အောက်တိုဘာလ ၁၅ ရက်နေ့ဟာ NCA လို့ လူသိများတဲ့ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် Nationwide Ceasefire Agreement လက်မှတ် ရေးထိုး တာ ငါးနှစ်ပြည့်တဲ့ နေ့ဖြစ်ပါတယ်။ NCA ငါးနှစ်မြောက် နှစ်ပတ်လည်နေ့ အထိမ်းအမှတ် အဖြစ် ပြောကြတဲ့ မိန့်ခွန်းတွေကို နားထောင်ရင်း အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ NCA အပေါ် သုံးသပ်ပြောဆိုချက်တွေကို ပြန်သတိရမိတယ်။
“ အပစ်ရပ်စာချုပ်ကို အလျင်စလို လက်မှတ်မထိုးကြဖို့ ဒေါ်အောင်ဆန်းစုကြည် သတိပေး” ( RFA သတင်း။ ပုံ ၁ )
“ နိုင်ငံရေးဆွေးနွေးပွဲတွေ ဆက်ပြီး ပြုလုပ်တဲ့အခါမှာ NCA ကို အခြေခံပြီး ဆောင်ရွက်သွားရမှာ ဖြစ်တဲ့အတွက် ကျွန်မတို့ အစိုးရသစ်လက်ထက်မှာ NCA လက်မှတ်ထိုးဖို့ ကျန်နေတဲ့ အဖွဲ့ တွေ ပါဝင်လာနိုင်အောင် အထူးအလေးထားပြီး ဆောင်ရွက်လျက်ရှိပါတယ်။” ( ပထမအကြိမ် ပြည် ထောင်စုငြိမ်းချမ်းရေးညီလာခံ ၂၀၁၆။ ပုံ ၂ )
“ အခုလို NCA စာချုပ် လက်မှတ်ရေးထိုးမှု ငါးနှစ် ပြည့်ကာလမှာ အချိန်ကာလနဲ့ ပတ်သက်ပြီး စဉ်းစားဆင်ခြင်မိတာတစ်ခုရှိပါတယ်။ ဒါကတော့ အချိန်ကြာမြင့်အောင်လုပ်ဆောင်ခြင်း၊ အချိန် ဆွဲခြင်း ဆိုတာပါပဲ။ ငြိမ်းချမ်းရေးနဲ့ပတ်သက်ပြီး အချိန်ဆွဲတာဟာ ငြိမ်းချမ်းရေးကို ငြင်းပယ် သလို မျိုး လုပ်ရာရောက်နိုင်တယ်လို့တောင် မြင်မိပါတယ်။ ” ( NCA ငါးနှစ်မြောက် နှစ်ပတ်လည် မိန့်ခွန်း ၂၀၂၀။ ပုံ ၃ )
ပြီးခဲ့တဲ့ ငါးနှစ်အတွင်းမှာ ၂၀၁၅ ခုနှစ် အောက်တိုဘာလ ၁၅ ရက်နေ့က လက်မှတ်ထိုးခဲ့တဲ့ NCA မှာပါတဲ့ အချက် အလက်တွေ၊ သဘောတူညီချက်တွေ တစ်ခုမှ အပြောင်းအလဲမရှိဘူး။
သူတို့ လုပ်တဲ့ NCA နဲ့ ငါတို့ လက်ထက် NCA လို့ အမြင်ပြောင်းသွားတာမျိုးပဲရှိနိုင်ပါတယ်။
Ye Htut's Blog 