အခြေခံဥပဒေပြင်ဆင်ဖို့အတွက် ပြည်ထောင်စုလွှတ်တော်မှာ ထောက်ခံမဲ ၇၅% ကျော်ရဖို့ မလွယ်မှန်းသိပေမယ့် ပြည်သူလူထုရဲ့ သဘောထား ၊ လွှတ်တော်ကိုယ်စားလှယ် အားလုံ းရဲ့ သဘောထား ဘယ်လိုရှိသလဲဆိုတာ သိအောင် စမ်းသပ်တာပါလို့ အင်န်အယ်လ်ဒီ ပြန်ကြားရေးကော်မတီ အတွင်းရေးမှူး မုံရွာအောင်ရှင်က ပြောတယ်။ ( ပုံ ၁)
မနေ့က မဲခွဲတဲ့အချိန်မှာ ပြည်ထောင်စု ပြိုကွဲမယ့်၊ တိုင်းရင်းသား စည်းလုံးညီညွတ်မှု ပြိုကွဲမယ့်၊ အချုပ်အခြာအာဏာလက်လွတ်ဆုံးရှုံးမယ့် အရေးပေါ် အခြေအနေမှာ တပ်မတော်ကာကွယ်ရေးဦးစီးချုပ်က နိုင်ငံတော်အာဏာကို ဖွဲ့စည်းပုံ အခြေခံဥပဒေနဲ့အညီ ရယူသုံးစွဲခွင့်ရှိတယ်ဆိုတဲ့ ပြဋ္ဌာန်းချက်ကို မဲခွဲတဲ့အခါ ထောက်ခံ မဲ ၃၄၃ မဲပဲရခဲ့တယ်။ ( ပုံ ၂ နဲ့ ၃)
သတင်းတွေအရ အဲဒီနေ့က လွှတ်တော်ထဲမှာ အင်န်အယ်လ်ဒီ ကိုယ်စားလှယ် ၃၈၃ ဦးရှိတယ် ။ ရတဲ့ ထောက်ခံမဲက ၃၄၃ မဲဆိုတော့ အင်န်အယ်လ်ဒီပါတီထဲမှတောင် ကိုယ့်ပါတီကတင်တဲ့ အခြေခံဥပဒေပြင်ဆင်ရေးကို မထောက်ခံတဲ့ ကိုယ်စားလှယ်တွေရှိနေတယ်ဆိုတာ ထင်ရှား သွား ပြီပေါ့။
ဦးမုံရွာ အောင်ရှင် ပြောသလို စမ်းသပ်တာပါဆိုရင်တော့ အင်န်အယ်လ်ဒီပါတီအနေနဲ့ ၇၅% ကျော်ဖို့ ထက် ကိုယ့်ပါတီကိုယ်စားလှယ်တွေရဲ့ထောက်ခံမှုကို ရာခိုင်နှုန်းပြည့် ရအောင် အရင်ကြိုးစားရဦးမယ်ဆိုတာ အဖြေတွေ့သွားပြီလို့ထင်ပါတယ်။
မှတ်ချက်။
အင်န်အယ်လ်ဒီလွှတ်တော်ကိုယ်စားလှယ်တစ်ယောက်ကတော့ မဲစာရွက်မှာ မဲပေးဖို့ ကျန်သွား တာ ဖြစ်မှာပါလို့ ဆင်ခြေပေးထားတာလည်း ဖတ်ရတယ်။
လွှတ်တော်ကိုယ်စားလှယ်တစ်ယောက် အနေနဲ့ ဒီလောက်အရေးကြီးတဲ့ အခြေခံဥပဒေပြင်ဆင် ရေးလို ကိစ္စမှာ မဲပေးဖို့ မေ့သွားတယ်ဆိုရင်တော့ အဲဒီ ကိုယ်စားလှယ်ကို ရွေးချယ်ခဲ့တဲ့ ပါတီ မှာ တာဝန်ရှိပြီပေါ့။ ပြီးတော့ မေ့တာကလည်း တစ်ယောက်တည်းမဟုတ် လူလေးဆယ် လောက် ဆိုတော့ ပြောစရာစကားတောင်မရှိတော့ပါဘူး။ ပြည်သူ့ဘဏ္ဍာငွေထဲက ပေးနေရတဲ့ လစာတွေ၊ စရိတ်တွေပဲ နှမျောမိပါတယ်။
Ye Htut's Blog 