“တွေ့ဖန်များသော်ခင်၊ ခင်ဖန်များသော်ရင်း”

တရုတ် ပြည်သူ့ သမ္မတ နိုင်ငံ သမ္မတ ရှီကျင့်ဖိန်၏ “နှစ်ပေါင်းထောင်ချီ ကြာမြင့်သော ဆွေမျိုး ပေါက်ဖော် ချစ်ကြည်ရေးကို ဆက်လက်ပုံဖော်မည့် စာမျက်နှာသစ်များ” ခေါင်းစဉ်ဖြင့် ရေးသားထားသည့် ဆောင်းပါးကို ဇန်နဝါရီ ၁၆ ရက်ထုတ် မြန်မာ နိုင်ငံ ပြည်တွင်း နေ့စဉ် သတင်းစာ သုံးစောင် ဖြစ်သော မြန်မာ့ အလင်း ၊ ကြေးမုံ နှင့် The Global New Light of Myanmar တို့မှာ ဖော်ပြခဲ့တယ်။
အဲဒီဆောင်းပါးအပြည့်အစုံကိုပဲ တရုတ်နိုင်ငံ ဆင်ဝှာသတင်းဌာန ဖေ့စ်ဘွတ်စာမျက်နှာမှာ ပြန်လည်ဖော်ပြခဲ့ပါတယ်။
ဒီဆောင်းပါးမှာ သမ္မတရှီက နိုင်ငံရေး၊ စီးပွားရေး၊ လူမှုရေး နယ်ပယ် အသီးသီးမှာ နှစ်နိုင်ငံ ပူးပေါင်းဆောင်ရွက်မှုခဲ့မှုများနဲ့အနာဂတ် လုပ်ဆောင်သင့်တဲ့အချက်များကို ဦးစားပေးရေးသားထားပါတယ်။
ဆောင်းပါး အဆုံးသတ်မှာတော့
တရုတ်-မြန်မာ နှစ်နိုင်ငံလုံးမှာ
“တွေ့ဖန်များသော်ခင်၊ ခင်ဖန်များသော်ရင်း” ဟူသော တူညီသည့်ဆိုရိုးစကား ရှိတယ်၊
ဒါ့ကြောင့် နှစ်ပေါင်း ထောင်ချီကြာမြင့်သော ဆွေမျိုးပေါက်ဖော် ချစ်ကြည်ရေး သံစဉ်သစ်များကို ဆက်လက်ပုံဖော်သွားမယ်လို့
ရေးသားထားပါတယ်။
ဒီဆိုရိုးစကားကတော့ တရုတ် – မြန်မာချစ်ကြည်ရေးမှာ ဆွေမျိုးပေါက်ဖော် ဆိုတဲ့ စကားလုံးလိုပဲ သမိုင်းတွင်မယ့် စကားဖြစ်လာမယ် ထင်ပါတယ်။