ဇူလိုင် ၁၂ ရက်နေ့က ပါဝါဂျာနယ်သတင်းအဖွဲ့ နဲ့ တွေ့ဆုံဖြေကြားခဲ့ပါတယ်။ အဲဒီအင်တာဗျူး ကို ဒီနေ့ ဇူလိုင် ၁၅ ထုတ်ဂျာနယ်မှာ ဖော်ပြထားပါတယ်။ ဖြေကြားချက်တွေထဲက စိတ်ဝင်စားစရာ လေးတွေကို ကောက်နှုတ်မ ျှဝေရရင်
ဒေါ်အောင်ဆန်းစုကြည်
ဒေါ်အောင်ဆန်းစုကြည်ရဲ့ အရှိန်အဝါက အရမ်းကြီးတယ်။ ဒေါ်အောင်ဆန်းစုကြည်က သြဇာ ရော၊အာဏာပါရှိတယ်။ မြန်မာ့နိုင်ငံရေးမှာ ဦးနေဝင်းတို့၊ ဦးသန်းရွှေတို့က အာဏာပဲ ရှိတာ၊ ( လူထုအပေါ်) သြဇာမရှိဘူး။ xx
အခုကျွန်တော်ပြောနေတာတွေက ဒေါ်အောင်ဆန်းစုကြည်နဲ့ NLD အစိုးရကို ဝေဖန်တယ် ဆို တာထက် ဘာမှမဝေဖန်ဘဲနဲ့ ဝိုင်းမြှောက်လို့ရှိရင် အကြီးအကဲတွေ ဘယ်လို ဒုက္ခရောက်တယ် ဆိုတာကို ကိုယ်တွေ့မြင်ခဲ့တဲ့အတွက်ကြောင့်မို့ အဲဒီလိုမျိုးမဖြစ်စေချင်တဲ့ စိတ်နဲ့ ကျွန်တော် ဝေဖန်တာပါ။ မကြိုက်မှန်းသိတယ်။ အဆဲခံရမှန်းလည်း သိတယ်။ သို့သော် ဘယ်သူမှ မပြောတဲ့ အချိန်မှာ ကိုယ်က ပြောသင့်ပြောထိုက်တာကို ပြောမယ်ဆိုတဲ့စိတ်နဲ့ ကျွန်တော် ပြော နေ တာ။ xx
ဦးသိန်းစိန်
သူ့ရဲ့ စိုးရိမ်မှုက ၂၀၁၁-၂၀၁၆ မှာတုန်းက အရွေ့တစ်ခု ဖြစ်အောင် သူအများကြီး ကြိုးစားခဲ့တယ်။ အဲဒီအရွေ့ကနေ နောက်ပြန်လန်ကျသွားမှာကို သူစိုးရိမ်တယ်။ xx
ပါတီခေါင်းဆောင်ဟောင်းတစ်ယောက်အနေနဲ့ အတိုင်းအတာတစ်ခုအထိ လုပ်ပေးတာက လွဲရင် အရမ်းကြီးတက်တက်ကြွကြွထွက်ပြီး မဲဆွယ်ဖို့တော့ တော်တော်အလားအလာနည်း တယ်။ xx
အင်န်အယ်လ်ဒီ
NLD အစိုးရရဲ့ စွမ်းဆောင်မှုကို သူတို့ အားမရဘူးဆိုရင်တောင် နောက်ထပ် ၅ နှစ် အချိန်ပေးချင်တဲ့စိတ် လူအတော်များများမှာ ရှိတယ်လို့ ကျွန်တော်မြင်တယ်။ xxx
အဂတိလိုက်စားမှုတွေ၊ ခရိုနီကိစ္စတွေ၊ ဆွေမျိုးကောင်းစားရေးဝါဒတွေ ဒီလိုဟာ မျိုးတွေနဲ့ ပတ်သက်ရင် ဒီအစိုးရမှာလည်း မကင်းဘူး။ သို့သော် အရင်တုန်းက ဒီထက်ပိုဆိုးတယ်ဆိုတဲ့ ဖြေသိမ့်မှုက လူအတော်များများမှာ ရှိတယ်။ ဒါဟာ ရွေးကောက်ပွဲမှာ NLD အတွက် အားသာ ချက်တစ်ခုဖြစ်နေတာပေါ့။xx
ပြည်ခိုင်ဖြိုး
