လွှဲမှာပါ

မနှစ်က အိမ်က ကလေးတွေကို ဒီနှစ် ဒီအချိန်ရောက်ရင် ဒါလေးလုပ်ပေးမယ်ဆိုပြီး ကတိပေးခဲ့ တယ်။ အမှန်ကတော့ ၂၀၂၁ ထဲက ၂၀၂၂ မှာ သူတို့အတွက် လုပ်ပေးမယ်လို့ ပြောခဲ့တာ၊ ဒါ ပေမယ့် အခြေအနေမပေးသေးဘူး၊ နောက်နှစ်ပေါ့ဆိုပြီး ကတိထပ်ပေးခဲ့တာ၊ ဒီနှစ်ရောက်တော့ လည်း ကျွန်တော့်ရဲ့ ဗာဟီရကိစ္စတွေ နဲ့ အချိန်ကုန်နေပြီး အကောင်အထည်မဖော်နိုင်ပြန်ဘူး။

ဒီတော့ ကလေးတွေက အဖေကလည်း တစ်နှစ်ပြီး တစ်နှစ်အချိန်ဆွဲနေတာပဲ၊ ဘယ်တော့ ဖြစ်လာ မှာလဲလို့ ဝေဖန်လာကြတယ်။ ဒါနဲ့ လုပ်ပေးမှာပါ ၊ ကလေးတို့၊ အရင်လောက်တော့ မကြာတော့ ပါဘူးလို့ နှစ်သိမ့်ရတယ်။ သူတို့ကတော့ ယုံကြည်ပုံမရဘူး။

ကလေးတွေနဲ့ စကားပြောပြီးတော့ နဝတအစိုးရခေတ်က နာမည်ကြီးခဲ့တဲ့ ပြက်လုံးတစ်ခုကို သတိရမိတယ်။ အချိန်ကတော့ အမျိုးသားညီလာခံခဏရပ်ဆိုင်းနေတဲ့ အချိန်၊ ၁၉ ၉ ၆ ခုနှစ် နောက် ပိုင်းပေါ့၊ အမျိုးသားညီလာခံက အခြေခံဥပဒေသစ်ကို ရေးဆွဲဖို့ပြင်ဆင်နေ တာဖြစ်ပြီ နဝတ အစိုးရ ကလည်း အမျိုးသားညီလာခံကနေ အခြေခံဥပဒေသစ်ပေါ်ပေါက်လာပြီး မှ ရွေးကောက်ပွဲတို့၊ အာဏာ လွှဲပြောင်းရေးတို့လုပ်မယ်လို့ ပြောထားတာဖြစ်ပါတယ်

အဲဒီအချိန်မှာ ရုပ်ရှင်လောကသားတွေက ရုပ်ရှင်အစည်း အရုံးရန်ပုံငွေအတွက် ပြဇာတ် တစ်ပုဒ် ရုံတင်ကပြတယ်။ မင်းသားနဲ့ ဒါရိုက်တာနာမည်တော့ မှတ်မိ ပါတယ်။ ဒါပေမယ့် အဓိက ပြော ချင်တာ ပြဇာတ်ထဲက ပြက်လုံး အကြောင်းဆိုတော့ မင်းသားနဲ့ ဒါရိုက်တာနာမည်တော့ မပြော တော့ဘူး။ အခုပြန် ပြော ပြတော့ စကားလုံးတွေက အတိ အကျ ဖြစ်ချင်မှဖြစ်မယ်၊ဒါပေမယ့် ဆိုလိုရင်းကတော့ အတူတူပါပဲ။

အဲဒီပြဇာတ်ထဲက ဇာတ်ဝင်ခန်းတစ်ခုမှာ အဖေလုပ်တဲ့သူက မှန်ရှေ့မှာ မုတ်ဆိတ်ရိတ် နေတယ်၊ သားလုပ်တဲ့သူ (လူရွှင်တော်ထင်တယ်) က ပုခက်ထဲကနေ “အဖေ လွှဲပါ၊ လွှဲပါ ”လို့အော်တယ်။ အဖေလုပ်တဲ့သူကလည်း “အေး လွှဲမှာပါကွ၊ ဒီမှာ အဖေရိတ်လို့ မပြီးသေးလို့ပါ” လို့ပြောတယ်။ ခဏ နေ တော့ သားက အဖေ လွှဲပါ၊ လွှဲပါ ဆိုပြီးထပ်အော်တယ်။ အဖေကလည်း အေး လွှဲမှာပါကွ၊ အဖေ ရိတ် လို့ မပြီးသေးလို့ပါလို့ထပ်ပြောတယ်။ ဒီလိုနဲ့ သားက လွှဲပါလို့ အော်လိုက်၊ အဖေက လွှဲမှာ ပါကွ၊ ရိတ် လို့မပြီးသေးလို့ပါလို့ ပြောလိုက် သုံးလေးခါ ဖြစ်နေတော့ ပရိသတ်ကလည်း သူတို့ အတွေး နဲ့ သူတို့ တဝါးဝါး၊ တဟားဟားပေါ့။ ဇာတ်ပေါင်းတော့ ဒါရိုက်တာက သုံးနှစ်၊ မင်းသားက တစ်နှစ် အနုပညာလုပ်ခွင့်ပိတ်ခံရတယ်။

အခု အိမ်က ကလေးတွေကလည်း ကျွန်တော့်ကို အဖေ ပေးထားတဲ့ ကတိအတိုင်းလုပ်ပါလို့ ထပ် ပြော နေပြီ။ အဲဒီ ပြက်လုံးထဲကလို “အေးပါ အဖေ လုပ်ပေးမှာပါကွာ” လို့ ပြောပြီး နေ့ရွှေ့ ညရွှေ့လုပ်နေရင်တော့ အိမ်က သား သမီးတောင် အယုံအကြည်ရှိမှာမဟုတ်တော့ဘူး။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: