စင်္ကာပူ ဝန်ကြီးချုပ် မိန့်ခွန်း


စင်္ကာပူ ဝန်ကြီးချုပ် လီရှန်လွန်းက ဒီနေ့( ဧပြီ ၂၁ ရက်) စင်္ကာပူစံတော်ချိန် ညနေ ငါး နာရီမှာ ရေဒီယို နဲ့ ရုပ်မြင်သံကြားကနေ ပြည်သူလူထုကို မိန့်ခွန်းပြောခဲ့ပါတယ်။

ဝန်ကြီးချုပ်မိန့်ခွန်းဟာ ဧပြီလ ၇ ရက်နေ့ကနေ မေလ ရက်နေ့အထိ သတ်မှတ်ထားတဲ့ Lockdown ကာလ ( သူတို့အခေါ် circuit breaker ) နှစ်ပတ်ထဲဝင်လာတဲ့အချိန်မှာ ရောဂါ ဖြစ် ပွားမှုအခြေအနေနဲ့ ရှေ့လုပ်ငန်းစဉ်ကို ရှင်းလင်းတင်ပြတာဖြစ်ပါတယ်။

ဒီမိန့်ခွန်းမှာ အပိုင်းသုံးပိုင်းပါတယ် –

၁။ နိုင်ငံခြားသားအလုပ်သမားများအတွင်းရောဂါဖြစ်ပွားမှုအခြေအနေ။

၂။ ကျန်ပြည်သူလူထုအတွင်းရောဂါဖြစ်ပွားမှုအခြေအနေ။

၃။ ရှေ့လုပ်ငန်းစဉ်များ။

နိုင်ငံခြားသားအလုပ်သမားများ

လက်ရှိအခြေအနေမှာ ရောဂါကူးစက်ခံရကြောင်းတွေ့ရှိသူ အများစုက အဆောင်တွေမှာ နေထိုင် နေတဲ့ နိုင်ငံခြားအလုပ်သမားတွေဖြစ်တယ်။ အခုလို ရောဂါတွေ့ရှိသူများလာတဲ့အကြောင်းအ ရင်း နဲ့ အစိုးရ အစီစဉ်တွေနဲ့ပတ်သက်ပြီး ဝန်ကြီးချုပ်ရှင်းပြသွားတဲ့အထဲက အရေးကြီးတဲ့ အချက်တွေက အောက်ပါအတိုင်းဖြစ်ပါတယ်-

၁။ ရောဂါကူးစက်နေကြောင်းစစ်ဆေးတွေ့ရှိသူ အားလုံးနီးပါးက နိုင်ငံခြားအလုပ်သမား အဆောင်တွေက ဖြစ်တယ်။

၂။ ဒီလိုတွေ့တာဟာ အဲဒီအဆောင်တွေမှာ ဆေးစစ်မှုကို ပြင်းပြင်းထန်ထန်လုပ်နေတဲ့ အတွက် ဖြစ်တယ်။ အခုဆေးစစ်နေတာက ဖျားတဲ့သူ၊ ရောဂါလက္ခဏာ ပြတဲ့သူတွေကိုပဲ စစ်ဆေးတာ မဟုတ်ဘူး။ နေကောင်းနေတဲ့သူတွေကိုလည်း စစ်တယ်။ ဒါမှ ရောဂါလက္ခဏာမပြဘဲ ပိုးရှိနေတဲ့ သူတွေကို ဖော်ထုတ်နိုင်မှာဖြစ်တယ်။

၃။ အခုရောဂါပိုးရှိကြောင်းစစ်ဆေးတွေ့ရှိတဲ့ အလုပ်သမားအားလုံးနီးပါဟာ ရောဂါ ပြင်းထန်မှုမရှိဘူး။

၄။ အခု စစ်ဆေးတွေရှိသူတွေထဲမှာ အောက်ဆီဂျင်ပေးရတဲ့သူ၊ အထူးကြပ်မတ်ကုသဆောင် မှာ ကုသပေးရသူမရှိသေးဘူး။

၅။ အစောပိုင်းတွေ့တဲ့အထဲမှာ ဘင်္ဂလားဒေ့ရ်ှနိုင်ငံသား လူနာအမှတ် ၄၂ တစ်ယောက်ပဲ အထူး ကြပ်မတ်ကုသဆောင်မှာကုခဲ့ရတယ်။ သူ့ကို နှစ်လနီးပါး ကုသပေးခဲ့ရပြီး သက်သာလာလို့ ရိုး ရိုး ကုသဆောင်ကို ရွှေ့ပြောင်းလိုက်ပြီ။ လုံးဝပျောက်ကင်းဖို့တော့ အချိန်ယူရဦးမယ်။

၆။ အဆောင်တိုင်းမှာ ဆေးတပ်ဖွဲ့ရှိတယ်။ ဖျားတဲ့သူ၊ ဒါမှမဟုတ် ရောဂါလက္ခဏာပြတဲ့ သူတွေ ကို ချက်ခြင်းစစ်ဆေးကုသပေးတယ်၊ ခွဲခြားထားတယ်။ ဆေးရုံပို့ဖို့လို ရင် ချက်ခြင်းပို့တယ်။ အသက် ကြီး တဲ့ အလုပ်သမားတွေကို ကြိုတင်ကာကွယ်တဲ့အနေနဲ့ သီးခြား အဆောင်တွေမှာ ထားတယ်။

၇။ နိုင်ငံခြားသားအလုပ်သမားတွေကို စင်္ကာပူနိုင်ငံသားတွေနဲ့ ထပ်တူ ဂရုစိုက်မယ်။ လစာ ပုံမှန် ရမယ်၊ အိမ်ကို ငွေပြန်ပို့နိုင်မယ်၊ မိသားစုတွေနဲ့ ဆက်သွယ်နိုင်အောင် စီစဉ် ပေးမယ်။

၈။ မကြာခင်မှာ ရာမာဒန်ဥပုသ်လရောက်တော့မှာဖြစ်တဲ့အတွက် အစ္စလမ်ဘာသာဝင် အလုပ် သမားတွေအတွက်လိုအပ်တာတွေ စီစဉ်ပေးမယ်။

၉ ။ ဈေးဆိုင်တွေ၊ နေအိမ်တွေ၊ လက်ရှိဆောင်ရွက်နေဆဲ စက်ရုံ၊ အလုပ်ရုံ၊ လုပ်ငန်းတွေ မှာ အလုပ် လုပ်နေရတဲ့ နိုင်ငံခြားသားအလုပ်သမားတွေက အလုပ်ဆက်လုပ်မယ်။ သူတို့ကို သီးခြား နေထိုင်ဖို့ စီစဉ်ပေးထားတယ်။ ရောဂါပိုးရှိမရှိ စစ်ဆေးမှုတွေ လုပ်နေတယ်။ မပြတ်စောင့်ကြည့် နေတယ်။

ကျန်ပြည်သူများ

ဝန်ကြီးချုပ်က ကျန်တဲ့ပြည်သူလူထုအတွင်းရောဂါကူးစက်မှုကျဆင်းလာတာကို ထောက်ပြ သွားပြီး ဆက်ကြိုးစားဖို့တိုက်တွန်းသွားတယ်။ သူပြောတဲ့အထဲက အရေးကြီးတဲ့အချက်တွေက အောက် ပါအတိုင်းဖြစ်ပါတယ် –

၁။ ကျန်ပြည်သူလူထုတွေအတွင်းမှာ ရောဂါပိုးကူးစက်မှုကို ထိန်းချုပ်တာ ရလဒ်ကောင်းတွေ တွေ့လာရပြီ။ ကျန်လူထုအတွင်းကူးစက်မှုက လူသုံးဆယ်အောက်ကို ရောက်လာပြီ။ ဒါပေမယ့် ကျေနပ်နေလို့မရဘူး။ သုည ရောက်တဲ့အထိ ရောက်အောင်ကြိုးစားရမယ်။

၂။ အခုအချိန်ထိ ခြေရာကောက်လို့မရတဲ့ ကူးစက်မှုတွေ တွေ့နေရတုန်းပဲ။ ဒါက စိုးရိမ်ဖို့ ကောင်းတယ်။ ဘယ်နေရာက ပေါက်နေသလဲ ဖော်ထုတ်ဖို့ ကြိုးစားနေတယ်။

၃။ ပြည်သူတွေအနေနဲ့ တတ်နိုင်သမ ျှ အိမ်ထဲမှာနေပါ။ ဈေးဝယ်ဖို့၊ အားကစားလုပ်ဖို့ အပြင် ထွက်ရင် တစ်ယောက်တည်းပဲသွား၊ ကိုယ့်အိမ်ပတ်ဝန်းကျင်ပဲသွား၊ ပြီးတာနဲ့ အိမ်ကို ချက်ခြင်း ပြန်လာပါ။

၄။ သွားလာမှုတွေ ကန့်သတ်ထားရတဲ့ရည်ရွယ်ချက်က လူချင်းဆက်သွယ်ထိတွေ့မှုတွေ ကို အနည်းဆုံးဖြစ်အောင်လေ ျှာ့ချဖို့ဖြစ်တယ်ဆိုတာကို နားလည်ကြပါ။

၅။ အရေးကြီးဆုံးလုပ်ငန်းတွေကို ပဲ လုပ်ဆောင်ခွင့်ပြုထားတဲ့အတွက် တစ်ချို့ ဝန်ဆောင်မှု တွေ အားနည်းသွားရင် သည်းခံပေးပါ။

ရှေ့လုပ်ငန်းစဉ်

ရှေ့လုပ်ငန်းစဉ်နဲ့ပတ်သက်ပြီး အရေးကြီးတဲ့အချက်တွေက အောက်ပါအတိုင်းဖြစ်ပါတယ် –

၁။ သွားလာမှုကန့်သတ်ထားချက်ကို မေလ ၄ ရက်နေ့ ကနေ ဇွန်လ ၁ ရက်နေ့ အထိ သက် တမ်းတိုးမယ်။

၂။ ရက်ထပ်တိုးတဲ့အတွက် အလုပ်ရှင်၊အလုပ်သမားနဲ့ စီးပွားရေးလုပ်ငန်းတွေ နစ်နာမှုမရှိ အောင်အကူအညီပေးမယ်။ ( ပြီးရင် သက်ဆိုင်ရာ ဝန်ကြီးတွေက အသေးစိတ်ရှင်းပြမယ်။ )

၃။ ရောဂါကူးစက်မှုအခြေအနေ တိုးတက်လာရင် ကန့်သတ်ထားမှုတွေကို ပြန်လည်သုံးသပ် မယ်။

၄။ အခုကန့်သတ်ထားချက်တွေကို ရပ်ဆိုင်းနိုင်ဖို့အတွက် လုပ်ငန်းစဉ်သုံးခုလုပ်သွားမယ်။
တယ်။ ပထမက ရောဂါကူးစက်မှု အခြေအနေပေါ်မူတည်ပြီး တိုးတက်မှုရှိရင် ( တစ်ဆင့်ချင်း ) ဖြေလေ ျှာ့ပေးမယ်။ ဒုတိယက ဓာတ်ခွဲစစ်ဆေးမှုတွေကို ပိုပြီးကျယ်ကျယ် ပြန့်ပြန့်လုပ်ရမယ်။ နောက်ဆုံးက ရောဂါဖြစ်ပွားမှုတွေကို ခြေရာကောက်နိုင်ဖို့အတွက် သတင်းအချက်အလက်နည်းပညာကို ကျယ်ကျယ်ပြန့်ပြန့်အသုံးချရမယ်။

စင်္ကာပူဝန်ကြီးချုပ်က ဖြစ်နေတဲ့အခြေအနေ၊ အစိုးရလုပ်နေတာ၊ ဆက်လုပ်မယ့် အစီအစဉ် နဲ့ လူထုက ဆောင်ရွက်ရမယ့် အလုပ်တွေကို တိတိကျကျ ပြောသွားတာ၊ ဝန်ကြီးချုပ် မိန့် ခွန်း ပြီး တာနဲ့ သက်ဆိုင်ရာဝန်ကြီးတွေက အသေးစိတ်ရှင်းပြဖို့ စီစဉ်ထားတာတွေဟာ နမူ နာ ယူစရာပါပဲ။

မိန့်ခွန်းအပြည့်အစုံကို https://www.channelnewsasia.com/news/singapore/covid-19-pm-lee-full-speech-circuit-breaker-extended-june-1-12662056 မှာ လေ့လာနိုင်ပါတယ်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: