ဥပဒေသစ်အကြောင်းတွေးမိသမ ျှ

နိုင်ငံတော် စီမံအုပ်ချုပ်ရေးကောင်စီက “ နိုင်ငံရေးပါတီများ မှတ်ပုံတင်ခြင်း ဥပဒေ” ကို ၂၀၂၃ ခုနှစ် ဇန်နဝါရီလ ၂၆ ရက်နေ့ ရက်စွဲနဲ့ထုတ်ပြန်ပြီး အရင်တည်ရှိနေတဲ့ “ နိုင်ငံရေးပါတီများ မှတ်ပုံတင်ခြင်း ဥပဒေ ( ၂၀၁၀)” ကို ဖျက်သိမ်းလိုက်တယ်။

အခု ဥပဒေသစ်မှာ နိုင်ငံရေးပါတီများဖွဲ့စည်းမှတ်ပုံတင်မယ်ဆိုရင် ပြည့်စုံရမယ့် စံနှုန်းတွေကို အတော်မြင့်မြင့်မားမား သတ်မှတ်ထားတယ်။ ဥပမာ၊ တစ်နိုင်ငံလုံးမှာ စည်းရုံးမယ့် ပါတီ ဆိုရင် ပါတီမှတ်ပုံတင်လေ ျှာက်တဲ့အခါ မြန်မာ့စီးပွားရေးဘဏ်မှာ ပါတီရန်ပုံငွေ သိန်းတစ်ထောင် စာရင်းဖွင့်ထားပြီးဖြစ်ရမယ်၊ ပါတီ မှတ်ပုံတင်ခွင့်ပြုပြီး ရက် ၉ ၀ အတွင်း ပါတီဝင် အင်အား အနည်းဆုံး တစ်သိန်း စည်းရုံး နိုင်ရမယ်၊ တစ်နိုင်ငံလုံးမှာရှိတဲ့မြို့နယ်အားလုံးရဲ့ ထက်ဝက် မှာ ရုံးခန်းဖွင့်နိုင်ရမယ် စတဲ့အချက်များဖြစ်ပါတယ်။

ဒီဥပဒေသစ်နဲ့ ပတ်သက်ပြီး ဘယ်လောက်အထိ လွတ်လပ်စွာဝေဖန်ဆွေးနွေးခွင့်ရှိသလဲဆို တာ မသိနိုင်သေးဘူး။ ဒါပေမယ့် ဒီဥပဒေကို ဖတ်ပြီးတဲ့အချိန်မှာ ပထမဆုံးတွေးမိတာကတော့ NLD အစိုးရလက်ထက်မှာသာ ဒီလို ဥပဒေကို ပြဋ္ဌာန်းပြီး ပါတီတွေကို ပြန်လည်မှတ်ပုံတင်လေ ျှာက်ခိုင်း မယ်ဆိုရင် ၂၀၂၀ ရွေးကောက်ပွဲအကြိုကာလ သြဂုတ်လ ၁၄ ရက်နေ့မှာ တပ်မတော် ကာကွယ် ရေးဦးစီးချုပ်ကို သွားရောက်တွေ့ဆုံခဲ့တဲ့ နိုင်ငံရေးပါတီ ၃၄ ပါတီ ထဲက ပါတီ အတော်များများဟာ အဲဒီအစည်းအဝေးကို တက်နိုင်တဲ့အခြေအနေရှိမှာမဟုတ်ဘူး ဆိုတဲ့ အချက်ပါပဲ။

စာဖတ်သူတွေအနေနဲ့ NLD အစိုးရကသာ ဒီလို ၂၀၁၉ ခုနှစ်ထဲမှာ အခုလို ဥပဒေ ပြဋ္ဌာန်းခဲ့ရင် ၂၀၂၀ သြဂုတ်လ ၁၄ ရက်နေ့ အစည်းအဝေးတက်ခဲ့တဲ့ အဲဒီ ၃၄ ပါတီထဲက ဘယ်ပါတီတွေ နိုင်ငံရေးပါတီအဖြစ် ဆက်လက်ရပ်တည်ခွင့်ရှိမလဲဆိုတာ မှန်းဆနိုင်ဖို့ အတွက် အဲဒီအချိန်က တပ်မတော်ကာကွယ်ရေးဦးစီးချုပ်ရုံးက ထုတ်ပြန်ခဲ့တဲ့ သတင်းကောက်နှုတ်ချက် လေးကို ဖော်ပြပေးလိုက်ပါတယ်-

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် အား နိုင်ငံရေးပါတီ ၃၄ ပါတီမှ ပါတီဥက္ကဋ္ဌများ၊ ဒုတိယဥက္ကဋ္ဌများနှင့် အတွင်းရေးမှူးများက လာရောက်မိတ်ဆက် တွေ့ဆုံ

