ဗြိတိန်လမ်းခွဲ ရွေးကောက်ပွဲ

မရေမရာဖြစ်နေတဲ့ ဗြိတိန်လမ်းခွဲကိစ္စဟာ ပြီးခဲ့တဲ့ ဒီဇင်ဘာ ၁၂ ရက်နေ့ ရွေးကောက်ပွဲ ရလဒ် ကြောင့် ဥရောပသမဂ္ဂကနေ လမ်းခွဲဖို့ သေချာသွားခဲ့ပါပြီ။
ပြီးခဲ့တဲ့ စက်တင်ဘာ၊ အောက်တိုဘာလတွေအတွင်းက ဝန်ကြီးချုပ် ဂျွန်ဆင်တင်ပြတဲ့ ဗြိတိန် လမ်းခွဲစာချုပ်ကို ပါလီမန်က အတည်ပြုဖို့ ငြင်းဆန်ခဲ့ပြီးတဲ့နောက်မှာ ဝန်ကြီးချုပ်က ဒီဇင်ဘာ ၁၂ ရက်နေ့မှာ ရွေးကောက် ပွဲအသစ်ကျင်းပဖို့ ဆုံးဖြတ်ခဲ့တာဖြစ်ပါတယ်။
၂၀၁၇ ဇွန် ၈ မှာ ဝန်ကြီးချုပ် မေ က လွှတ်တော်သက်တမ်းမကုန်ခင် ရွေးကောက်ပွဲလုပ်ခဲ့တယ်။ အဲဒီအချိန်က ကွန်ဆာဗေးတစ်ပါက ၃၃၀ နေရာရထားလို့ အများစုတော့ ဖြစ်တယ်။ဒါပေမယ့် ဝန်ကြီးချုပ် ကင်မရွန်းကို ဆက်ခံခဲ့တဲ့ ဝန်ကြီးချုပ်မေ က ဥရောပသမဂ္ဂနဲ့ လမ်းခွ ဲစာချုပ် ဆွေး နွေးတဲ့အခါ ပြည်တွင်း၊ ပြည်ပမှာ သူ့ရဲ့ နိုင်ငံရေးအနေအထားပိုမို ခိုင်မာစေဖို့အတွက် ရွေး ကောက်ပွဲ သစ်ကို ခေါ်ခဲ့တယ်။ လူထုသဘာထားစစ်တမ်းတွေအရလည်း ကွန်ဆာ ဗေးတစ်ပါတီက လေဘာပါတီထက် ၁၈% ကနေ ၂၀ % အထိ အသာရနေတဲ့ အတွက် ရွေးကောက်ပွဲလုပ်ဖို့ အကောင်းဆုံးအချိန်ပဲလို့လည်း သုံးသပ်ခဲ့တယ်။
ဒါပေမယ့် တကယ့်ရွေးကောက်ပွဲနေ့ရောက်တော့ ကွန်ဆာဗေးတစ်ပါတီဟာ အများစုနေရာ ကို ဆုံးရှုံးခဲ့တယ်။ အမတ်နေရာ ၁၀ နေရာရှိတဲ့ အတိုက်အခံပါတီတစ်ခုဖြစ် DUP နဲ့ပေါင်းပြီး လူနည်းစု အစိုးရ (minority government) ဖွဲ့ ရတဲ့အခြေအနေကို ဆိုက်သွားခဲ့တယ်။
အခု ဝန်ကြီးချုပ် မေ နေရာကို ဆက်ခံတဲ့ ဂျွန်ဆင်က ရွေးကောက်ပွဲကျင်းပဖို့ ဆုံးဖြတ် တဲ့ အခါ ၂၀၁၇ ခုနှစ် လို တစ်ကျော့ပြန်ဖြစ်ဦးမလားလို့ နိုင်ငံရေးအကဲခတ်တွေက သုံးသပ်ခဲ့ကြ တယ်။ ဂျွန်ဆင် ဟာ အမေရိကန်သမ္မတ ထရမ့်လိုပဲ အငြင်းပွားစရာအပြုအမူတွေ၊ ပြောဆို ချက် တွေကြောင့် နာမည်ကြီးတယ်။ သူ့ကြောင့်ပဲ ကွန်ဆာဗေးတစ်ပါတီအရေးနိမ့်နိုင်တယ် လို့ စိုးရိမ်မှုတွေလည်းရှိတယ်။
