အောင်လောင် ငှက်တွေကို ကြည့်တဲ့နေရာက မြို့ချောင်း – မင်းလှ ကားလမ်း မိုင်တိုင် ၆၉ ၊ အဲဒီကနေ ဆက်သွားရင် မိုင်တိုင် ၆၄ မှာ ရဲနွယ်ဆည်ကို အပေါ်စီးက လှမ်းမြင်ရတဲ့ ရှုခင်း သာ နေရာရှိတယ်။ “ ရဲနွယ် သဘာဝရှုခင်းအလှ Ye Nwe View Point ( 8 Mile ) ” ဆိုတဲ့ ဆိုင်း ဘုတ်ထောင်ထားတယ်။
အခု လို ဆောင်းရာသီမှာ အဲဒီနေရာက ကြည့်ရင် တိမ်ပင်လယ် မြင်ရတယ်လို့ ပြောတယ်။ ကျွန်တော်တို့ ရောက်ချိန်မှာ နေ့လယ် ၁၂ နာရီလောက်ဆိုတော့ မှန်/ မမှန် မသိနိုင်ဘူး။ သို့သော် ဘာပဲ ဖြစ်ဖြစ် ငှက်ကြည့်ရင်းနဲ့ ဓာတ်ပုံအလှသွားရိုက်မယ်ဆိုရင်တော့ သင့်တော် တဲ့နေရာပါပဲ။
ရှုခင်းသာနေရာကို ၈ မိုင်စခန်းလို့ရေးတာက မြို့ချောင်း – မင်းလှ ကားလမ်းခွဲကနေ ဝင်ရင် ၈ မိုင်အကွာမှာရှိလို့ ဖြစ် ပါတယ်။ မိုင်တိုင် အမှတ်က ရန်ကုန်- ပြည်ကားလမ်း မင်းလှ လမ်းဆုံ ကနေ (ဝ) မိုင် နဲ့ စတယ်။ ရန်ကုန် – မန္တလေး အမြန်လမ်း မိုင်တိုင် ၈၃ နေရာ က (၇၂) မိုင် ဖြစ်ပါတယ်။ ဒါ့ကြောင့် မိုင်တိုင် ၆၄ နေရာကို ၈ မိုင်စခန်းလို့ ရေးတာဖြစ်ပါတယ်။
ငှက်ကြည့်မယ်၊ ရဲနွယ်ဆည်ကို သွားမယ်၊ ရှုခင်းသာမှာ ဓာတ်ပုံရိုက်မယ်ဆိုရင် ရန်ကုန် – မန္တလေး အမြန်လမ်း ၈၃ မိုင်ကို သွား၊ အဲဒီကမှ မြို့ချောင်း – စိန်ကန့်လန့် – မင်းလှ ကားလမ်းအတိုင်း မင်းလှဘက်ကို သွား ပါ။ မိုင်တိုင် ၆၉ မှာ ငှက်ကြည့်တဲ့နေရာရှိပါတယ်။ မိုင်တိုင် ၆၈ အကျော်မှာ ရဲနွယ်ဆည် လမ်းခွဲ ရှိတယ်။ မိုင်တိုင် ၆၄ မှာ ရှုခင်းသာ ရှိပါတယ်။
မနက်အစောကြီးတိမ်ပင်လယ်ကြည့်ဖို့ ရှုခင်းသာကို အရင်သွား၊ ပြီးမှ ငှက်ကြည့်၊ ရဲနွယ်ဆည် သွား ဆိုရင်လည်း အဆင်ပြေပါတယ်။
Ye Htut's Blog 