ပြည်ထောင်စုကြံ့ုခိုင်ရေးနဲ့ ဖွံ့ဖြိုးရေးပါတီရဲ့ အဓိက ပြဿနာက အရင် ဦးသိန်းစိန် အစိုးရ ငါးနှစ် လုပ်ဆောင်ခဲ့တာကိုပဲ ကာကွယ်နေရတာမဟုတ်ဘူး။ သူ့ကို ထူထောင်ပေးခဲ့တာက တပ်မတော် အစိုးရ ဖြစ်တဲ့အတွက် တပ်မတော်အစိုးရရဲ့ ခေတ်ကာလအတွင်းမှာ ဖြစ်ပျက်ခဲ့တဲ့ ကိစ္စရပ်တွေ ကို ပါ အပြစ်တင်ခံနေရတယ်။ xxx
NLD ပါတီက ဒေါ်အောင်ဆန်းစုကြည်အရှိန်နဲ့ တစ်နိုင်ငံလုံးမှာ လှုပ်ရှားလို့ရတယ်။ ပြည်ခိုင်ဖြိုး ပါတီ ဥက္ကဋ္ဌ ဦးသန်းဌေးပုံရိပ်က လူထုကြီးကို ရွေ့လျားသွားအောင် လုပ်နိုင်တဲ့အင်အားမရှိဘူး။ ပါ တီတကယ်အလုပ်ဖြစ်ဖို့ဆိုတာက မြို့နယ်နဲ့ ရပ်ကျေးမှာရှိတဲ့ပါတီဝင်တွေရဲ့ တက်ကြွမှုက အများ ကြီးအရေးပါတယ်။ xx
ဦးရွှေမန်း
လွှတ်တော်ထဲမှာ ရှိနေတဲ့ ဦးရွှေမန်းနဲ့ အဖွဲ့တွေက NLD လုပ်ရမယ့် အလုပ်ကို NLD ကိုယ်စား ဝင် လုပ်ပြီးတော့ ဦးသိန်းစိန်အစိုးရကို ဝေဖန်တိုက်ခိုက်တယ်။ ဆိုတဲ့အခါကျတော့ အစိုးရပုံရိပ် မကောင်းရင် ပါတီပုံရိပ်လည်းမကောင်းဘူးပေါ့။ xxxx
ဦးရွှေမန်း နဲ့ ဒေါ်အောင်ဆန်းစုကြည် ဆက်ဆံရေးက ပွင့်လင်းမှုမရှိဘူး။ သူတို့ နှစ်ယောက်ကြား ဘာတွေ သဘောတူညီချက်ရှိတယ်ဆိုတာကို ပါတီဗဟိုအလုပ်အမှုဆောင်တွေတောင် မသိရဘူး။ xx
( ပြည်ခိုင်ဖြိုးပါတီက) လွှတ်တော်ကိုယ်စားလှယ်လောင်းလျာထားတဲ့စာရင်း NLD ပါတီဘက်ကို ပေါက်ကြားသွားတယ်၊ ဒီအတွက်လည်း ဦးရွှေမန်းမှာ တာဝန်မကင်းဘူး ဆိုတဲ့ စွပ်စွဲ ချက်တွေလည်း ရှိတယ်။ xx
၂၀၁၅ သန်းခေါင်ယံအာဏာသိမ်းပွဲ
အာဏာသိမ်းတယ်ဆိုတာထက် ဦးသိန်းစိန်က သူလွှဲပေးခဲ့တဲ့တာဝန်ကို ပြန်ယူပြီး နောက်ထပ် ပိုသင့်တော်တဲ့ လူတစ်ယောက်ကို လွှဲပေးခဲ့တာပါ။ xx
ကျွန်တော့်အယူအဆပြောရရင် အဲဒီလိုလုပ်တာသိပ်နောက်ကျတယ်။ အမှန်က ဒီလိုဖြစ်စဉ်မျိုးကို ၂၀၁၄ အစလောက်က လုပ်ခဲ့လို့ရှိရင် ပါတီက ပြန်တည်ဆောက်လို့ရတယ်။ xxx
(ရဲတွေချထားတယ်ဆိုတဲ့ကိစ္စက ) ဦးရွှေမန်းကသူ့မှာ လုံခြုံရေးအဖွဲ့ရှိတာကိုး။ ဒီမှာ အစည်းအဝေး လုပ်ပြီဆိုတဲ့ သတင်းကြားတဲ့အခါ သူ့လုံခြုံရေးအဖွဲ့နဲ့ အတူ ဒီကို ဝင်လာမှာကို စိုးရိမ်တယ်။xx အဲဒီလိုဝင်လာလို့မရအောင် ဆိုပြီးတော့မှရဲတွေ ချတဲ့သဘော။ ဒါပေမယ့် ပုံရိပ် မကောင်းဘူး။ xx လုပ်သင့်လို့လုပ်ပေမယ့် လုပ်တဲ့အချိန်နောက်ကျတယ်၊ လုပ်နည်းလုပ်ဟန် သိပ်ပြီးတော့အံဝင်ခွင်ကျမဖြစ်ဘူး။
