ကိုဗစ် နဲ့ ရွေးကောက်ပွဲ
၂၀၁၅ ရွေးကောက်ပွဲနဲ့ မတူတာက ၂၀၂၀ ရွေးကောက်ပွဲ ဟာ ကိုဗစ် ၁၉ ရောဂါ ကူးစက် နိုင်မှု အန္တရာယ်အောက်ကနေ ကျင်းပရတာပဲ။ ဒါ့ကြောင့် ဦးလှသိန်းခေါင်းဆောင်တဲ့ ပြည်ထောင်စု ရွေး ကောက်ပွဲကော်မရှင်ကလည်း နိုင်ငံရေးပါတီတွေအနေနဲ့ ပါတီရုံးခန်းဖွင့်တာ၊ ဆိုင်းဘုတ် တင်တာ၊ ပါတီညီလာခံကျင်းပတာ၊ သင်တန်းလုပ်တာ၊ ဆွေးနွေးပွဲကျင်းပတာ၊ ရွေးကောက်ပွဲ ဆိုင်ရာ စုဝေးဟောပြောတာ မဲဆွယ်စည်းရုံးတာတွေနဲ့ပတ်သက်ပြီး ကျန်းမာရေးနဲ့ အားကစား ဝန်ကြီးဌာန က ထုတ်ပြန်ထားတဲ့ ကိုဗစ် ၁၉ ရောဂါ ကာကွယ်တားဆီးရေးဆိုင်ရာ လမ်းညွှန်ချက် တွေနဲ့အညီကြီးကြပ်ဖို့ဆိုပြီး ကော်မရှင်အဆင့်ဆင့်ကို ညွှန်ကြားထားရတယ် ။ ပုံ (၁)
ကော်မရှင်အဆင့်ဆင့်ကလည်း အဲဒီအတိုင်းပဲ ကြီးကြပ်ပါတယ်။ လူထုနဲ့တွေ့မယ်၊ ဆိုင်းဘုတ် တင်မယ်ဆိုရင် ခွင့်ပြုတာလည်း ရှိတယ်။ ခွင့်မပြုတာလည်းရှိတယ်။ လုပ်ပြီးမှ သတိပေးတာ လည်း ရှိတယ်။ တစ်ခါတစ်လေကျတော့လည်း အမိန့်တွေက အရောင်ပေါ်မူတည်ပြီး ကွဲပြားသလိုဖြစ်နေ တော့ ကိုဗစ်ရောဂါပိုးက ဘယ်အရောင်ဆိုရင် မကူးဘူးလား၊ ဘယ်အရောင်မှ ကူးတာလဲ စသည် ဖြင့် မေးခွန်းထုတ်ခံရတာလည်းရှိတယ်။ သို့သော် ဘာပဲဖြစ်ဖြစ် ပြည်ထောင်စုရွေးကောက်ပွဲ ကော် မရှင်နဲ့ လက်အောက်ကော်မရှင်အဆင့်ဆင့်ဟာ ကိုဗစ်ရောဂါ ကာကွယ်ရေးနဲ့ပတ်သက်ရင် အလေးထားဆောင်ရွက်နေတယ်ဆိုတာတော့ ငြင်းလို့မရဘူး။
ဒီနေရာမှာ ပြဿနာတစ်ခုက ကျန်းမာရေးနဲ့ အားကစားဝန်ကြီးဌာနအနေနဲ့ ဟိုတယ်တွေ၊ စက်ရုံ အလုပ်ရုံတွေ၊ စားသောက်ဆိုင်တွေမှာ ကိုဗစ် ရောဂါ ကာကွယ်တားဆီးရေးအတွက် ဘာတွေ လုပ် ရမလဲဆိုတာ အချက်အလက်တိတိကျကျ နဲ့ ညွှန်ကြားချက်တွေထုတ်ထားပေမယ့် ရွေးကောက်ပွဲ စည်းရုံးမှုနဲ့ပတ်သက်ပြီး သီးခြားထုတ်ပြန်ထားတာမရှိဘူး။ အားလုံးနဲ့ဆိုင်တဲ့ လူ ၃၀ ထက်မပိုရ၊ နှာခေါင်းစည်းတပ်၊ ခြောက်ပေကွာနေ၊ လက်ဆေးဆိုတာပဲရှိတယ်။
ဒီတော့ နိုင်ငံရေးပါတီအတော်များများက ပါတီဝင်တွေ၊ လွှတ်တော်ကိုယ်စားလှယ်လောင်းတွေ နဲ့ ဘယ်လိုတွေ့ရမလဲ ၊ လူထုကြားမှာ ဘယ်လို စည်းရုံးရမလဲဆိုတာက ေ၀ဝါးဝါးဖြစ်နေကြတယ်။ ကော်မရှင်က ဘဝင်မကျမှာလည်း စိုးရိမ်ကြတယ်။
