ဘောနီ

ရွှေဝါပြည်မှာ

စိမ်းရင် “ဘောမ ”

နီရင် “နီပေါ”

စိမ်းရာက နီသွားတော့ “ဘောနီ”

ဒါပေမယ့် “ဘောနီ” က ရှေ့က မျိုးစိတ်နှစ်ခုထက် ပိုပြီးထူးခြားတဲ့ ဂုဏ်သတ္တိတွေရှိတယ်

၁။ “မ” တဲ့အချိန်တုန်းကလည်း ကတ္တီပါလက်အိတ်နဲ့ ခံရတဲ့သူ အားနာအောင်မခဲ့တယ်။

၂။ “နီ” ပြီဆိုတော့လည်း မူလလက်ဟောင်း အနီတွေ ထက် ပို နီတယ်။ ရဲရဲတောက်အောင် နီတယ်။ အသေအလဲနီတယ်။

၃။ အရင်က “မ” ခဲ့တာ ကြောက်လို့ပါ။ အဂတိတရားမကင်းပါဘူး။ အခု “နီ“တာကတော့ တကယ်ချစ်တာ ၊ အဂတိမပါဘဲ ချစ်တာ၊ သွေးထဲ သားထဲက ချစ်တာပါ လို့ လေပြေထိုးတတ် တယ်။

၄။ “ဘောနီ” ဟာ ဗိုင်းရပ်စ်လိုပဲ ကိုယ်ခံအားစနစ်ကို လှည့်စားပြီး ထိုးဖောက်ဝင်ရောက်နိုင်တယ်။

“ ဘောနီ” ဟာ လေဘယ်ဘက်က တိုက်မယ်၊ ရွက်ဘယ်လို လွှင့်ရမယ် ဆိုတာကို ကြိုတွက်တတ်တော့ “ဘောမ”တွေ၊ “နီပေါ”မျိုးတုန်းသွားရင်တောင် ဘောနီ ဟာ “ဘော ဝါ”၊ “ဘောပြာ” စသည်ဖြင့် အရောင်ပြောင်းပြီး ရှင်သန်နေဦးမှာသေချာတယ်။