နေပြည်တော်၊ သြဂုတ် – ၁၄

xxxxxxxxxxxxxxxxxxxxxxxxxxxxxxxxxxxx –

ထိုသို့ လာရောက်တွေ့ဆုံမိတ်ဆက်ကြသည့် ပါတီအဖွဲ့အစည်းများမှ ပုဂ္ဂိုလ်များမှာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးသန်းဌေးနှင့် အတွင်းရေးမှူး ဦးပိုက်ထွေး၊ တိုင်းရင်းသားစည်းလုံးညီညွတ်ရေးပါတီ တွဲဖက်အတွင်းရေးမှူး ဦးနေဝင်း၊ အမျိုးသား ဒီမိုကရေစီပါတီသစ် ဥက္ကဋ္ဌ ဦးသိန်းညွန့်၊ အမျိုးသားတိုးတက်ရေးပါတီဥက္ကဋ္ဌ ဒေါက်တာ နေဇင်လတ်၊ ခေတ်သစ်ပြည်သူ့ပါတီဥက္ကဋ္ဌ ဦးထွန်းအောင်ကျော်၊ အမျိုးသားဒီမိုကရေစီ အင်အားစုပါတီ ဥက္ကဋ္ဌ ဦးခင်မောင်ဆွေ၊ ပြည်သူ့ရှေ့ဆောင်ပါတီ ဥက္ကဋ္ဌ ဒေါက်တာ ဒေါ်သက်သက်ခိုင်၊ အမျိုးသားနိုင်ငံရေးမဟာမိတ်များအဖွဲ့ချုပ် ဥက္ကဋ္ဌ ဦးသိမ်းကြည်၊ အင်းအမျိုးသားဖွံ့ဖြိုး တိုးတက်ရေးပါတီ ဥက္ကဋ္ဌ ဦးဝင်းမြင့်၊ ဒီမိုကရက်တစ်ပါတီ(မြန်မာ) ဒုတိယဥက္ကဋ္ဌ ဦးတင့်ဆွေ၊ လီဆူအမျိုးသားဖွံ့ဖြိုးတိုးတက်ရေးပါတီ(ဒူးလေးပါတီ)ဥက္ကဋ္ဌ ဦးရွှေမင်း(ခ)ဆီဖာလာလူ၊ ကရင်အမျိုးသားဒီမိုကရက်တစ်ပါတီ နာယက ဦးစောထွန်းကြည်၊ ကယားပြည်နယ်ဒီမိုကရက်တစ်ပါတီ ဥက္ကဋ္ဌ ဦးဖိုးရယ်၊ ဝံသာနုဒီမိုကရက်တစ်ပါတီ ဥက္ကဋ္ဌ ဒေါ်နန်းရွှေကြာ၊ ” ၀ “အမျိုးသားပါတီ ဒုတိယဥက္ကဋ္ဌ ဦးရန်ကျော်၊ ပအိုဝ်းအမျိုးသားအဖွဲ့ချုပ် (PNO) ပါတီ ဒုတိယဥက္ကဋ္ဌ ဦးခွန်မောင်သောင်း၊ ဒီမိုကရေစီနှင့်ငြိမ်းချမ်းရေးပါတီ ယာယီ ဥက္ကဋ္ဌ ဦးမျိုးညွန့်၊ မြိုတိုင်းရင်းသားဖွံ့ဖြိုးရေးပါတီ ဒုတိယဥက္ကဋ္ဌ ဦးကျော်ထွန်းခိုင်၊ ရခိုင်ပြည်နယ်အမျိုးသားအင်အားစုပါတီ ဥက္ကဋ္ဌ ဦးအေးကြိုင်၊ ခေတ်သစ်ပြည်ထောင်စုပါတီ ဥက္ကဋ္ဌ ဦးအောင်သန်း၊ ဗမာပြည်သူ့ပါတီ ဥက္ကဋ္ဌ ဦးအောင်သန်းတင့်၊ မတူကွဲပြားခြင်းနှင့် ငြိမ်းချမ်းရေးပါတီ ဥက္ကဋ္ဌ ဒေါ်စန္ဒာဦး၊ ကိုးကန့်ဒီမိုကရေစီနှင့် ညီညွတ်ရေးပါတီ ဥက္ကဋ္ဌ ဦးထွန်းနိုင်၊ မြန်မာနိုင်ငံတောင်သူလယ်သမား၊ အလုပ်သမားပြည်သူ့ပါတီ ဥက္ကဋ္ဌ ဦးအောင်မျိုးခိုင်၊ ၈၈ မျိုးဆက်ဒီမိုကရေစီပါတီ ဒုတိယဥက္ကဋ္ဌ ဦးသောင်းဦး၊ လူထုပါတီ ဥက္ကဋ္ဌ ဦးပါစီပြည်ဟိန်း (ခ)ဦးမျိုးမင်းထွန်း၊ မြန်မာပြည်သူ့ ဒီမိုကရက်တစ်ပါတီ ဥက္ကဋ္ဌ ဦးဌေးကျော်၊ ပြည်သူ့အလုပ် သမားပါတီ ဥက္ကဋ္ဌ ဦးကျော်ဇင်၊ ပြည်သူ့အကျိုးပြုကျောင်းသားများပါတီ ဒုတိယဥက္ကဋ္ဌ ဒေါ်ခင်စန်းမူ၊ ပြည်သူ့အင်အားပါတီ ဥက္ကဋ္ဌ ဦးဌေးအောင်၊ ပြည်ထောင်စုလယ်သမား၊ အလုပ်သမားအင်အားစုပါတီ ဥက္ကဋ္ဌ ဦးမင်းသူ၊ အမျိုးသားတိုးတက်မြင့်မားရေးပါတီ ဥက္ကဋ္ဌ ဦးကျော်စိန်၊ မြန်မာနိုင်ငံ တောင်သူလယ်သမားဖွံ့ဖြိုးတိုးတက်ရေးပါတီ ဥက္ကဋ္ဌ ဦးကျော်စွာစိုး၊ အခြေခံလူတန်းစားဘဝမြင့်မားရေးပါတီ အထွေထွေအတွင်းရေးမှူး ဦးကျော်မြင့်(ခ) မိုက်ကယ်ကျော်မြင့်တို့ဖြစ်ကြပြီး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့် တပ်မတော်အရာရှိကြီးများ တက်ရောက်ကြသည်။

သတင်းအပြည့်အစုံကို အောက်ပါလင့်ခ်မှာ ဖတ်နိုင်ပါတယ်

https://cincds.gov.mm/node/8694

One thought on “ဥပဒေသစ်အကြောင်းတွေးမိသမ ျှ

  1. Those parties are led by crooked politicians on the make. They have no self-esteem , no moral to went and make deal with the devil.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: