ထရမ့် နဲ့ အပြိုင် ဘယ်သူနိုင်

မတ်လ ၉ ရက်နေ့ထုတ် နိုင်ငံပိုင် မြန်မာ့အလင်းသတင်းစာမှာ ကိုရိုနာဗိုင်းရပ်စ်နဲ့ပတ်သက်တဲ့ နိုင်ငံတကာအခြေအနေတွေကို ဖော်ပြတဲ့ သတင်းဆောင်းပါးတစ်ပုဒ်ပါတယ်။ ဆောင်းပါး ခေါင်းစဉ် က “ ကိုရိုနာ ဗိုင်းရပ်စ် ကူးစက်မှု အရှိန်မြင့်နေပေမယ့် မဲဆွယ် စည်းရုံးမှုတွေ ဆက်လုပ်မယ့် ဒေါ် နယ် ထရမ့်” လို့ ခေါင်းစဉ်တပ်ထားတယ်။ ဆောင်းပါး အစ တစ်ကော်လံခွဲလောက်က အမေရိကန် မှာ ကိုရိုနာဗိုင်းရပ်စ်ရောဂါဖြစ်ပွားနေပေမယ့် သမ္မတ ထရမ့်ကတော့ ၂၀၂၀ သမ္မတ ရွေးကောက်ပွဲ အတွက်မဲဆွယ်စည်းရုံးမှုတွေ ဆက်လုပ်မယ့်အကြောင်း ဝေေ၀ဆာဆာရေးထားတယ်။ ပုံ ၁

ဒါဟာ ကျန်းမားရေးနဲ့ အားကစားဝန်ကြီးဌာနက ဗိုင်းရပ်စ်ရောဂါ ကာကွယ်နိုင်ရေးအတွက် သတိပေးချက်ထုတ်ပြန်ထားချိန်မှာ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ လူထုတွေ့ဆုံပွဲတွေ၊ အစိုးရရဲ့ နိုင်ငံတော် အဆင့်အခမ်းအနားတွေ လုပ်သင့် မသင့် စိုးရိမ်မှုတွေ ရှိနေတဲ့အချိန်နဲ့ တိုက်တိုက်ဆိုင်ဆိုင်ဖော်ပြလာတာဖြစ်ပါတယ်။

ဆောင်းပါးဖော်ပြရတဲ့ရည်ရွယ်ချက်က ဘယ်လို လဲ လို့မသိနိုင်ဘူး။ သို့သော် သာမန်စာဖတ်သူ တစ်ယောက်ဆိုရင်တော့ တကယ်ရောဂါဖြစ်နေတဲ့ အမေရိကန်နိုင်ငံမှာတောင် ဒီလို အခမ်း အနား တွေလုပ်နေတာပဲ၊ ရောဂါမဖြစ်သေးတဲ့ မြန်မာနိုင်ငံမှာ စိုးရိမ်ဖို့မလိုဘူးလို့ တွေးမိမှာ သေချာတယ်။

ဆောင်းပါးရှင်က ဒေါ်နယ်ထရမ့်ကြီးတစ်ယောက်တော့ ကရိုနာဖြစ်နေတဲ့ကြားက မဲဆွယ်ပွဲတွေ လုပ်နေတာပဲလို့ ပြောပေမယ့် ကရိုနာရောဂါ ကာကွယ်ကုသရေးနဲ့၊ ရောဂါကြောင့်ဖြစ်ပေါ် နိုင် တဲ့ နောက်ဆက်တွဲ စီးပွားရေးပြဿနာတွေကို ဖြေရှင်းဖို့အတွက် ထရမ့် ဘာတွေလုပ်ထားတယ် ဆိုတာ ကိုတော့ ဖော်ပြမထားဘူး။

အမေရိကန် အစိုးရနဲ့ လွှတ်တော်က ပြီးခဲ့တဲ့ မတ်လ ၆ ရက်နေ့မှာ ကရိုနာဗိုင်းရပ်စ် ရောဂါ ကာကွယ်ကုသရေးအတွက် ဒေါ်လာ ၈.၃ ဘီလျံသုံးစွဲဖို့ခွင့်ပြုလိုက်တယ်။ အဲဒီ ၈.၃ ဘီလျံ ထဲမှာ ကျန်းမာရေးဝန်ကြီးဌာနတစ်ခုထဲအတွက်တောင် ၃.၁ဘီလျံပါတယ်။ ဒါ့အပြင် မတ်လ ၉ ရက်နေ့မှာ သမ္မတ ထရမ့်က ဗိုင်းရပ်စ်ရောဂါဖြစ်ပွားမှုကြောင့် နစ်နာဆုံးရှုံးမှုတွေ ရှိနေတဲ့ လုပ်ငန်းရှင်တွေ၊ အလုပ်သမားတွေအတွက် အခွန်လေ ျှာ့ချပေးမယ့် အစီအစဉ်တစ်ခု လွှတ်တော် ကိုတင်ပြမယ်လို့ ကြေညာခဲ့တယ်။

မြန်မာနိုင်ငံမှာတော့ ကိုရိုနားဗိုင်းရပ်စ်ကာကွယ်ရေး၊ စီးပွားရေးလုပ်ငန်းတွေ၊ အလုပ်သမားတွေကို အကူအညီပေးရေးအတွက် ဘယ်လိုလုပ်မလဲ၊ သီးခြားရန်ပုံငွေ ဘယ်လောက်သုံးမလဲဆိုတာကို အစိုးရ အဖွဲ့က ထုတ်ပြန်ကြေညာတာ၊ ပြည်ထောင်စုလွှတ်တော်ကိုတင်ပြတာ မတွေ့မိသေးဘူး။

လူမှုကွန်ယက်ကို စောင့်ကြည့်ဖို့အတွက် သမ္မတ အရေးပေါ်ရန်ပုံငွေက သန်းခြောက်ထောင် သုံး ပေမယ့် ဗိုင်းရပ်စ်ရောဂါ ကာကွယ်ကုသရေးအတွက် သမ္မတ အရေးပေါ်ရန်ပုံငွေက ဘယ် လောက်သုံးမယ် ဆိုတာမျိုး တိတိ ကျကျ ကြေညာတာမျိုးလည်း မတွေ့မိသေးဘူး။ (ရှိရင် ညွှန်းပေးကြပါ)

ထရမ့် နဲ့ ပြိုင်မယ်ဆိုရင်လည်း မဲဆွယ်တာရော၊ ရောဂါကာကွယ်ကုသရေး အတွက်ငွေသုံးတာရော ပြိုင်ပါလို့ပဲ တိုက်တွန်းချင်ပါတယ်။

•