မြန်မာနောင်းနဲ့ ရွေးကောက်ပွဲသတင်း

မြန်မာနောင်း သတင်းဌာနရဲ့ စုံစမ်းဖော်ထုတ်သတင်းရေးသားမှုပုံစံကို အသိအမှတ်ပြုပါတယ်။ လေးစားပါတယ်။ ဖတ်ရှုလေ့လာပါတယ်။ ကျွန်တော့်ဆောင်းပါးထဲမှာတောင် ထည့်သွင်း အသိ အမှတ်ပြုရေးသားဖူးပါတယ်။

ဒါပေမယ့် PPP ပါတီလွှတ်တော်ကိုယ်စားလှယ်လောင်းတွေထဲမှာ စစ်မှုထမ်းဟောင်း ဘယ်နှစ်ယောက် ၊ NLD ခွဲထွက် ဘယ်နှစ်ယောက် ပါတယ်ဆိုပြီး ရေးတာမျိုးကတော့ နည်းနည်းလွဲနေတယ်လို့ထင်ပါတယ်။ ပုံ (၁ )

ပါတီတွေမှာ စစ်မှုထမ်းဟောင်းတွေပါဝင်တာဟာ မဲပေးမယ့် ပြည်သူတွေ ထည့်သွင်းစဉ်းစား သင့်တဲ့ အချက်လို့ ယူဆရင်တော့ အင်န်အယ်လ်ဒီပါတီ ခေါင်းဆောင် တွေထဲမှာ၊ အင်န်အယ်လ်ဒီအစိုးရအဖွဲ့ထဲမှာ၊ အင်န်အယ်လ် ကိုယ်စားလှယ်လောင်းတွေထဲမှာ စစ်မှုထမ်း ဟောင်းတွေ ဘယ်လောက်ပါဝင်တယ်ဆိုတာမျိုးကိုလည်း မြန်မာနောင်းအနေနဲ့ စုံစမ်းဖော် ထုတ်ရေးသားသင့်တယ်လို့ထင်ပါတယ်။ ဒါမှလည်း ဘက်လိုက်မှုကင်းတဲ့ ရွေးကောက်ပွဲ ဆိုင်ရာ သတင်းတွေဖြစ်မှာပါ။

ဒီလိုပါပဲ NLD ပါတီက ခွဲထွက်သူတွေပါတဲ့အချက်ဟာ မဲဆန္ဒရှင်တွေစဉ်းစားသင့်တဲ့အချက် ဖြစ်နိုင်ပါ့မလား။ လမ်းစဉ်ပါတီ၊ အင်န်ဒီအက်ဖ် တို့ကနေ ကူးပြောင်းလာသူတွေလည်း အင်န်အယ်လ်ဒီပါတီကိုယ်စားလှယ်လောင်းတွေဖြစ်နေနိုင်တာပဲ။ ဒါဟာ သူတို့ နိုင်ငံရေး ယုံကြည် မှုအရ လုပ်ဆောင်တာဖြစ်တဲ့အတွက် အပြစ်တစ်ခုလို မြင်လို့မရဘူးလို့ထင်ပါတယ်။

ဒီဆောင်းပါးမှာ ထောက်ပြထားတဲ့ PPP လွှတ်တော်ကိုယ်စားလှယ်တစ်ဦးရဲ့ လူမျိုးရေး၊ ဘာသာ ရေး ဆိုင်ရာ မုန်းတီးမှုကိုဖော်ပြတဲ့ဖေ့စ်ဘွတ်စ်စာသားကိုထောက်ပြထားတာမျိုးကတော့ လက်ခံပါ တယ်။ သူတကယ်ရေးတာမှန်တယ်ဆိုရင် လွှတ်တော်ကိုယ်စားလှယ်လောင်းတစ်ဦးအနေနဲ့ မလုပ်သင့်တဲ့ကိစ္စပဲ။ ဒါပေမယ့် အင်းစိန်ရွာမကျောင်းတိုက်က သံဃာတော်တွေ ကိုဗစ်ရောဂါ ပိုးကူးစက်ခံရမှုနဲ့ ပတ်သက်ပြီး ဖေ့စ်ဘွတ်မှာ မှတ်ချက်ရေးသားပြီးမှ မဟုတ်ပါဘူးလို့ ငြင်းဆန်ခဲ့တဲ့ လွှတ်တော် ကိုယ်စားလှယ်လောင်းတွေရှိ၊ မရှိဆိုတာလည်း စုံစမ်းဖော်ထုတ်ရင် ပိုပြည့်စုံမယ်လို့ထင်မိပါ တယ်။

•