မနေ့ ( အောက်တိုဘာ ၂၇) ည ၈ နာရီခွဲ ဘီဘီစီ မြန်မာပိုင်းအစီအစဉ်သတင်း မှာတော့ ပလက်၀ မှာရွေးကောက်ပွဲ ပြုလုပ်မယ့် အခြေအနေနဲ့ပတ်သက်ပြီး အခုလိုဖော်ပြထားတာတွေ့ရပါတယ်။
“ပလက်ဝကမဲဆန္ဒနယ် ၅ နေရာလုံးမှာ ၂၀၁၅ က NLD အနိုင်ရခဲ့တာပါ။ ချင်းပြည်နယ်ဝန်ကြီးချုပ်လောင်းလို့ သတင်းထွက်နေတဲ့ ချင်းပြည်နယ်စည်ပင်ဝန်ကြီး ဦးစိုးထက်က ပလက်ဝ(၁)က ဝင်ပြိုင်မှာပါ။ ပလက်ဝ(၁) မှာ အရင်က ကိုယ်စားလှယ်လောင်း ၃ ဦးဝင်ပြိုင်မှာဖြစ်ပေမယ့် ညီညွတ်သောဒီမိုကရက်တစ်ပါတီ ကိုဖျက်သိမ်းလိုက်တဲ့အတွက် ဦးစိုးထက်က ကြံ့ခိုင်ရေးအမတ်ဦးနန်းဆိုက်တစ် ဦးတည်းနဲ့ပဲပြိုင်ရတော့မှာပါ။”
(သတင်းကောက်နှုတ်ချက်)
ဒီသတင်းအချက်အလက်မှန်ကန်တယ်ဆိုရင်တော့ ဦးလှသိန်းကော်မရှင်ဟာ အင်န်အယ်လ်ဒီ ပါတီက ပြည်နယ်ဝန်ကြီးချုပ်အဖြစ် လျာထားသူ နေရာမပျောက်စေဖို့အတွက် တိုက်ပွဲတွေ ဖြစ် နေတဲ့ကြားက ပလက်ဝတစ်မြို့နယ်လုံးမှာ ရွေးကောက်ပွဲကျင်းပဖို့ စီစဉ်ခဲ့တယ်။ ကန့်ကွက်မှု တွေပေါ်လာတဲ့အခါ နောက်ဆုံးမြို့ပေါ်ရပ်ကွက် ၇ ခု နဲ့ ကျေးရွာအုပ်စုတစ်ခုမှာပဲ ရွေးကောက်ပွဲကို မဖြစ်မနေ ရအောင်လုပ်တယ်လို့ စွပ်စွဲချက်တွေပေါ်လာနိုင်ပါတယ်။
ပလက်၀ ကော်မရှင် လို့ အမည်မတွင်စေဖို့အတွက် ဦးလှသိန်းကော်မရှင်ဘက်က ရှင်းပြရမယ့် အချက်တွေ ပိုများလာပြီလို့ ယူဆမိပါတယ်။
ဘီဘီစီသတင်းအစီစဉ်ကို အောက်ပါလင့်ခ်မှာနားထောင်နိုင်ပါတယ်။ ပလက်၀ သတင်းက အစီအစဉ် ရဲ့ ၈ မိနစ် ၁၅ စက္ကန့် က စတင်ပါတယ်။
Ye Htut's Blog 