မဲမပေးခင် စဉ်းစားဖို့ (၁၃)

ရန်ကုန်

ပြီးခဲ့တဲ့ ငါးနှစ်အတွင်း ရန်ကုန်တိုင်းဒေသကြီး အင်န်အယ်လ်ဒီအစိုးရ ပေးခဲ့သော ကတိ စကားအချို့

၁။ ရန်ကုန်တိုင်း၏ အိမ်ထောင်ဦးစီးနေရာတွင် တာဝန်ယူထားပြီး ၂၀၁၈ မှာ ရန်ကုန်တိုင်းကို တရားဥပဒေစိုးမိုးရေး နဲ့ စီးပွားရေးကောင်းအောင်ဆောင်ရွက်မယ်။
၂။ ကျူးကျော်များအတွက် အိမ်ရာများ ခြောက်လအတွင်း စီစဉ်ပေးမည်။
၃။ အစိုးရသစ်၏ ကျန်ရှိနေသည့် သက်တမ်းသုံးနှစ်အတွင်း ရန်ကုန်မြို့တွင် လာနေသူတိုင်း အိမ်ရာပိုင်ဆိုင်အောင်ဆောင်ရွက်ပေးမည်။
၄။ ရန်ကုန်မြစ်အနောက်ဘက်ကမ်းတွင် ယခုနှစ်အတွင်း Smart City တစ်ခုနှစ် စီးပွားရေး ဇုန် တစ်ခု ပေါ်ထွန်းလာမည်။
၅။ စက်သုံးဆီ တန်ချိန်သန်းချီ သိုလှောင်ကန်များတည်ဆောက်ကာ ဆီဈေးကျအောင် လုပ်မည်။
၆။ ရန်ကုန်တိုင်းသည် ရေကြီးသည့် စာရင်းမှ လွတ်မြောက်ခဲ့ပြီ။
၇။ YBS စနစ် အခြားနိုင်ငံများထက်သာစေရမည်။
၈။ YBS ယာဉ်လိုင်းများ၏ ငွေပေးချေမှုစနစ် အရှေ့တောင်အာရှ၌ အရှေ့ဆုံးသို့ရောက်လာမည်။

ပြီးခဲ့တဲ့ငါးနှစ်အတွင်း ရန်ကုန်တိုင်းဒေသကြီး အင်န်အယ်လ်ဒီအစိုးရ ရဲ့ စီမံခန့်ခွဲမှု အလွဲအချို့

၉ ။ ကျောင်းကားဝယ်ရန်ချေးထားသည့် ကျပ် ၅.၅ ဘီလီယံကိစ္စ ရန်ကုန်အစိုးရ မဖြေကြားနိုင် သေး။
၁၀။ ကျောင်းကားဝယ်ရန်အတွက် ကမ္ဘောဇဘဏ်မှ ငါးဘီလီယံကျော်ချေးငွေကို မည်သူချေးထား ကြောင်း တိတိကျကျ မသိ။
၁၁။ ရန်ကုန်ညဈေးတန်းစီမံချက် သိန်းပေါင်း တစ်သောင်းရှစ်ထောင် ခန့်သုံးစွဲထားကြောင်း အစီရင်ခံစာတွင် တွေ့ရသော်လည်း မြေပြင်ကွင်းဆင်းကြည့်သည့်အခါ အဘယ်ကြောင့် ယခု လောက်အထိ ငွေကြေးကုန်ကျသည်ကို ဆက်စပ်ကြည့်၍ မရ
၁၂။ အမတ်များလက်ထဲ မအပ်ရဲတော့သည့် ရန်ကုန်စာရင်းစစ်ချုပ် အစီရင်ခံစာ

ဒါတွေဟာ ပြီးခဲ့တဲ့ ငါးနှစ်အတွင်း ရန်ကုန်တိုင်းဒေသကြီးအစိုးရ စွမ်းဆောင်ရည်နဲ့ပတ်သက်တဲ့ အချက်အလက် အနည်းငယ်ဖြစ်ပါတယ်။ ပြောမယ်ဆိုရင် ပြောစရာတွေအများကြီးရှိတယ် ။ အခု ထောက်ပြတာတွေဟာ ရေခဲတောင်ကြီးရဲ့ ရေပေါ်မှာ ပေါ်နေတဲ့ အစိတ်အပိုင်းမ ျှသာ ဖြစ်တယ်။

ပြီးခဲ့တဲ့ ငါးနှစ်မှာ အင်န်အယ်လ်ဒီ ရန်ကုန်အစိုးရ ဝန်ကြီးချုပ်တာဝန်ယူခဲ့တဲ့ ဦးဖြိုးမင်းသိန်း ကတော့ ရွေးကောက်ပွဲမဝင်တော့ဘူး။ ဒါပေမယ့် သူထားခဲ့တဲ့ ကတိတွေ၊ ဖြေရှင်းဖို့ ကျန်နေ တဲ့ ပြဿနာတွေ အများကြီးရှိတယ်။

ဒီလိုဖြစ်ရတာဟာ ရန်ကုန်တိုင်းဒေသကြီးလွှတ်တော် အားနည်းမှုကြောင့်၊ တိုင်းအစိုးရ ကို စောင့်ကြည့် ထိန်းကျောင်းဖို့ ပျက်ကွက်မှုကြောင့် ဖြစ်ပါတယ်။

နောက်ငါးနှစ်မှာ ဒီလိုမဖြစ်ဖို့အတွက် ရန်ကုန်တိုင်းဒေသကြီးလွှတ်တော်ထဲကို အရည်အချင်း ရှိတဲ့ လွှတ်တော်ကိုယ်စားလှယ်တွေ ရွေးချယ်စေလွှတ်ကြပါ။

တိုင်းဒေသကြီး ဝန်ကြီးချုပ်ကို သမ္မတ က ခန့်အပ်လို့ရပေမယ့် အဲဒီ ဝန်ကြီးချုပ်ကို ထိန်းကျောင်း မယ့် လွှတ်တော်ကိုယ်စားလှယ်တွေကိုတော့ လူထုကရွေးချယ်ခွင့်ရှိတယ်ဆိုတာ မမေ့ပါနဲ့။