ဒါပေမယ့် ဒီဇင်ဘာ ၁၂ ရက်နေ့ ရွေးကောက်ပွဲရလဒ်က အားလုံးအတွက် အံ့အားသင့်စရာ ဖြစ် ခဲ့တယ်။ ဒီဇင်ဘာ ၁၃ ရက်နေ့ မြန်မာစံတော်ချိန် ည ကိုးနာရီခွဲ မှာ ထုတ်ပြန်ခဲ့တဲ့ နောက်ဆုံးရလဒ်တွေအရ ကွန်ဆာဗေးတစ်ပါတီက အပြတ်အသတ်နိုင်ခဲ့တယ်။
၁။ ကွန် ဆာဗေးတစ်ပါတီ ၃၆၅ နေရာ။ ( ၆၆ နေရာ တိုး)
၂။ လေဘာပါတီ ၂၀၃ နေရာ။ ( ၄၂ နေရာ လျော့)
၃။ စကော့တလန်အမျိုးသားပါတီ ၄၈ နေရာ။ ( ၁၃ နေရာတိုး)
၄။ လစ်ဘရယ်ဒီမိုကရက် ၁၁ နေရာ။ ( ၁၀ နေရာလျော့)
၅။ အခြားပါတီများ ၂၃ နေရာ ။ ( ၂၇ နေရာလျော့)
အခုရခဲ့တဲ့ အမတ်နေရာဟာ ကွန်ဆာဗေးတစ်ပါတီအတွက် မာဂရက်သက်ချာတတိယသက်တမ်း ၁၉ ၈၇ ရွေးကောက်ပွဲ အနိုင်ရမှုနောက်ပိုင်းမှာ အများဆုံး အနိုင်ရခဲ့တာဖြစ်ပါတယ်။ မှန်းချက်နဲ့ နှမ်းထွက်မကိုက်တဲ့ လေဘာပါတီခေါင်းဆောင် ဂျယ်ရမီ ကိုဘင်ကတော့ ပါတီခေါင်းဆောင်အဖြစ်က နှုတ်ထွက်မယ်လို့ပြောခဲ့တယ်။ ဒီရွေးကောက်ပွဲမှာ လေဘာအတွက်အထိအနာဆုံးကတော့ ဆယ်စုနှစ်ပေါင်းများစွာ လေဘာအမာခံဖြစ်ခဲ့တဲ့ မဲဆန္ဒနယ်တွေမှာ အရေးနိမ့်ခဲ့တာပဲဖြစ် ပါတယ်
မဲဆွယ်ကာလမှာ “ လမ်းခွဲကြစို့” “Get Brexit Done” လို့ကြွေးကျော်ခဲ့တဲ့ ဝန်ကြီးချုပ် ဂျွန်ဆင်ကတော့ အခုဆိုရင် အီးယူနဲ့ ညှိနှိုင်းထားတဲ့ လမ်းခွဲသဘောတူညီချက်ကို ခရစ်စမတ်မတိုင် ခင် ပါလီမန်မှာ အတည်ပြုချက်ယူမယ်၊ အီးယူကသက်မှတ်ထားတဲ့ ဇန်နဝါရီလ ၃၁ ရက်နေ့ မတိုင် ခင် လမ်းခွဲရေးလုပ်ငန်းစဉ်တွေစတင်နိုင်အောင်လုပ်မယ်လို့ ပြောထား ပါတယ်။
ကွန်ဆာဗေးတစ်ပါတီကို ပြောင်းပြီးထောက်ခံခဲ့တဲ့ လေဘာပါတီဝင်တွေကိုလည်း ကျေးဇူးတင်တဲ့အကြောင်းနဲ့ သူတို့ရဲ ဆန္ဒတွေကို ဖြည့်ဆည်းပေးနိုင်ဖို့အတွက် အစွမ်းကုန် ကြိုးစား ပါ့မယ်လို့ကတိပေးသွားခဲ့တယ်။