ဒါပေမယ့် အခုပြီးခဲ့တဲ့ ရက်ပိုင်းအတွင်းမှာ အာဏာရ အင်န်အယ်လ်ဒီပါတီခေါင်းဆောင် ဒေါ်အောင်ဆန်းစုကြည် က လူထုကြားမှာ ဆင်းပြီး ထိတွေ့မှုနဲ့ ပါတီ ကိုယ်စားလှယ်တွေကို ခေါ်ယူတွေ့ဆုံမှုတွေလုပ်ဆောင်ခဲ့တာကိုတွေ့ရတယ်။
ပထမဖြစ်စဉ်က သြဂုတ်လ ၁၉ ရက်နေ့မှာ ဇမ္ဗူသီရိမြို့နယ်ထဲက အင်န်အယ်လ်ဒီပါတီဝင်တွေ ရဲ့ အိမ်တွေကို သွားရောက်ခဲ့တဲ့ဖြစ်စဉ်ပါ။ ဒီခရီးစဉ်က ရွေးကောက်ပွဲကော်မရှင်ကို တင်ပြပြီးမှ ဆောင် ရွက်တာလို့လည်း သိရပါတယ်။ ဒီဖြစ်စဉ်မှာ ဒေါ်အောင်ဆန်းစုကြည် က နေအိမ်ထဲမှာ လူ သုံးဆယ်ထက်မပိုအောင် ဆောင်ရွက်ခဲ့ပေမယ့် ပြင်ပမှာ ကြိုဆိုတဲ့သူတွေကတော့ လူသုံးဆယ် ထက် ပိုနိုင်သလို ခြောက်ပေကွာနေရမယ် ဆိုတဲ့ ကန့်သတ်ချက်ကိုလည်း လိုက်နာမှုမရှိ တာကို တွေ့ရတယ်။ ပုံ ( ၂ ၊၃ နဲ့ ၄)
ဒေါ်အောင်ဆန်းစုကြည်ကိုယ်တိုင်ကလည်း အဲဒီအခြေအနေကို သတိပြုမိပုံရပါတယ်။ သြဂုတ် လ ၂၁ ရက်နေ့ သူ့ဖေ့စ်ဘွတ်ပို့စ်မှာ အဖွဲ့ချုပ် အဖွဲ့ဝင်တွေရဲ့ အိမ်အတွင်း၊ ရပ်ကျေးပါတီရုံးအတွင်း မှာ လူ ၃၀ ထက်မပိုအောင်၊ Mask ဝတ်ဆင်ဖို့ စီစဉ်နိုင်ပေမယ့် လမ်းပေါ်က ကြိုဆိုတဲ့ ပြည်သူ တွေကိုတော့ စီမံခန့်ခွဲဖို့ခက်ပါတယ် လို့ ရေးထားပါတယ်။ ပုံ (၅)
ဒေါ်အောင်ဆန်းစုကြည်အနေနဲ့ ပါတီတာဝန်အရသွားတဲ့ခရီးစဉ်မှာ ကိုဗစ်ရောဂါ ကာကွယ်ရေး တားဆီးရေးဆိုင်ရာ လမ်းညွှန်ချက်တွေကို ချိုးဖောက်သလို ဖြစ်သွားခဲ့တယ်လို့ တော့ ဝန်မခံ ခဲ့ ဘူး။ ဒါပေမယ့် နိုင်ငံတော်အဆင့်ခေါင်းဆောင်တစ်ယောက်အနေနဲ့ စီမံခန့်ခွဲဖို့ ခက်ပါတယ် လို့ ပြဿနာကို အသိအမှတ်ပြုတာကိုပဲ ကျေးဇူးတင်ရမှာပါ။
နောက်ဖြစ်စဉ်တစ်ခုကတော့ သြဂုတ်လ ၂၃ ရက်နေ့ နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်းစင်တာ အမှတ် (၂) မှာ ဒေါ်အောင်ဆန်းစုကြည်နဲ့ ပြည်ထောင်စု လွှတ်တော် ကိုယ် စားလှယ်တွေတွေ့ဆုံတဲ့ အခမ်းအနားဖြစ်ပါတယ်။ ပြည်ထောင်စုလွှတ်တော်ကိုယ်စားလှယ် ဆို ပေမယ့် ပြည်ထောင်စုလွှတ်တော် ကိုယ်စားလှယ်အားလုံးမဟုတ်ပါဘူး။ အင်န်အယ်လ်ဒီပါတီ ကိုယ်စားလှယ်တွေကို ပဲဆိုလိုတာပါ။
ဒီအခမ်းအနားက ထူးခြားချက်နှစ်ခုရှိတယ်။ ပထမတစ်ခုကတော့ အစိုးရနဲ့ပတ်သက်တဲ့ အခမ်း အနားတွေကိုသာ ပြုလုပ်လေ့ရှိတဲ့ ကွန်ဗင်းရှင်းစင်တာ (၂) မှာ နိုင်ငံရေးပါတီတစ်ခုရဲ့ အခမ်း အနား ကျင်းပတာဖြစ်ပါတယ်။ ဒုတိယအချက်ကတော့ တက်ရောက်တဲ့သူ အရေအတွက် များ ပြား တာဖြစ်ပါတယ်။
