သူလဲ ဥမင်

ကလော – အင်း လေး ခြေလျင်ခရီးစဉ်မှာ ဒီနှစ် တောင်သူတွေ စိုက်တဲ့ သီးနှံအမျိုးအစားပြောင်း သွားတဲ့အတွက် အရောင်စုံတဲ့ သီးနှံစိုက်ပျိုးခင်းဓာတ်ပုံတွေ မရိုက်နိုင်ခဲ့ဘူး။ ဒါ့ကြောင့် ကလော ပြန်ရောက်တဲ့အခါ အဲဒီလို စိုက်ခင်းတွေရှိတဲ့ ရွာငံလမ်းက မြင်းမူကုန်းကို သွားဖို့ စီစဉ်တယ်။ ဒါ ပေမယ့် ကလောမှာ တစ်ရက်ပဲနေပြီး သွားချင်တဲ့နေရာတွေက များနေတော့ လမ်းညွှန် ကိုမျိုးဇော် က အောင်ပန်းနားက “ သူလဲ ဥမင်” ကို သွားတဲ့ လမ်းမှာလည်း ဓာတ်ပုံရိုက်လို့ ကောင်း တဲ့ စိုက်ခင်းတွေရှိတယ်။ အဲဒီကို သွားပါလားလို့ အကြံပေးတယ်။

ဒါနဲ့“သူလဲ ဥမင်” ကို ဆိုင်ကယ်ကယ်ရီငှားပြီး သွားတယ်။ ကလောကနေ အောင်ပန်း၊ အောင်ပန်း ကနေ ပင်းဒယသွားတဲ့လမ်းအတိုင်း ဆက်သွားတဲ့အခါ အောင်ပန်းမြို့အထွက် “နှုတ်ခွန်းဆက်သပါ၏” ဆိုင်းဘုတ်နား ဘယ်ဘက်အခြမ်းမှာ “ ကလောမြို့ သူရဲကျေးရွာအုပ်စု၊ ဟင်းခါးပင် ကျေးရွာမှ လှိုက်လှဲ စွာကြိုဆိုပါ၏” ဆိုတဲ့ ဆိုင်းဘုတ်ရှိတယ်။ အဲဒီလမ်းက “ သူလဲ ဥမင်” ကို သွားတဲ့လမ်း ပဲ။ လမ်းက ကျောက်ချောလမ်း၊ အတက်အဆင်း မကြမ်းဘူး၊ ကားလေးတွေ ကောင်းကောင်းသွားလို့ရ တယ်။ “သူလဲ ဥမင်” အထိ နာရီဝက်လောက်သွားရတယ်။

လမ်းအတိုင်းရင်ပထမဆုံး ဟင်းခါးပင် ရွာရောက်မယ်။ ပြီးရင် ဥမင်ရွာ ၊ ဥမင်ရွာကနေ နည်းနည်း ဆက်သွားလိုက်ရင် “ သူလဲ ဥမင်” ကို ရောက်ပြီ။

ဟင်းခါးပင်နဲ့ ဥမင်ရွာကြား လမ်းညာဘက်အခြမ်းမှာ နေကြာ၊ ဆီမုန်ညင်း ၊ ပန်းနှမ်း စိုက်ခင်းတွေ၊ ပြန်လည်ထွန်ယက်ထားလို့ မြေနီရောင်ဖြစ်နေတဲ့ စိုက်ခင်းတွေ ရှိတယ်။ မြေအနေအထား က လည်း အောက်ကို နိမ့်ဆင်းပြီးမှ ကုန်းကြောအဖြစ် ပြေပြေလေးမြင့်တက်သွားတာဖြစ်တဲ့ အတွက် မြင်ကွင်း၊ ရှုခင်း လှတယ်။ ကျွန်တော်ရိုက်လာခဲ့တဲ့ ဓာတ်ပုံတွေကို လေ့လာနိုင်အောင် တင်ပေး ထား ပါတယ်။

“ သူလဲ ဥမင်” ကို တစ်ချို့က “သူရဲ ဥမင်” လို့ခေါ်တယ်။ ဒါပေမဲ့ ဂူရှေ့မှာထောင်ထားတဲ့ ဆိုင်းဘုတ် အရ အမည်မှန်က “ သူလဲ ဥမင်” ဖြစ်ပါတယ်။ “သူလဲ ဥမင်” က ဂူအဝမှာ ဘုရားဆင်းတုတော် တွေ ရှိပေမယ့် အတွင်းမှာ သဘာဝအတိုင်း ကျန်ရှိနေတဲ့ ရှားရှားပါးပါးလှိုဏ်ဂူဖြစ်ပါတယ်။

ဒါ့ကြောင့်လည်း စောင်းတန်းအခြေမှာ သဘာဝထုံးကျောက်လှိုဏ်ဂူတွေကို ထိန်းသိမ်းထားနိုင်ဖို့ အတွက် ခရီးသွားများလိုက်နာရမယ့် စည်းကမ်းချက်တွေကို တိတိကျကျ ဖော်ပြထားသလို ထုံးကျောက်လှိုဏ်ဂူများကို ထိန်းသိမ်းထားခြင်းအားဖြင့် ရရှိနိုင်တဲ့အကျိုးကျေးဇူးများကို ဖော်ပြထား တာကို တွေ့ရပါတယ်။ ( ပုံ ၁၈ နှင့် ပုံ ၁၉ )

“သူလဲဥမင်” က သဘာဝအတိုင်းကျန်ရှိနေတယ်ဆိုပေမယ့် ဒီအတိုင်းအလွယ်တကူ ဝင်ကြည့်လို့ မရဘူး။ အတွင်း ဂူပေါက်ရှိတဲ့နေရာကို သိတဲ့ဒေသခံပါဖို့လိုတယ်။နောက်ပြီး အထဲမှာ မီးမရှိတဲ့ အတွက် ဓာတ်မီး အပါအဝင် သဘာဝလှိုဏ်ဂူတွေအထဲ ဝင်ကြည့်တဲ့အခါ ယူဆောင်သင့်တဲ့ ပစ္စည်း တွေယူသွားမှ ဖြစ်မယ်။ ကျွန်တော်ကတော့ အဲဒီလို ပြင်ဆင်မှုတွေမရှိတဲ့အတွက် ဂူဝမှာရှိတဲ့ ဘုရား တွေကို ဓာတ်ပုံရိုက်ပြီး ပြန်လာခဲ့တယ်။ ဘုရားကုန်းပေါ်က မြင်ရတဲ့ ရှုခင်းကလည်း အတော်လှ ပါတယ်။

“သူလဲ ဥမင်” ဟာ မြင်းမူကုန်းအထိ မသွားနိုင်တဲ့ ကလောရောက်ဧည့်သည်များ ဒေသန္တဗဟုသုတ လည်း ရှာ ၊ ဓာတ်ပုံလည်းရိုက်ဖို့ သွားသင့်တဲ့နေရာတစ်ခုပါ။ လှိုဏ်ဂူထဲဝင်မယ်ဆိုရင်တော့ သတိ ပေးဆိုင်းဘုတ်မှာ ပါတဲ့ စည်းကမ်းချက်များအတိုင်း တိတိကျကျ လိုက်နာစေချင်ပါတယ်။ အထူး သဖြင့် ဂူနံရံမှာ လက်ဆော့ပြီး စာမရေးဖို့ မေတ္တာရပ်ခံပါတယ်။

မှတ်ချက်။ ဂူအတွင်းဝင်ရောက်ချိန်တွင် ခရီးသွားများလိုက်နာရန် စည်းကမ်းများမှာ အောက်ပါ အတိုင်း ဖြစ်ပါတယ်-

၁။ ဖယောင်းတိုင် ထွန်းညှိခြင်း မပြုရ။
၂။ အမွှေးတိုင်များ ထွန်းညှိခြင်း မပြုရ။
၃။ ရေနံဆီမီးအိမ်/ မီးတုတ်ထွန်းညှိခြင်းမပြုရ။
၄။ နံရံများတွင် စာရေးခြင်း မပြုရ။
၅။ ကျောက်စက်ပန်းဆွဲ၊ ကျောက်စက်မိုးမေ ျှာ်များအား ကိုင်တွယ်ထိတွေ့ခြင်း၊ ချိုးဖဲ့ခြင်း မပြုရ။
၆။ ကျောက်စက်ပန်းဆွဲ၊ ကျောက်စက်မိုးမေ ျှာ်များပေါ်တွင် စာရေးသားခြင်း မပြုရ။
၇။ လှိုဏ်ဂူအတွင်းရှိ အရာဝတ္ထုများအားယူဆောင်ခွင့်မပြု။
၈။ ဆူညံအော်ဟစ်ခြင်း၊ အရက်သေစာသောက်စားခြင်း ခွင့်မပြု။
၉ ။ အမှိုက်ပစ်ခြင်း၊ ကွမ်းတံထွေး ထွေးခြင်း၊ အညစ်အကြေးစွန့်ခြင်း များ စသည်တို့ကို မပြုလုပ်ရ။

“သူလဲဥမင်” သွားလမ်းအသေးစိတ် ကိုမျိုးဇော် (ဖုန်း ၀၉ ၄၂၈၃၇၀၂၅၇) ကို ဆက်သွယ်မေးမြန်း နိုင်ပါတယ်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: