ဘီလူး

၂၀၁၉ ခုနှစ် မတ်လ ၁၂ ရက်နေ့က ပို့စ်တင်ခဲ့တဲ့ အက်ဆေးလေးပါ။ မဖတ်ရသေးသူတွေ ဖတ်နိုင်ဖို့ မ ျှဝေလိုက်ပါတယ်။


ဘီလူး

“ အရမ်းပြောင်းလဲသွားပြီ။ ငါတို့ သိခဲ့တဲ့ ၊ လေးစားခဲ့တဲ့ သူမဟုတ်တော့ဘူး”

နိုင်ငံရေးလောကမှာ မကြာခဏ ကြား ရသော စကားဖြစ်သည်။ အပြောခံရသည့် လူပုဂ္ဂိုလ်သာ အမျိုးမျိုး ပြောင်းသွား မည်။ ဇာတ်လမ်း ကတော့ အတူတူ။ တစ်သက်လုံး ယုံကြည်လာခဲ့တဲ့ အရာတွေ၊ စံနှုန်းတွေကို စွန့်ပစ်သွားသူ၊သူဝေဖန်ခဲ့တဲ့ ၊ ဆန့်ကျင်ခဲ့တဲ့အရာတွေကို သူကိုယ်တိုင်ကျင့်သုံးသွားသူ၊ မကောင်း ဘူးလို့တစ်သက်လုံးပြောခဲ့တဲ့ အရာတွေကို အကောင်းမြင်သွားခဲ့သူ၊ လောဘ၊ မောဟ သား ကောင်၊ ဒီလို လူတွေအကြောင်း ပဲ ဖြစ်သည်။

မကြာခင်ကချေဂွေဗားရားအကြောင်းဖတ်ခဲ့ရသည်။ အဲဒီစာအုပ်ထဲမှာ ကက်စထရို ခေါင်းဆောင်တဲ့ ကျူးဘားပြောက်ကျားတွေ ကျူးဘားအာဏာရှင် ဘာတစ္စတာအစိုးရကို ဖြုတ်ချဖို့ ကြိုးစားပုံတွေပါ သည်။ လူငယ်ပျောက်ကြား တော်လှန်ရေးသမားတွေက ဘာတစ္စတာ အစိုးရရဲ့ အကျင့်ပျက်ခြစားမှု တွေ၊ လူ့အခွင့်အရေးချိုးဖောက်မှုတွေ၊ အလုပ်သမား၊ လယ်သမားများ၊ အထူးသဖြင့် ကျူးဘား ကြံ တောင်သူတွေအပေါ် ဂုတ်သွေးစုပ်မှုတွေကို ဖယ်ရှားဖို့ ကြိုးစားခဲ့ဲကြသည်။

သူတို့တော်လှန်ရေးအောင်မြင်ခဲ့သည်။ ဒါပေမယ့် ကျူးဘားတော်လှန်ရေးကို တန်ပြန်တော်လှန် ရေးသမားတွေရန်က ကာကွယ်ဖို့ဆိုတဲ့ အကြောင်းပြချက်တွေနဲ့ ဖိနှိပ်မှုတွေက ပုံစံအမျိုးမျိုးနဲ့ ဒီ နေ့ထိ ဆက်ရှိနေခဲ့သည်။ မြေပိုင်ရှင်ကြီးတွေ နေရာမှာ အစိုးရက မြေရှင်ဖြစ်လာသည်။ ကျူးဘား ကြံတောင်သူတွေလည်း လယ်ပိုင်မြေပိုင်ဖြစ်မလာ။ ပြောင်းလဲသွားတဲ့ ကက်စထရိုတို့ တစ်တွေက စံပြု တော်လှန်ရေးသမား ချေဂွေဗားရားကိုပင်အခြားနိုင်ငံတွေမှာ တော်လှန်ရေးလုပ်ဖို့ဆိုပြီး အနု နည်းနဲ့ ပထုတ်ကာ သေတွင်းကိုပို့ခဲ့သည်ဆိုသည့် စွတ်စွဲချက်တွေပင်ပေါ်ပေါက်ခဲ့သည်။

တော်လှန်ရေးသမားတွေ အာဏာရှင်ကို ဆန့်ကျင်ခဲ့ပေမယ့် အာဏာရလာတော့ အာဏာကို ကြာ နိုင်သမ ျှ ကြာကြာ ယူနိုင်ဖို့ နည်းမျိုးစုံနဲ့ကြိုးစားသည်။ ဝေဖန်သူတွေကို အသံတိတ်အောင်၊ ယှဉ်ပြိုင်သူတွေကို ချိုး နှိမ်နိုင်အောင် နည်းမျိုးစုံသုံးတော့သည်။ ဒီလိုနဲ့ ကိုယ်တိုင် ဆန့်ကျင် တိုက်ဖျက်ခဲ့သည့် နည်းလမ်း တွေ၊ လုပ်နည်းတွေကို ပြန်ကျင့်သုံးလာတော့သည်။ တစ်ခါတစ်ရံ ကိုယ်တိုင်ခံစားခဲ့ရတာကိုမေ့ ပြီး အခြားသူတွေကို ကိုယ်ခံစားရသလို ပြန်ခံစားရအောင် လုပ်မိပြန် သည်။ အာဏာရှင်ကို ဆန့် ကျင်ခဲ့သူက အာဏာရလာတော့ ပိုပြီး အာဏာရှင်ဆန်လာသည်။ ပွင့်လင်း ပါလို့တိုက်တွန်းခဲ့သူက သတင်းဆိုးတွေကို မကြားလိုတော့၊ ဝေဖန်သံတွေကို နားမခံနိုင် တော့။
ကြာခဲ့ပြီ။ လွန်ခဲ့တဲ့ နှစ်သုံးဆယ်လောက်က ဝတ္ထုတိုတစ်ပုဒ် ဖတ်ခဲ့ရသည်။ ဘာသာပြန်ဟုထင် သည်။ ဇာတ်လမ်းအတိအကျနဲ့ ရေးသူကိုပင် မမှတ်မိတော့။ ဒါပေမယ့် အကြောင်း အရာ က ခေါင်းထဲစွဲနေသည်။ ဇာတ်လမ်း မှာ မိတ်ဆွေနှစ်ယောက် အပြန်အလှန်ဆွေးနွေးခန်းကစသည်။ တစ်ယောက်က ချစ်ခင်မှ စွဲလမ်း တာမဟုတ်၊ မုန်းရာကနေလည်း စွဲလမ်းသွားနိုင်တယ်ဆိုတဲ့ သဘောတရားကို ပြောတော့ နောက် တစ်ယောက်က သဘောမတူ။ ဦး ကကြီး နဲ့ ဦးခခွေး ဆိုပါ တော့။

တစ်နေ့တော့ ဦးကကြီးက သူခရီးသွားဖို့ရှိတဲ့အတွက် ပစ္စည်းတစ်ချို့သိမ်းထားပေးဖို့ ဦးခခွေးကို လာပေး သည်။ အဲဒီ ပစ္စည်းတွေထဲမှာ ရုပ်ဆိုးဆိုး ၊ ရွံစရာမျက်နှာပေးနဲ့ လူရုပ်လေး တစ်ရုပ် ပါသည်။ ဘယ်လို ရေစက်လည်းမသိ၊ ဦးခခွေး အဖို့ မြင်မြင်ချင်း အဲဒီအရုပ်ကို စက်ဆုပ် သွားသည်။ ဒီတော့ သူမမြင်နိုင်တဲ့နေရာမှာ ချောင်ထိုးပြီးသိမ်းထားလိုက်သည်။ ဒါပေမယ့် အဲဒီအရုပ်အကြောင်းကို စိတ် ထဲက ဖျောက်လို့မရ၊ ဘာအရုပ်လဲ၊ ဘာ့ကြောင့် ဒီလိုပုံဆိုးပန်းဆိုး ထုလုပ်ထားတာလဲ။ ဦးကကြီး က ဘာ့ကြောင့် ဒီအရုပ်ကို သိမ်းထားတာလဲ အမြဲတွေးနေမိသည်။

ဒီတော့ အရုပ်ကို သိမ်းထားရာ ထုတ်ကြည့်မိပြန်သည်။ သုံးလေးရက်နေတော့ အရုပ်က အိမ်ရှေ့ခန်းကို ရောက်လာသည်။ အဝင် အထွက် အရုပ်ကို မြင်တိုင်း ဘာလဲ၊ ဘာ့ကြောင့်လဲ တွေးသည်။ စက်ဆုပ်စရာပေမယ့် မကြည့်ပဲ လည်း မနေနိုင်။ ဇာတ်လမ်းအဆုံးမှာတော့ ဦးကကြီး ခရီးက ပြန်ရောက်လာတော့ သူ့ပစ္စည်းတွေ လာယူသွားသည်။ ဦးခခွေးက နေ့တိုင်း အဲဒီ အရုပ်ကို သတိရနေသည်။ အရုပ်တင်ထားခဲ့တဲ့နေ ရာလေးကို ကြည့်မိသည်။ သူမုန်းတဲ့အရုပ်လေးက ပြင်ပကနေ သူ့စိတ်သဏ္ဍန်ထဲကို ရောက်ရှိ စွဲမြဲ သွားခဲ့ ပြီ။

ကွန်မြူနစ်တော်လှန်ရေး၊ နယ်ချဲ့တော်လှန်ရေး၊ လွတ်လပ်ရေးလှုပ်ရှားမှု၊ ဒီမိုကရေစီလှုပ်ရှားမှု၊ အာဏာရှင်စနစ်ဆန့်ကျင်ရေး စသည့် စသည့် လှုပ်ရှားမှုတွေကနေ တော်လှန်ရေးခေါင်းဆောင်၊ နိုင်ငံရေးခေါင်းဆောင်တွေပေါ်ထွက်ခဲ့သည်။ အောင်မြင်ပြီး အာဏာရလာသူတွေလည်းရှိသည်။ ဒါ ပေမယ့် ခေါင်းဆောင်ဖြစ်လာချိန်မှာ သူဆန့်ကျင်ခဲ့တဲ့ အရာတွေကိုပဲ ပြန်လည်ကျင့်သုံး လာသူ တွေ များလှသည်။ တော်လှန်ရေးသမားတွေကပဲ အာဏာရလာတော့ လူတန်းစားသစ် တစ်ရပ်ဖြစ် လာခဲ့သည်။ အာဏာ၊ ငွေကြေး၊ အခွင့်အရေးတွေကြားမှာ ပျော်မွေ့သွားခဲ့သည်။

