ရှင်သန်ခြင်း

ကိုဗစ် ၁၉ ရောဂါဖြစ်လာတော့ ကျွန်တော်တို့နေ့စဉ်သုံးစကားတွေမှာ ဝေါဟာရအသစ်တွေ တိုး လာသည်။ Mask, Quarantine ဆိုတာတွေက ကား၊ ကွန်ပျူတာ တို့လိုပဲ မွေးစားစကားလုံးတွေ ဖြစ်လာပြီ။ နောက်ဆုံးတိုးလာတဲ့ ဝေါဟာရက New Normal။

New Normal ကို တိုက်ရိုက်ဘာသာပြန်ရင်တော့ ပုံမှန်အခြေအနေသစ်လို့ ဆိုရမည်ထင် သည်။ ဒါပေမယ့် မူလဆိုလိုရင်းက ရှောင်လွဲလို့မရ၊ မဖြစ်မနေရင်ဆိုင်ရတော့မယ့်အခြေအနေ ကို ဆို လို ခြင်းဖြစ်သည်။

New Normal ကို စသုံးခဲ့တာ ၂၀၀၇ – ၂၀၀၈ ကမ္ဘာ့ငွေကြေးကဏ္ဍအကျပ်အတည်း ဖြစ်ပွားချိန် မှာဖြစ်သည်။ ထိုအကျပ်အတည်းရဲ့ အကျိုးဆက်အဖြစ် အစိုးရတွေရဲ့ ဘဏ္ဍာရေး၊ ငွေကြေးကဏ္ဍ နဲ့ စီးပွားရေးကဏ္ဍဆိုင်ရာ မူဝါဒတွေမှာအပြောင်းအလဲတွေအများကြီးဖြစ်ခဲ့သည်။ စည်းမျဉ်း အသစ်တွေပေါ်လာသည်။ စီးပွားရေးပညာရှင်တွေက ပိုနေမြဲ၊ကျားနေမြဲ လုပ်လို့ မရတော့၊ အခြေအနေ အသစ်၊ ပတ်ဝန်းကျင်အသစ်အတွက် အသင့်ပြင်ဆင်ထားရတော့မည်ဟု သတိပေးသည်။ ဒါကို New Normal ဟုဆိုသည်။

၂၀၁၁ ခုနှစ်မတိုင်ခင် ဆယ်စုနှစ်များစွာမှာ တရုတ်နိုင်ငံရဲ့ စီးပွားရေးတိုးတက်မှုနှုန်းက ဂဏန်းနှစ်လုံးရှိခဲ့သည်။ ၂၀၁၁ ရောက်တော့ ၉ .၃%၊ ၂၀၁၄ ရောက်တော့ ၇% ပတ်ဝန်းကျင်။ ဒီအချိန်မှာ တရုတ်သမ္မတ ရှိကျင့်ဖျင်က ကမ္ဘာ့စီးပွားရေးပတ်ဝန်းကျင်အခြေအနေပြောင်းလဲမှု များကြောင့် အနာဂတ် တရုတ်နိုင်ငံရဲ့ စီးပွားရေးတိုးတက်မှုနှုန်းဟာ ၇% ပတ်ဝန်းကျင်မှာပဲ ရှိ တော့မယ်၊ ဒါဟာ New Normal ပါပဲလို့ ဆိုသည်။ စင်္ကာပူနိုင်ငံမှာ ၂၀၁၅ ခုနှစ် ဝန်ကြီး ချုပ်ဟောင်း လီကွမ်းယူ ကွယ်လွန်သွားတော့ စင်္ကာပူနိုင်ငံရေးသမားတွေက ပြည်သူတွေကို လီကွမ်းယူမရှိတော့တဲ့ အခြေအနေ New Normal အတွက် ပြင်ဆင်ထားဖို့ သတိပေးခဲ့ ကြ သည်။

ခေတ်မီတိုးတက်နေသော ကမ္ဘာကြီးမှာ ပုလိပ်ရောဂါလို၊ စပိန်တုပ်ကွေးလို ရောဂါကပ်ဆိုးကြီးတွေ မဖြစ်နိုင်တော့လို့ ယုံကြည်နေသူ လူသားများကို ကိုဗစ်က လှုပ်နှိုးခဲ့သည်။ နယ်စည်းတွေ ခြား လိုက်ရပြီ။ တံခါးတွေပိတ်လိုက်ရပြီ။ နွေးနွေးထွေးထွေး ဘဝတွေက ဝေးဝေးနေဖို့ ဖြစ်လာရပြီ။ တစ်ယောက်နဲ့တစ်ယောက်သံသယတွေနဲ့ကြည့်တတ်လာကြပြီ။ ကမ္ဘာကြီးရပ်တန့်လုနီးပါး ဖြစ် ခဲ့ရသည်။

ဒါပေမယ့် ကိုဗစ်ကြောက်လို့ တစ်သက်လုံး အိမ်ထဲပုန်းနေလို့မဖြစ်၊ နိုင်ငံကို တံခါးပိတ်ပြီး အထီးကျန်နေလို့မဖြစ်။ ဒီတော့ New Normal ဆိုတဲ့စကား ခေတ်စားလာ သည်။ ဒီတစ်ခါ ကမ္ဘာ့ကပ်ဘေးရောဂါဆိုတော့ New Normal ဆိုတာ ပညာရှင်အသိုင်းအဝိုင်းမှာတင်မဟုတ် တော့ ၊ နိုင်ငံတိုင်း၊ လူတိုင်း ပါးစပ်ဖျားမှာရောက်နေသည်။ နေရေး၊ စားရေး၊ သွားလာရေး၊ စီး ပွားရေး၊လူမှုရေး၊ နိုင်ငံရေး၊ အို အရာရာတိုင်းမှာ အရင်ကနဲ့ မတူပြောင်းလဲရတော့မည်။ ဘာ တွေပြောင်းရမလဲ ၊ ဘယ်လိုပြောင်းရမလဲ၊ ဘယ်လိုနေထိုင်ရမလဲ ၊ မေးခွန်းတွေ၊ စိုးရိမ်စိတ် တွေ။

