ဗိုင်းရပ်စ် နဲ့ အိန္ဒိယ

မေလ ၁၅ ရက်နေ့က အိန္ဒိယနိုင်ငံမှာ ကိုရိုနာဗိုင်းရပ်စ် ကူးစက်ခံရသူ စုစုပေါင်း ၈၆၅၀၈ ယောက် ရှိတယ်။ ဒါကြောင့် တရုတ်နိုင်ငံရဲ့ စုစုပေါင်းရောဂါ ကူးစက်ခံရသူ အရေအတွက် ၈၄၀၃၈ ယောက်ကို ကျော်လွန်သွားခဲ့ပြီး အိန္ဒိယဟာ အာရှတိုက်မှာ ရောဂါကူးစက်မှုအများဆုံး နိုင်ငံ ဖြစ်လာခဲ့တယ်။ သေဆုံးသူအရေအတွက်ကတော့ ၂၇၆၀ ယောက်ရှိတဲ့အတွက် တရုတ် နိုင်ငံ ရဲ့ သေဆုံးသူအရေအတွက် ၄၆၃၇ ယောက်ထက် နည်းတယ်။

အိန္ဒိယနိုင်ငံရဲ့ ရောဂါကူးစက်ခံရသူ သုံးပုံတစ်ပုံနီးပါး ဟာ လူဦးရေ ၁၉ သန်းရှိတဲ့ မြို့တော် ဒေလီ နဲ့ လူဦးရေ ၂၂ သန်းရှိတဲ့ စီးပွားရေးမြို့တော် မွန်ဘိုင်း က ဖြစ်တဲ့အတွက် ဒီထက်ပိုပြီး ကူးစက်သူ တွေများလာနိုင်တယ်လို့ စိုးရိမ်နေကြတယ်။

အခုလို ကူးစက်မှုတွေ မြင့်တက်လာနေပေမယ့်လည်း အိန္ဒိယအစိုးရကတော့ မတ်လ ၂၅ ရက်နေ့ က စပြီး ချမှတ်ထားတဲ့ ပြင်းထန်တဲ့ သွားလာမှုကန့် သတ်ချက်တွေကို မေလ ၁၈ ရက်နေ့ကစပြီး လေ ျှာ့ပေ းဖို့ဆောင် ရွက်နေတယ်။ နိုင်ငံရဲ့ စီးပွားရေးအခြေအနေကလည်း ကန့်သတ်ချက် တွေကို မဖြစ်မနေလေ ျှာ့ပေးရမယ့်အခြေအနေကိုရောက်နေတယ်။ စီး ပွားရေးလုပ်ငန်း တွေအားလုံး ရပ်၊ ခရီးသည်ပို့ဆောင်ရေးအားလုံးရပ်၊ သန်းချီတဲ့ ရွှေ့ပြောင်းအလုပ်သမား တွေ ငတ် နေတဲ့အခြေအနေကို ကြာရှည်ရင်ဆိုင်ဖို့မဖြစ်နိုင်ဘူး။

အိန္ဒိယ အစိုးရရဲ့ အစီအစဉ်အရ ခရိုင်တွေကို ရောဂါကူးစက်မှုအခြေအနေအပေါ်မူတည် ပြီး အနီ ရောင်၊ လိမ္မော်ရောင် နဲ့ အစိမ်းရောင် ဆိုပြီး ခွဲခြားပြီး ကန့်သတ်မှုတွေ ဆောင်ရွက်မှာ ဖြစ် ပါတယ်။ အနီရောင်ကတော့ ကူးစက်မှုအများဆုံးနေရာတွေဖြစ်ပြီး ကန့်သတ်ချက်အများဆုံး ထားရှိမှာဖြစ်ပါတယ်။

လက်ရှိအခြေအနေအရ အနီရောင်အဆင့်သတ်မှတ်ခံရမယ့် ခရိုင် ၁၃၀ ရှိတယ်။ အဲဒီ ခရိုင် ၁၃၀ မှာ အိန္ဒိယ စီးပွားရေးကဏ္ဍရဲ့ ၄၁%၊ စက်မှုထုတ်ကုန်ရဲ့ ၃၈ % ရှိတဲ့အတွက် ဒီခရိုင်တွေရဲ့ ရောဂါ ကူးစက်မှုကို ထိန်းချုပ်မှုမလုပ်နိုင်သေးရင်တော့ အိန္ဒိယ စီးပွားရေး နလံပြန်ထူဖို့မလွယ်သေး ဘူး။

ကိုးကား။ စထရိတ်တိုင်းမ်းသတင်းစာ ၁၆ မေ ၂၀၂၀၊