အမြန် လမ်းမကြီး မဖွင့်သေးခင်က ရန်ကုန်- မန္တလေး လမ်းဟောင်းက ပျဉ်ပုံကြီး ဈေးဘေးမှာ ဖွင့်ထားတဲ့ အောင်ပန်းထမင်းဆိုင်ကို လူသိများခဲ့တယ်။ အောင်ပန်းဆိုင် ရဲ့ ထင်ရှား တဲ့ ဟင်းတွေက ငါးရံ့အူနဲ ငါးရံ့ခေါင်းဟင်းပေါ့။
အမြန်လမ်းမကြီးပေါ်လာတော့ အောင်ပန်းဆိုင်ကို နှောင်းလူတွေ မသိကြတော့ဘူး။ ဆိုင်နေရာက လည်း ဈေးရုံအိုဘေးမှာ မှုန်မှုန်ကုပ်ကုပ်၊ ကားရပ်ဖို့နေရာလည်းမရှိတော့ သာမန်ခရီးသွားတွေ သတိမထားမိတာလည်းပါတယ်။
အခုတော့ ပျဉ်ပုံကြီးအထွက် မှာ အောင်ပန်း (၂) ဆိုပြီး ဖွင့်တယ်။ ဖွင့်တာ နှစ်ပတ်လောက်ပဲ ရှိသေးတယ်။ ကားရပ်ဖို့လည်း လွယ်တယ်၊ ဆိုင်လည်းကျယ်တယ်ဆိုလို သွားစားခဲ့တယ်။
ငါးရံ့အူဟင်း နဲ့ အဝစား၊ ဗိုက်ရိုက်စား၊ အိပ်စား ၊လှိမ့်စား၊ မနားတမ်းစား သုံးထောင့်ငါးရာ တဲ့။ ရန်ကုန်မှာ ငါးရံ့အူနဲ့စားရင် ဈေးက တိုင်ထိပ်မှာ ၊ ဒါတောင် ငါးရံ့အူကသေးသေး၊ ရေခဲရိုက် ထား လို လတ်ဆတ်မှုကလည်း မရှိ။ ပျဉ်ပုံကြီးမှာတော့ အင်းတွေက ဒီနေ့ရောက်ဒီနေ့ချက်ဆိုတော့ ဘာကောင်းသလဲမမေးနဲ့။
ဆိုင်နေရာက မိုးယွန်းကြီးအင်းလမ်းခွဲ အလွန် ငါးမိနစ်လောက်ပဲမောင်းရတယ်။ ရန်ကုန်ဘက်က သွားရင် လမ်းညာဘက်မှာပါ။
ရုံးပိတ်ရက် မိုးယွန်းကြီးအင်းသွားတဲ့အခါ အင်းထဲက စားသောက်ဆိုင်တွေကို စိတ်တိုင်းမကျရင် သွားစားသင့်တဲ့ဆိုင်ပဲ။
ဒီအချိန်က အင်းတွေဖော်တဲ့အချိန်ဆိုတော့ ငါးရံ့အူ၊ ငါးရံ့ခေါင်း၊ ငါးဟင်း၊ ငါးကြော် လတ်လတ် ဆတ်ဆတ် ပေါပေါများများ စားရတဲ့အချိန်ပါ။
Ye Htut's Blog 