လူစိတ်သဘောက ကိုယ်ချစ်ခင်မြတ်နိုးသော အရာများကို ထာဝစဉ်တည်တံ့ဖို့မေ ျှာ်လင့် သည်။ ကိုယ်နေသားကျနေတဲ့ ပတ်ဝန်းကျင်လေး မပြောင်းမလဲ တည်တံ့စေချင်သည်။ မတည်မြဲခြင်း တရားကို မေ့နေကြသည်။နောက်ဆုံး ဘယ်တော့မှမဖြစ် ဘူးဆိုသည့် ယုံကြည်မှုပျက်ြ ပားသွားသောအခါ ကျွန်တော်တို့အားလုံး တုန်လှုပ်ခြောက်ခြားသွားခဲ့သည်။ ဒီလိုနဲ့ New Normal ဆိုတာ ကြောက် စရာ၊ စိုးရိမ်စရာ စကားလုံးဖြစ်လာတော့သည်။

တကယ်တော့ ကိုဗစ်သည် လူ့သမိုင်းတစ်လေ ျှာက်မှာ ကြုံခဲ့ ဖူးသော ကူးစက်ရောဂါပိုးတွေနဲ့ အတူတူပဲဖြစ်သည်။ အချိန်တန်တော့ အခြားကူးစက်ရောဂါတွေ လိုပဲ ကျွန်တော် တို့နဲ့အတူယှဉ်တွဲနေထိုင်နေမှာပဲ။ ကာကွယ်သင့်တာတွေ ကာကွယ်ကြ၊ ဆင်ခြင်သင့်တာတွေ ဆင်ခြင်ကြဖို့ပဲရှိသည်။ ကုသဖို့နည်းလမ်းတွေ၊ ကာကွယ်ဆေး တွေပေါ်လာမည်။ အဲဒီအခါ ဒီဗိုင်းရပ်စ်ပိုး ပျောက်ကွယ်သွားကောင်းသွားမည်။ ဒါမှမဟုတ် ဗိုင်းရပ်စ်တို့သဘာဝအတိုင်း မျိုးရိုးဗီဇပြောင်းလဲသွားပြီး တစ်ကျော့ပြန်တိုက်ခိုက်ကောင်း တိုက်ခိုက်မည်။ အဲဒီအခါကျတော့ လည်း ကိုဗစ်နဲ့လူသား နောက်တစ်ကြိမ်စစ်ပွဲနွဲဖို့ပဲရှိသည်။ ရောဂါကပ်ဆိုးတွေ ဘယ်လောက်ဖြစ်ဖြစ် လူသားတွေပျောက်ကွယ် မသွားခဲ့တာ ကိုဗစ်ကျမှ အရှုံးပေးဖို့မရှိ။

လူ့သမိုင်းမှာ၊ ကောင်းတဲ့အပြောင်းအလဲတွေရှိသလို ဆိုးဝါးတဲ့ ဖြစ်ရပ်တွေ ကိုလည်း ရှောင်လွှဲလို့မရ။အင်ပါယာနိုင်ငံကြီးတွေပြိုကွဲသွားသည်။ ရောဂါကပ်ဆိုးတွေ၊ စီးပွားပျက်ကပ်တွေ၊ စစ်ပွဲတွေကြောင့် မြို့တွေ၊ရွာတွေ၊ပျက်စီးရသည်။ ဘဝတွေပျက်ရ သည်။ ဒါပေမယ့် လူသားတွေ ရဲ့ ဖြစ်ပေါ်တိုးတက်မှုက ရပ်တန့်မသွား၊ အဆိုးတွေကြားက ပိုကောင်းလာတာပဲရှိသည်။

ကျွန်တော်တို့ တစ်ဦးချင်းဘဝမှာလည်း ဒီလိုပါပဲ။အိပ်မက်တွေ၊ မေ ျှာ်လင့်ချက်တွေ ပြိုလဲ ခဲ့သည်။ ချစ်ခင်သူတွေ ခွဲခွာသွား သည်။ မိတ် ဆွေတွေက ရန်သူဖြစ်သွားသည်။ဒါပေမယ့် စိတ်ပျက်လို့မရ၊ လက်မြှောက်အရှုံးပေးလို့မဖြစ်၊ ထိုင်ပြီး ငိုကြွေးနေလို့ မပြီး။ ရေစီး သာ သည်ဖြစ်စေ၊ ကြမ်းသည်ဖြစ်စေ ၊ လက်လေ ျှာ့လို့မရ၊ ရေဆန်ကိုတက်ရဲမှ၊ ဘဝလှမည်။

ဘယ်အရာမှ မတည်မြဲသောလောကသဘာဝအရ New Normal သည် ထူးခြားသော အဖြစ် မဟုတ်၊ အမြဲတမ်းလိုလို ကြုံတွေ့ရမည့်သဘောသာဖြစ်သည်။ ဘယ်အခြေအနေ ရောက် ရောက် ရှင်သန်နေဖို့ပဲ ကြိုးစားဖို့လိုသည်။ ရှင်သန်ခြင်း ကသာ ဘဝအတွက်သော့ချက်ဖြစ်သည်။ ကျွန် တော်တို့အားလုံး ဖီးနစ်ငှက်များသာ။