အခါ နိုင်ငံတော်သမ္မတ ဦးဝင်းမြင့်နဲ့ ပြည်သူ့ပါတီ ဥက္ကဋ္ဌ ဦးကိုကိုကြီးတို့ ဝေဖန်ခဲ့တဲ့ ဒီအစိုးရဟာ “ကျောင်းသားသမဂ္ဂ” ဆိုတဲ့စကားလုံးကို ကြောက် နေ တယ် ဆိုတဲ့စကားကို ပြန်သတိရမိတယ်။

ကျွန်တော့်ပုဂ္ဂိုလ်ရေးအမြင်ပြောရရင်တော့ တကသ/ဗကသ အခန်းကဏ္ဍကို ချန်ထားမယ် ဆိုရင် ရာပြည့် အခမ်းအနားဟာ တပ်မတော်အစိုးရလက်ထက်မှာလုပ်ခဲ့တဲ့ ရန်ကုန်တက္ကသိုလ် စိန်ရတု အထိမ်း အမှတ်အခမ်းအနားတွေနဲ့ အနှစ်သာရအားဖြင့် ကွာခြားမှာမဟုတ်ဘူး။

အဲဒါဆိုရင် အန်အယ်လ်ဒီဟာ အရင်အစိုးရတွေလိုပဲ ကျောင်းသားသမဂ္ဂကို ကြောက်နေတယ် လို့ ကျောင်းသားလူငယ်တွေက မြင်သွားမှာကို စိုးရိမ်မိပါတယ်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: