ဗိုင်းရပ်စ် နဲ့ ဘင်္ဂလားဒေ့ရ်ှ စီးပွားရေး

ကိုရိုနာဗိုင်းရပ်စ်ပိုး ကူးစက်မှုဟာ ကျန်းမာရေးပြဿနာ ဖြစ်သလို စီးပွားရေးပြဿနာလည်း ဖြစ် တယ်။ ဒီတော့ လူတွေကျန်းမာအောင် ကုစားရသလို နိုင်ငံ့စီးပွားရေး ကျန်းမာအောင်၊ မြန်မြန် နလံ ထအောင်လည်း လုပ်ကြရတယ်။

စီးပွားရေးအရ ကုစားတာကို စီးပွားရေးလုပ်ငန်းတွေကို ကူညီတာနဲ့ အလုပ်သမားတွေ၊ လက်လုပ်လက်စားတွေ ကို ကူညီတာဆိုပြီး အကြမ်းဖျဉ်းအားဖြင့် နှစ်မျိုးခွဲလို့ရတယ်။

ဒီလို ကုစားတဲ့အခါ တစ်နိုင်ငံနဲ့တစ်နိုင်ငံ လုပ်ပုံလုပ်နည်းခြင်းတော့တူမှာမဟုတ်ဘူး။ နိုင်ငံ့စီးပွားရေးအခြေအနေပေါ်မူတည် ပြီး သုံးတဲ့ငွေပမာဏလည်း မတူနိုင်ဘူး။ ဒါပေမယ့် စီးပွားရေးအရွယ်အစား၊ ဂျီဒီပီပမာဏာ ကွာခြားမှုမများတဲ့ နိုင်ငံချင်းနှိုင်းယှဉ်ကြည့် လို့ တော့ ရတယ်။

ဒါ့ကြောင့် ဘင်္ဂလားဒေ့ရ်ှမှာ ဗိုင်းရပ်စ်ကြောင့် စီးပွားရေးကျဆင်းနေတာကို ကုစားနိုင်ဖို့အတွက် ဘဏ္ဍာရေး ( Fiscal) အရဘာတွေလုပ်ထားတယ်ဆိုတာ လေ့လာ ကြည့်တော့ အခုလို တွေ့ပါတယ်။ ( အကြမ်းဖျဉ်းအားဖြင့် ဘင်္ဂလားဒေ့ရ်ှ တစ်တာကာက မြန်မာ ၁၇ ကျပ် နဲ့ညီပါတယ်။ )

၁။ ၂၀၂၀ ပြည့်နှစ် မတ်လ ကုန်မှာ ကျန်းမာရေးဝန်ကြီးဌာန ဗိုင်းရပ်စ်ရောဂါ ကာကွယ်ရေးအတွက် အသုံးစရိတ် တွေကို တိုးချဲ့ ခွင့်ပြုတဲ့ ဘတ်ဂျက်အသစ်ကို ပြင်ဆင် အတည်ပြုတယ်။
၂။ ဝင်ငွေနည်းသူတွေအနေနဲ့ဆန်ကို ဈေးကွက်ပေါက်ဈေး သုံးပုံ တစ်ပုံ နဲ့ ဝယ်ယူနိုင်မယ့် Open Market Sale (OMS) program ကို တိုးချဲ့တယ်။
၃။ ပို့ကုန်ကဏ္ဍကို အကူအညီပေးဖို့ တာကာ ၅၀ ဘီလျံ သုံးမယ်။ အဲဒီ အစီအစဉ်မှာ အလုပ်သမား လေးသန်းနီးပါးအတွက် သုံးလစာ လခပေးဖို့လည်းပါတယ်။
၄။ ဗိုင်းရပ်စ်ရောဂါ ကုသရေးတာဝန်ထမ်းဆောင်နေတဲ့ ကျန်းမာရေးဝန်ထမ်းတွေအတွက် ဆု ကြေး တာကာ ၁ ဘီလျံ ပေးမယ်။
၅။ အိုးအိမ်မဲ့တွေအတွက် တာကာ ၂၁.၃ ဘီလျံ ပေးမယ်။
၆။ ကပ်ရောဂါဘေးကြောင့် အလုပ်လက်မဲ့ဖြစ်သွားသူတွေကို တာကာ ၇.၆ ဘီလျံ ထောက်ပံ့မယ်။
၇။ ကပ်ရောဂါ ကာကွယ် ထိန်းချုပ် ကုသရေးလုပ်ငန်းစဉ်မှာ တာဝန်ထမ်းဆောင်နေသူတွေ အတွက် တာကာ ၇.၆ ဘီလျံ တန်ဖိုးရှိတဲ့ ကျန်းမာရေးအာမခံထားပေးမယ်။
၈။ ဗဟိုဘဏ်က ပို့ကုန်သမားတွေကို အထောက်အကူပေးဖို့ တာကာ ၅၀ ဘီလျံ တန်ဖိုးရှိတဲ့ Pre-shipment Refinancing အစီအစဉ်လုပ်ပေးတယ်။ အဲဒီလိုပဲ လယ်ယာကဏ္ဍအတွက် လည်း တာကာ ၅၀ ဘီလျံတန်ဖိုးရှိတဲ့ Special Incentive Refinancing လုပ်ပေးတယ်။

ကမ္ဘာ့ဘဏ်ကတော့ ကိုဗစ်ရောဂါ တုန့်ပြန်ရေးအတွက် ဘင်္ဂလားဒေ့ရ်ှနိုင်ငံကို ဒေါ်လာ သန်းတစ်ရာ ချေးမယ်လို့ကြေညာထားပါတယ်။

ကိုးကား ။ နိုင်ငံတကာငွေကြေးရန်ပုံငွေအဖွဲ့ ၂၀၂၀ ပြည့်နှစ် ဧပြီလ ၁၇ ရက်နေ့ စာရင်း နဲ့ ကမ္ဘာ့ဘဏ် ၂၀၂၀ ပြည့်နှစ် ဧပြီလ ၃ ရက်နေ့ သတင်းထုတ်ပြန်ချက်