ဗိုင်းရပ်စ် နဲ့ မီတာခ

ကိုဗစ် ၁၉ ကြောင့် စီးပွားရေး အရထိခိုက်မှုတွေ သက်သာအောင်လို့ နိုင်ငံတော်က ဧပြီလ အတွက် ယူနစ် ၁၅၀ အခမဲ့ သုံးခွင့်ပြုတယ်။ ဒါပေမယ့် ပြည်သူတွေမေ ျှာ်လင့်သလောက် မသက် သာဘူး၊ အရင်လတွေထက် ပိုပေးရတဲ့သူတွေရှိတယ်၊ ဒါ့ကြောင့် ကန့်ကွက်သံတွေ ပေါ်လာ တယ်။
အဲဒီလို ကန့်ကွက်မှုတွေထဲမှာ ကျသင့် မီတာယူနစ်တွေထဲက ယူနစ် ၁၅၀ ကို ဖြတ်ပြီး လက်ကျန် ယူနစ်ကိုပဲ တွက်ချက် ကောက်ခံသင့်တယ်လို့ ပြောဆိုမှုေ တွ နဲ့ပတ်သက်ပြီးယူနစ် ၁၅၀ ကို ဖြတ်ပြီးမှ ငွေကောက်ခံရင် စာရင်းစစ်ကန့်ကွက်ချက်ပေါ်မယ်၊ ဒါ့ကြောင့် ကျသင့်ငွေအားလုံးကို တွက်ချက်ပြီးမှ ဈေးအသက်သာဆုံး ယူနစ် ၁၅၀ အတွက် ကျသင့်ငွေ ၁၁၅၅၀ ကျပ်ကို ပြန်ဖြတ်တာဖြစ်တယ်လို့ ဖြေရှင်းတဲ့ အကြောင်း သတင်းတွေမှာ တွေ့ရတယ်။
ကျွန်တော့်အတွေ့အကြုံအရတော့ အဲဒီအကြောင်းပြချက်က ခိုင်လုံမှုမရှိဘူးလို့မြင်ပါတယ် ။
စာရင်းစစ်ချုပ်ရုံးရဲ့ စာရင်းစစ်ဆေးမှု လုပ်ထုံးလုပ်နည်းေ တွကို ဥပဒေ စကားလုံးတွေမပါ ဘဲ ရှင်း ပြရရင်
၁။ စာရင်းစစ်ချုပ်ရုံးက စာရင်းစစ်ဆေးတဲ့အခါ နိုင်ငံတော်က ရသင့်တဲ့ ငွေတွေ ရရဲ့လား၊ နိုင်ငံ တော်ပိုင်ငွေကြေး၊ ပစ္စည်းတွေ မလိုအပ်ဘဲ ဆုံးရှုံးမှုရှိသလား ၊ စာရင်းဇယားထိန်းသိမ်း မှု တွေက သတ်မှတ်ထားတဲ့ ဥပဒေ၊ နည်းဥပဒေ၊ ညွှန်ကြားချက်တွေနဲ့ ကိုက်ညီလား ဆိုတာ ကို အဓိကထားစစ်ပါတယ်။
၂။ ရငွေနဲ့ပတ်သက်လို့ ရသင့်တာ မရဘူး၊ လျော့ရတယ်၊ ကြွေးကျန်တယ်ဆိုရင် သက်ဆိုင်ရာဌာနက အကျိုးအကြောင်းရှင်းပြရတယ်။ ဥပမာ၊ ကောက် ခံတဲ့နှုန်းပြောင်းလို့၊ သက်သာခွင့်ပေးလိုက်လို့၊ စာချုပ်ဖျက်လိုက်လို့ စသည်ဖြင့်ပေါ့။
၃။ အဲဒီလိုရှင်းပြတဲ့အခါ အထောက်အထားပြရတယ်။ ဥပမာ ။ ပြည်ထောင်စုအစိုးရအဖွဲ့ ဆုံးဖြတ် ချက်ကြောင့်၊ ဝန်ကြီးဌာန အမှုဆောင်အဖွဲ့အစည်းအဝေးဆုံးဖြတ်ချက်အရ စသည်ဖြင့်ပေါ့။
၄။ အဲဒီလို အထောက်အထားပြနိုင်ရင် စာရင်းစစ်က လက်ခံတယ်။ စာရင်းစစ်ကန့်ကွက်ချက် မဖြစ်ဘူး။
ဒီတော့ မီတာခ ၁၅၀ ယူနစ် သက်သာခွင့်ပေးတာနဲ့ပတ်သက်ပြီးငွေ ဘယ်လိုကောက်ခံမလဲ ဆို တာကို
၁။ ဝန်ကြီးရုံး အမှုဆောင်အဖွဲ့ ( အီးစီ) အစည်းအဝေးမှာ ဆွေးနွေးဆုံးဖြတ်ရမယ်။ စာရင်းစစ် ချုပ် ရုံးရဲ့ သဘောထားကို တောင်းသင့်ရင်တောင်းရမယ်။
၂။ အဲဒီဆုံးဖြတ်ချက်ကို လိုအပ်ရင် အစိုးရအဖွဲ့အစည်းအဝေးမှာ တင်ပြအတည်ပြုချက် ယူ ရမယ်။ စာရင်းစစ်ချုပ်လည်း အစိုးရအဖွဲ့အစည်းအဝေးတက်ရတဲ့အတွက် သူလည်း ပါဝင် ဆွေးနွေးနိုင်တယ်။
၃။ အဲဒီလို အတည်ပြုချက်ရပြီဆိုရင် သက်ဆိုင်ရာတိုင်းဒေသကြီး၊ ပြည်နယ်၊ ခရိုင်၊ မြို့နယ် တွေကို ဝန်ကြီးဌာနက တရားဝင်အကြောင်းကြားရမယ်။
၄။ သက်ဆိုင်ရာမြို့နယ်တွေက အဲဒီညွှန်ကြားချက်ပါအတိုင်း ကောက်ခံ၊ စာရင်းစစ်ဆေးခံတဲ့ အခါ လေ ျှာ့ကောက်ရတဲ့ အထောက်အထားအဖြစ် အဲဒီညွှန်ကြားချက်ကို ပြသ အစစ်ဆေးခံ ရမယ်။
ပြန်ချုပ်လိုက်ရင်တော့ ကျွန်တော့်အတွေ့အကြုံအရ ဘယ်လို စနစ်နဲ့ ကောက်ခံမလဲဆိုတာ သက်ဆိုင်ရာဝန်ကြီးဌာနရဲ့ အဆုံးအဖြတ်ပဲ၊ ကောက်ခံမယ့် စနစ်က ကျိုးကြောင်းခိုင်လုံရင် စာရင်းစစ်က လက်ခံမှာပဲ။
ဒ့ါကြောင့် အခု မီတာခ ကိစ္စမှာ ယူနစ် ၁၅၀ အစား ငွေ ၁၁၅၅၀ ကျပ်ဖြတ်တာဟာ စာရင်းစစ်ချုပ် ရုံး နဲ့ ကြိုတင်ညှိနှိုင်းချက် အရ ဆောင်ရွက်ရတာလား၊ ဌာနတွင်း ဆုံးဖြတ် ချက်လားဆိုတာကို သက်ဆိုင်ရာဝန်ကြီးဌာနဘက်က အသေးစိတ်ရှင်းပြသင့် တယ်၊ လိုအပ်ရင် မေ လအတွက် ကောက်ခံမယ့် စနစ်ကို ပြန် လည် ပြင်ဆင်သင့်ရင် ပြင်ဆင်ရမယ်လို့ ယူဆမိပါတယ်။