စင်္ကာပူနဲ့ ဗိုင်းရပ်စ် ကာကွယ်ရေး

စင်္ကာပူနိုင်ငံရဲ့ ဗိုင်းရပ်စ် ကာကွယ်၊ ထိန်းချုပ် ၊ ကုသရေး လုပ်ငန်းစဉ်တွေဟာ နိုင်ငံတကာရဲ့ ချီးကျူးမှု ကိုခံရတယ်။ ဒါပေမယ့် ရောဂါဖြစ်ပွားနှုန်းက ဧပြီလထဲမှာ ပြန်တက်လာတာကို တွေ့ ရတယ်။ ဧပြီလ ၁၆ ရက်နေ့တစ်ရက်တည်းမှာ ရောဂါပိုး ကူးစက်နေသူ ၇၂၈ ဦးတွေ့တယ်။ စုစု ပေါင်း ရောဂါပိုးကူးစက်သူ ၄၄၂၇ ဦးရှိသွားပြီး သေဆုံးသူ ၁၀ ဦးရှိတယ်။ ပျောက်ကင်းသူ ၆၈၃ ဦးရှိတယ်။

စင်္ကာပူနိုင်ငံမှာ ရောဂါကူးစက်မှု မြင့်တက်လာတာနဲ့ပတ်သက်ပြီး ဒီနေ့ ( ဧပြီ ၁၇ ရက်) ထုတ် စထရိတ်တိုင်းမ်သတင်းစာမှာ “5 weak links in Singapore’s Covid-19 battle” ဆိုပြီး ဆောင်းပါးရေးသားဖော်ပြထားတယ်။

ဆောင်းပါးပါ အဓိက အချက်တွေကတော့

အလုပ်သမားအိပ်ဆောင်တွေ

၁။ ထပ်တိုးလာတဲ့ ရောဂါကူးစက်သူအများစုက နိုင်ငံခြားသားအလုပ်သမားတွေ မှာ ဖြစ်တယ်။ လူနေ ရပ်ကွက်တွေထဲမှာ ကူးစက်မှုက ပြီးခဲ့တဲ့ရက်သတ္တပတ်မှာ တစ်ရက် ပျမ်းမ ျှ ၃၇ ဦးပဲရှိတယ်။

၂။ အလုပ်သမားအိပ်ဆောင်တွေမှာ အိပ်ခန်း၊ စားသောက်ခန်းတွေကို စုပေါင်းသုံးစွဲတာရယ်၊ လူဦး ရေ သိပ်သည်မှုများတာရယ်ဟာ ရောဂါကူးစက်မှုကို ပိုမြန်စေတယ်။

၃။ စင်္ကာပူမှာနိုင်ငံခြားသားအလုပ်သမားတွေအတွက် သီးသန့်တည်ဆောက်ထားတဲ့ အဆောင် ဝင်းပေါင်း ၄၃ ခု အနက် ၁၉ ခုမှာ ရောဂါကူးစက်မှု နှစ်ထောင်ကျော်တွေ့ခဲ့တယ်။ အဲဒီ ၁၉ ခု အနက် ၁၂ ခုကို သီးသန့်ခွဲခြားကန့်သတ်တဲ့ နယ်မြေအဖြစ်သတ်မှတ်ထားပြီး ကျန်တဲ့ အလုပ်သမားတွေကို ၁၄ ရက် စောင့် ကြည့်နေရတယ်။

၄။ အများဆုံးဖြစ်ပွားတဲ့ S 11 အဆောင်ဝင်းမှာ ကူးစက်သူ ၉ ၇၉ ဦးတွေ့ခဲ့တယ်။

သက်ကြီးရွယ်အိုများ

၁။ သေဆုံးသူ ၁၀ ဦးလုံးဟာ အသက် ၆၀ အထက်တွေဖြစ်တယ်။

၂။ Lee Ah Moo ဘိုးဘွားရိပ်သာမှာ ရောဂါကူးစက်သူ ၁၆ ဦးတွေ့တယ်။ နှစ်ဦး သေဆုံးတယ်။ နှစ်ယောက်လုံးက ၈၆ နှစ်အရွယ်အဖွားတွေ။

စည်းကမ်း

၁။ ဝေးဝေးနေဖို့၊ လူစုလူဝေးမလုပ်ဖို့ဆိုတဲ့ စည်းကမ်းတွေကို အစပိုင်းမှာလိုက်နာမှုအားနည်း တယ်။ အိမ်မှာ သူငယ်ချင်းတွေ၊ ဆွေမျိုးတွေ ဖိတ်ပြီး စားသောက်တယ်။ အပြင်မှာ လူစုပြီး အား ကစားလုပ်တယ်။ Mask ဝတ်ဆင်ပြီးမှ အပြင်ထွက်ဖို့ သတ်မှတ်ထားပေမယ့် အသက်ရှုမ၀ ဘူး ဆိုပြီး မလိုက်နာတဲ့သူတွေရှိတယ်။

၂။ အခုတော့ စည်းကမ်းထိန်းသိမ်းရေး အရာရှိ သုံးထောင်ကျော် တာဝန်ပေးထားရတယ်။ ဧပြီ ၇ ရက်နောက်ပိုင်း သတိပေးမှု ၆၂၀၀ ကြိမ် နဲ့ ဒဏ်ငွေချမှတ်မှု တစ်ထောင်ကျော်လုပ်ခဲ့ရတယ်။

နေ့ကလေးထိန်းကျောင်းနှင့် မူကြိုကျောင်းများ

၁။ ကလေးတွေကို ကူးစက်မှုနှုန်းနည်းတယ်။ ဒါပေမယ့် ကလေးတွေက ရောဂါ လက္ခဏာ မပြဘဲ ပိုးသယ်ဆောင်သူတွေဖြစ်နေတတ်တယ်။

၂။ အခုအချိန်ထိ ကလေး ၈ ယောက် နဲ့ လူကြီး ၃၂ ယောက်ကို ကူးစက်မှုတွေရှိခဲ့တယ်။

၃။ ဧပြီ ၈ ရက်နေ့ကစပြီး နေ့ကလေးထိန်းကျောင်းနဲ့ မူကြိုကျောင်းတွေမှာ မရှိမဖြစ် လုပ်ငန်း တွေမှာ တာဝန်ထမ်းဆောင်နေတဲ့ မိဘတွေရဲ့ကလေးတွေနဲ့ မထားမဖြစ် ထား ဖို့ လိုအပ်တဲ့ကလေးတွေကိုပဲ လက်ခံတယ်။ အဲဒါတောင် ကလေးတစ်သောင်းကျော်ရှိတယ်။

လုပ်ငန်းခွင်

၁။ အစပိုင်းက လုပ်ငန်းခွင်တွေမှာ ပိုးသတ်ဖို့နဲ့ ဝေးဝေးနေဖို့ စည်းကမ်းကို လိုက်နာမှု အားနည်းခဲ့တယ်။

၂။ အခုအချိန်မှာ စင်္ကာပူ အလုပ်သမားအင်အားရဲ့ ၂၀% ပဲ အလုပ်လုပ်နေတယ်။ ရောဂါ ကာကွယ်ရေး စည်းကမ်းတွေကို တင်းတင်းကျပ်ကျပ် ချမှတ်ထားတယ်။