UDP အစ

ဒီနေ့ သတင်းကြီးနေတဲ့ ညီညွတ်သော ဒီမိုကရက်တစ်ပါတီ နဲ့ပတ်သက်ပြီး ၂၀၁၀ ရွေးကောက်ပွဲ အကြို ပုဂ္ဂလိက မီဒီယာတွေက ထုတ်ဝေထားတဲ့ စာအုပ်၊ စာစောင်တွေကို ပြန်လေ့လာကြည့် တော့

၂၀၁၀ ရွေးကောက်ပွဲအကြိုကာလမှ ထုတ်ဝေခဲ့တဲ့ စည်သူအောင်မြင့် ရဲ့ “ ဘယ်ပါတီလဲ ၊ ဘယ်သူတွေလဲ ” ဆိုတဲ့ မှတ်တမ်းစာအုပ်မှာ ဦးဘိုမောင် ၊ ခေါင်းဆောင် ( ယာယီ ) ဆိုပြီး တွေ့တယ်။ ပုံ ( ၁ မှ ၄ အထိ )

ပါတီမှတ်ပုံတင်နဲ့ပတ်သက်ပြီးရွေးကောက်ပွဲကော်မရှင် ဝက်ဘ်ဆိုက်မှာလေ့လာတဲ့အခါ ပါတီ မှတ်ပုံတင်ခွင့်လေ ျှာက်ထားသည့်နေ့ ၁၇-၅-၂၀၁၀ ၊ ပါတီမှတ်ပုံတင်ခွင့်ပြုသည့်နေ့ ၂၆-၅-၂၀၁၀ ဆိုပြီးတွေ့တယ်။ ပါတီဥက္ကဋ္ဌက ဦးကျော်မြင့် ဖြစ်နေပြီ။ ဦးဘိုမောင်မဟုတ်တော့ဘူး။ ပုံ (၅)

ဦးကျော်မြင့် နိုင်ငံအတွင်းကို ဘယ်လိုပြန်ဝင်လာလဲလို့ ကျွန်တော်ကို သတင်းဌာနတစ်ခုက မေး တယ်။ ကျွန်တော်ကတော့ ကျွန်တော် ဒုတိယဝန်ကြီး၊ ဝန်ကြီး တာဝန်ယူနေချိန်မှာ ဦးကျော်မြင့် မြန်မာနိုင်ငံပြန်လာခွင့်နဲ့ဆွေးနွေးတာ မကြားခဲ့ဘူး။ ပြန်ကြားရေးဝန်ကြီးဌာနကလည်း UDP ပါတီနဲ့ပတ်သက်ပြီး သီးခြားလေ့လာတာလည်း မရှိတဲ့အတွက် ဦးကျော်မြင့် ဥက္ကဋ္ဌ ဖြစ်တာလည်း မသိဘူး။

ဖြစ်နိုင်တာက ၂၀၁၁ နောက်ပိုင်း ပြည် ပရောက် မြန်မာနိုင်ငံသားတွေ၊ Black List သွင်းထား တဲ့ မြန်မာနိုင်ငံသားတွေ မြန်မာနိုင်ငံကို ပြန်လာခွင့် ပြု တဲ့အချိန်မှာ ပါလာ တာ ဖြစ်နိုင်တယ် လို့ ဖြေကြားခဲ့တယ်။

ဘယ်နည်းလမ်းနဲ့ပဲ ဝင်ခဲ့၊ ဝင်ခဲ့ တရားဝင်ထွက်ခွာတာမဟုတ်ဘဲ အကြောင်းအမျိုးမျိုး နဲ့ ပြည်ပ ရောက်နေသူတွေကို ပြန်လာခွင့်ပြုမယ်ဆိုရင် နောက်ကြောင်း စိစစ်မှု လုပ်ရမှာပဲ။ နောက်တစ်ခါ နိုင်ငံရေးပါတီ ခေါင်းဆောင်အဖြစ်တာဝန်ယူမယ်ဆိုရင်လည်း ရွေးကောက်ပွဲ ကော်မရှင်ကို တင်ပြတဲ့အခါ ကိုယ်ရေးရာဇဝင်တွဲတင်ရသလို ကော်မရှင်ကလည်း သတ်မှတ် ထားတဲ့စည်းမျဉ်း၊စည်းကမ်းတွေနဲ့ ညီညွတ်မှုရှိ/မရှိ စိစစ်ရမှာပဲ။

အခုတော့ ဦးကျော်မြင့်ကို မြန်မာနိုင်ငံရဲတပ်ဖွဲ့က ဖမ်းဆီး ထိန်းသိမ်းစစ်ဆေးနေပြီ ဆိုတော့ ရွှေသမင် ဘယ်ကထွက်လဲဆိုတာပေါ်လာမှာပါ။

တစ်ခုပဲ၊ အစိုးရ နှစ်ဆက်၊ ပြည်ထောင်စုရွေးကောက်ပွဲကော်မရှင် နှစ်ဆက် မလုပ်တဲ့ အလုပ်ကို Myanmar Now က လုပ်ရတဲ့အတွက် အစိုးရအဖွဲ့မှာ တာဝန်ထမ်းဆောင်ခဲ့သူတစ်ဦးအနေနဲ့ မျက်နှာပူမိပါတယ်။