ဒီအခမ်းအနားတက်ရောက်သူတွေကို ကိုဗစ်ရောဂါ ကာကွယ်တားဆီးရေးနဲ့ပတ်သက်တဲ့ အစီ အစဉ်တွေ ဘယ်လိုလုပ်ထားသလဲဆိုတာတော့ သတင်းတွေမှာမတွေ့ရဘူး။ ဓာတ်ပုံတွေထဲ မှာတော့ နှာခေါင်းစည်းတပ်ဖို့နဲ့ ခြောက်ပေကွာနေဖို့ဆိုတဲ့ အချက်တွေကို အတိအကျ လုပ် ဆောင်ထားတာတွေ့ရတယ်။ ပုံ ( ၆ မှ ၁၀ ထိ)
ဒီဖြစ်စဉ်နှစ်ခုနဲ့ပတ်သက်ပြီး အရေးအကြီးဆုံးတွေ့ရှိချက်ကတော့ နိုင်ငံရေးပါတီတွေ ရဲ့ လှုပ်ရှား မှုတွေဟာ ကိုဗစ်ရောဂါ ကာကွယ်တားဆီးရေးဆိုင်ရာ လမ်းညွှန်ချက်တွေ ကို ချိုးဖောက်မှုရှိ၊ မရှိ အနီးကပ်စောင့်ကြည့်သတိပေးနေတဲ့ ရွေးကောက်ပွဲကော်မရှင်အဆင့်ဆင့်အနေနဲ့ သတိပေးမှု လုံးဝမရှိတာပဲ။ ဒါ့ကြောင့် ဒီဖြစ်စဉ်နှစ်ခုမှာ ဒေါ်အောင်ဆန်းစုကြည် နဲ့အင်န်အယ်လ်ဒီပါတီဝင် တွေရဲ့ လုပ်ဆောင်မှုတွေဟာ ကော်မရှင်ရဲ့ ကိုဗစ်ရောဂါ ကာကွယ်တားဆီးရေးဆိုင်ရာ စံနှုန်းတွေ နဲ့ ကိုက်ညီတယ်လို့ပဲ ကောက်ချက်ချလို့ရပါတယ်။
ဒါ့အပြင် ရွေးကောက်ပွဲဆိုင်ရာလှုပ်ရှားမှုတွေကို စောင့်ကြည့်နေတဲ့ မီဒီယာတွေအနေနဲ့လည်း ဒီ လှုပ်ရှားမှုတွေဟာ ကိုဗစ်ရောဂါ ကာကွယ်တားဆီးရေး လမ်းညွှန်ချက်တွေကို ချိုးဖောက်မှုရှိတယ် လို့ ဝေဖန်ထောက်ပြမှုတွေ မရှိသလောက်ပါပဲ။ ဒါ့ကြောင့် မီဒီယာတွေဘက်က ကြည့်ရင်လည်း ဒီလောက်တော့ ရှိမှာပေါ့ လို့ ခံယူထားတယ်လို့ ယူဆရပါတယ်။
ဒ့ါကြောင့် ရွေးကောက်ပွဲဆိုင်ရာလှုပ်ရှားမှုတွေ၊ ပါတီလုပ်ငန်းဆောင်ရွက်မှုတွေကို ကိုဗစ် ရောဂါ တားဆီးရေးဆိုင်ရာ အချက်တွေနဲ့ အညီ ဘယ်လိုလုပ်ရမလဲဆိုတာ ဝေခွဲလို့မရဖြစ်နေတဲ့ နိုင်ငံရေးပါတီတွေအနေနဲ့ အခုဖြစ်စဉ် နှစ်ခု မှာ ဒေါ်အောင်ဆန်းစုကြည် နဲ့အင်န်အယ်လ်ဒီ ပါတီဝင်တွေဆောင်ရွက်ခဲ့တဲ့အတိုင်း အတိအကျ လုပ် ဆောင်ရင်ဖြင့် အဆင်ပြေနိုင် မယ်လို့ထင်ပါတယ်။ လိုအပ်လို့ ကွန်ဗင်းရှင်စင်တာ (၂) ကို ငှား ပြီး ပါတီအခမ်းအနားလုပ် မယ်ဆိုရင်လည်း တာဝန်ရှိသူတွေက ခွင့်ပြုမယ့်အခြေအနေရှိပါတယ်။
ဒါပေမယ့် အဲဒီလှုပ်ရှားမှုတွေရဲ့ မှတ်တမ်းဓာတ်ပုံတွေတော့ လိုရမယ်ရဆောင်ထားသင့်တယ်။ တစ်ချို့ မြို့နယ်အဆင့်ကော်မရှင်တွေက ငါမသိဘူး ဆိုရင်လည်း ထုတ်ပြလို့ရတာပေါ့။
Ye Htut's Blog 