လွန်ခဲ့တဲ့ တစ်နှစ် က ရုရှားရဲ့ ယူကရိန်းနိုင်ငံကို ကျူးကျော်တိုက်ခိုက်မှု ပတ်သက်ပြီး
- အမေရိကန်ကို အမြင်ကပ်တဲ့ စိတ်တစ်ခုတည်းနဲ့ ဘာရယ် ညာရယ် မစဉ်း စားတော့ပဲ ရုရှားနဲ့ ပူတင် ကို ချီးမွမ်းခန်း ဖွင့်နေလိုက်တာ မြင် မကောင်းဘူး။
ဆင်တစ်ကောင်နဲ့ အခန်းကျဉ်းလေးတစ်ခုထဲမှာ အတူနေနေရသလို ဆင့်မျက်နှာကြည့်နေရတဲ့၊ ဆင် နည်းနည်းလှုပ်တာနဲ့ ဘက်စုံ ပြဿနာတက်နေတဲ့ တရုတ် – မြန်မာ ဆက်ဆံရေးကို မေ့ မနေကြနဲ့ဦး။
လို့ ရေးတော့ ရုရှားကြီးမှန်တယ်၊ ရုရှားစစ်တပ်ကြီးက ဘယ်လို တိုက်တော့မယ်၊ ပူတင်က မဟာ ခေါင်းဆောင်ကြီး၊ ယူကရိန်း သမ္မတ က လူရွှင်တော်ပဲ၊ ဘာမှမတတ်ဘူး၊ ရက်ပိုင်းအတွင်း ပြေးရ တော့မှာ စသည်ဖြင့် မှတ်ချက်ရေး တုန့်ပြန်တဲ့သူတွေ မနည်းဘူး။
ယူကရိန်းသမ္မတ ဇာလန်းစကီးက လူရွှင်တော်လုပ်ခဲ့တဲ့သူလို့ ပြောတဲ့သူတွေဟာ ဇာလန်းစကီး ဟာ လူရွှင်တော်ဆိုပေမယ့် ယူကရိန်းပြည်သူအများစုက ရွေးချယ်ထားတဲ့သမ္မတ ၊ နိုင်ငံတကာ အသိ အမှတ်ပြု ထားတဲ့ ရွေးကောက်ပွဲကနေ ပေါ်ထွက်လာတဲ့ သမ္မတ ဆိုတာ မေ့နေပုံရတယ်။ အဲဒီ ဥပဒေကြောင်းအရ တရားဝင်ဖြစ်မှု ( legitimacy)ကပဲ ယူကရိန်းနိုင်ငံနဲ့ ယူကရိန်းသမ္မတ အတွက် အကောင်း ဆုံး လက်နက်ဖြစ်သွား ခဲ့တယ်။ ဒ့ါကြောင့် ယူကရိန်းစစ်ပွဲဟာ ယူကရိန်းအချုပ် အခြာ အာဏာနဲ့ နယ်မြေကို ယူကရိန်း ပြည်သူတွေပိုင်သလား၊ ရုရှားပိုင်သလားဆိုတဲ့ ဥပဒေကြောင်း အရတရားဝင်ဖြစ်မှု အားပြိုင် တဲ့ စစ်ပွဲလို့ ပြောရင် မှားမယ် မထင်ဘူး။
အခု ယူကရိန်းစစ်ပွဲ တစ်နှစ်ပြည့်တော့ လွယ်မယ်ထင်လို့ လုပ်ကြည့်တဲ့ ပူတင်လည်း ခုတော့ မလွယ်ပါလား ဖြစ်ပြီး တရုတ်ကြီးကတောင် ရုရှားအတွက် ကြားဝင်စေ့စပ်ပေးနေရတဲ့ အခြေအနေ ရောက်နေပေါ့။ ယူကရိန်းစစ်ပွဲက လက်နက်အင်အားတစ်ခုတည်းနဲ့ အောင်ပွဲမရနိုင်ဘူးဆိုတဲ့ သမိုင်း သင်ခန်းစာကို ထပ်ပြီး အတည်ပြုပေးလိုက်တာပဲ ။
Ye Htut's Blog 
5 powerful lessons from David and Goliath
1 Be bigger than your fear
2 Size doesn’t matter
3 Make use of what you already have
4 Believe it’s possible
5 Do not underestimate
Ukraine’s Zelensky is in a Modern-day
David and Goliath Battle. He shall prevail.
LikeLike