ဗိုင်းရပ်စ် နဲ့ ယုံကြည်မှုအလွဲများ

ကမ္ဘာ့ကျန်းမာရေးအဖွဲ့ ရဲ့ ဝက်ဘ်ဆိုက် မှာ ကိုရိုနာဗိုင်းရပ်စ် ( ဝူဟန်ဗိုင်းရပ်စ်) နဲ့ပတ်သက်ပြီး ယုံကြည်မှုလွဲမှားနေတာတွေကို အပြည့်အစုံရှင်းပြထားပါတယ်။ အဲဒါတွေကို အတိုချုပ်ပြောရ ရင်

၁။ အေးလို့၊နှင်းကျလို့ ကိုယ်ထဲက ဗိုင်းရပ်စ်တွေ သေကုန်တယ်ဆိုတာမဟုတ်ပါဘူး။ ပြင်ပ အပူချိန် ဘယ် လောက်ပဲရှိရှိ ၊ လူရဲ့ ကိုယ်တွင်းအပူချိန်က ၃၆.၅ နဲ့ ၃၇ ဒီဂရီ ( 36.5 – 37 ံC) ကြားမှာပဲ ရှိပါတယ်။

၂။ ရေနွေးနဲ့ ရေချိုးတာဟာလည်း ရောဂါကို မကာကွယ်နိုင်ပါဘူး။ ရေနွေးနဲ့ချိုးတဲ့အတွက် ကိုယ် တွင်းအပူချိန်ကပြောင်းမသွားဘူး။

၃။ တရုတ် နိုင်ငံကဖြစ်ဖြစ်၊ ရောဂါဖြစ်ပွားနေတဲ့ နိုင်ငံတစ်နိုင်ငံက ဖြစ်ဖြစ် တင်သွင်းလာတဲ့ ကုန်ပစ္စည်းတွေကို အသုံးပြုတာကြောင့်လည်း ရောဂါမကူးစက်နိုင်ဘူး။ ဗိုင်းရပ်စ်ပိုးဟာ နေရာ အမျိုးမျိုး၊ အပူချိန်အမျိုးမျိုးမှာ အဆင့်ဆင့် ကိုင်တွယ်သယ်ဆောင်တဲ့ အခြေအနေမှာ ရှင်သန် ဖို့မဖြစ်နိုင်ဘူး။ သံသယရှိတယ်ဆိုရင် အဲဒီပစ္စည်းမျက်နှာပြင်ကို သန့်ရှင်းရေး လုပ်ပြီးမှ ကိုင် တွယ်တာ၊ဒါမှမဟုတ် ကိုင်တွယ်ပြီးတဲ့အချိန်မှာ လက်သေသေချာချာဆေးရင် လုံလောက်ပါ တယ်။

၄။ ခြင်ကိုက်လို့လည်း ရောဂါ မကူးစက်နိုင်ပါဘူး။

၅။ လက်အခြောက်ခံစက်နဲ့ သန့်ရှင်းရေးလုပ်ရုံ နဲ့ရောဂါကို မကာကွယ်နိုင်ပါဘူး။ ဆပ်ပြာနဲ့ သေသေချာချာဆေးကြောမှသာ ကာကွယ်နိုင်ပါတယ်။

၆။ ခရမ်းလွန်ရောင်ခြည်သုံး မီးချောင်းနဲ့လည်း ကာကွယ်လို့မရပါဘူး။ အခန့်မသင့်ရင် အရေ ပြားကိုတောင်ထိခိုက်နိုင်ပါတယ်။

၇။ ကိုယ်အပူချိန်တိုင်းတာတဲ့ ကရိယာနဲ့ စစ်ဆေးတာက ရောဂါကြောင့် ဖျားနာနေတဲ့ သူကို ပဲ သိနိုင်တယ်။ ဒီဗိုင်းရပ်စ်ပိုးက ရောဂါလက္ခဏာမပြခင် နှစ်ရက်ကနေ ဆယ်ရက်အထိ ခန္တာကိုယ် ထဲမှာ ဘာလက္ခဏာမှ မပြဘဲ ခိုအောင်းနေနိုင်ပါတယ်။

၈။ အရက် ဒါမှမဟုတ် ကလိုရင်းဆေးရည်ကို တစ်ကိုယ်လုံးဖြန်းတာကြောင့် ကိုယ်ခန္တာ အတွင်းက ဗိုင်းရပ်စ်ကို သတ်လို့မရပါဘူး။ မျက်လုံးတို့ ပါးစပ်တို့ကိုတောင် အန္တရာယ်ဖြစ်နိုင်ပါတယ်။ ရောဂါ ပိုး ရှိတယ်လို့ ထင်ရတဲ့ မျက်နှာပြင်တွေကို သန့်ရှင်းရေးလုပ်ရင်တောင် သူ့အတိုင်းအဆနဲ့ သူ သုံးရတာဖြစ်ပါတယ်။

၉ ။ အိမ်မွေး တိရိစ္ဆာန်ဖြစ်တဲ့ ခွေး ၊ ကြောင် တို့က တစ်ဆင့် ရောဂါကူးစက်တာမျိုးမတွေ့ ရ သေးဘူး။ ဒါပေမယ့် ဒီအကောင်တွေကို ကိုင်တွယ်ပြီးရင်တော့ လက်သေသေချာချာ ဆေး တာ အကောင်းဆုံးပဲ။

၁၀။ ဒီဗိုင်းရပ်စ် ပိုးက မျိုးအသစ်ဖြစ်တဲ့အတွက် လက်ရှိ တုတ်ကွေး၊ အဆုတ်ရောင် ရောဂါ ကာကွယ်ဆေးတွေနဲ့ ကာကွယ်လို့မရပါဘူး။

၁၁။ နှာခေါင်းကို ဆားရည် ( Saline ) နဲ့ မကြာခဏဆေးရင် ရောဂါပိုးကို ကာကွယ်နို်င်တယ် ဆို တာမဟုတ်ဘူး။

၁၂။ ကြက်သွန်ဖြူစားရင် ကိုရိုနာဗိုင်းရပ်စ်ကို ကာကွယ်နိုင်တယ်ဆိုတာ သက်သေအထောက် အထား မတွေ့ရသေးဘူး။

၁၃။ ဒီဗိုင်းရပ်စ်က အသက်ကြီးတဲ့သူတွေ၊ ကလေးတွေမှာ ပိုဖြစ်တယ်ဆိုတာမဟုတ်ဘူး။ လူတိုင်း ဖြစ်နိုင်တယ်။ ဒါပေမယ့် အသက်ကြီးတဲ့ သူတွေက အခြားရောဂါအခံရှိရင်တော့ ပြင်း ပြင်းထန်ထန်ခံစားရမယ်။

၁၄။ ပဋိဇီဝဆေး ( Antibiotic) တွေက ဗိုင်းရပ်စ်ကြောင့်ဖြစ်တဲ့ရောဂါကို ကာကွယ်လို့၊ ကုသ လို့မရဘူး။

၁၅။ အခုအချိန်ထိ ကိုရိုနာဗိုင်းရပ်စ်ကို ကာကွယ်နိုင်ဖို့၊ကုသနိုင်ဖို့အတွက် သီးခြားဆေးမရှိသေး ဘူး။ သုတေသနပြုလုပ်ရှာဖွေနေဆဲပဲ။

ကမ္ဘာ့ကျန်းမာရေးအဖွဲ့က သူ့ရှင်းလင်းချက်ထဲမှာ လက်ကို မကြာခဏ ဆေးကြောတာက အကေင်းဆုံးကာကွယ်နည်းဖြစ်တယ်ဆိုတဲ့အချက်ကို အကြိမ်ကြိမ်ရည်ညွှန်းဖော်ပြထားတာလည်း တွေ့ရပါတယ်။

ရှင်းလင်းချက်အပြည့်အစုံကို အောက်ပါလင့်ခ်မှာ ဖတ်နိုင်ပါတယ်။

https://www.who.int/emergencies/diseases/novel-coronavirus-2019/advice-for-public/myth-busters

မှတ်ချက် ။ ဆေးပညာကျွမ်းကျင်သူမဟုတ်တဲ့အတွက် ဘာသာပြန်တဲ့နေရာမှာ အသုံးအနှုန်းလွဲနေရင် ပြင်ပေးကြပါ။