သူတို့ကိုယ်တိုင်သာ မက ဇနီး၊ သားသမီး၊ မြေးမြစ်တွေကပါ အခွင့်ထူးခံလူတန်းစားတွေဖြစ်လာ သည်။ အိမ်တော်ကြီးတွေ၊ ဇိမ်ခံ ကားတွေ၊ နိုင်ငံခြားခရီးတွေ၊ ဘဏ်စာရင်းတွေ၊ ဖက်ရှင် ဝတ်စုံတွေ၊ တန်ဖိုး ကြီးနာရီတွေ၊ ဖိနပ်တွေ၊ လက်ဝတ်ရတနာတွေ ကြားမှာ ပျော်မွေ့ သွားတော့သည်။ ဒီလိုနဲ့ အီမယ်လ်ဒါမားကိုးစ်ရဲ့ဖိနပ်တွေ၊ ဂရေ့စ် မူဂါဘီရဲ့ ပိုက်ဆံအိတ်တွေလို ပုံပြင်တွေ အများကြီးရှိခဲ့ သည်။

ငါတို့ လူတွေ က ဆင်းရဲတဲ့ ဒဏ်ကို ခံနိုင် တယ်။ ချမ်းသာတဲ့ဒဏ်ကို မခံနိုင်ဘူး။ အာဏာကြောင့် မဖောက်ပြန် ကြနဲ့လို့အာဏာရစမှာသတိပေးခဲ့သူက မကြာခင်မှာပဲ အာဏာတွေ ၊လုပ်ပိုင် ခွင့် တွေ၊ လူတွေရဲ့ ဂရုစိုက်မှုတွေကြားမှာ မျောပါသွားပြီး အာဏာရှင်အဖြစ် သွားခဲ့သည်။ ငါစွဲတွေ ကို ရှောင်၊ ငါ့မယား၊ ငါ့သားသမီး ၊ ငါ့ဆွေမျိုးအတွက်မလုပ်နဲ့လို့ သတိ ပေးခဲ့သူမှာလည်း ငါ့သား သမီး၊ငါ့ဆွေမျိုးတွေမဟုတ်တာလုပ်သမ ျှ လျစ်လျူရှုထားခဲ့သည်။ လူထု ဆင်းရဲနေချိန်မှာ ဇိမ်မခံလို ပါဘူးဟု ဆိုခဲ့သူက အဆောင်အယောင်တွေ၊ အဆင်တန်ဆာတွေကြားမှာ စီးမျောသွား ခဲ့ သည်။

ကလေးဘဝက စွဲစွဲမြဲမြဲဖတ်ခဲ့တာက တေဇ နဲ့ ရွှေသွေး ကာတွန်းစာစောင်တွေ။ အဲဒီခေတ် ကာ တွန်းဇာတ်လမ်းတစ်ပုဒ်က ဘီလူးနဲ့ ဘီလူးကို နှိမ်နင်းတဲ့ သူရဲကောင်းတွေ အကြောင်း။ဂူကြီး တစ်လုံး ထဲမှာ ဘီလူးကြီးရှိသည်။ ပတ်ဝန်းကျင်မြို့ရွာတွေကို ဝင်ရောက်ဖျက်ဆီး သတ်ဖြတ်လေ့ ရှိ သည့်အတွက် ဒီဘီလူးကို သတ်နိုင်ဖို့ သူရဲကောင်းတွေကို အကူအညီတောာင်းသည်။ သူရဲကောင်း တွေလည်း ပေါ်လာပြီး ဘီလူးကို နှိမ်နင်းဖို့ ဂူထဲဝင်သွားကြသည်။ ဘီလူးကို သတ်နိုင်ပေမယ့် ဂူထဲမှာ ဘီလူးကြီး စုဆောင်းထားခဲ့တဲ့ ရတနာပစ္စည်းတွေကို လောဘဇောကပ်ပြီး ယူဖို့ ကြိုးစားတဲ့အခါ သူတို့ကိုယ်တိုင် ဘီလူး ဖြစ်သွား ခဲ့သည်။

လူ့သဘော၊ လူ့မနောကား သိရခက်လှ၏။ မကြည့်ချင်လောက်အောင်မုန်းတယ် ဆိုပေမယ့် မြင် ပါများတော့ ယဉ်ပါးသွားတာလဲရှိသည်။ မကောင်းတဲ့ အတုမယူနဲ့လို့ သတိပေးပေမယ့် အတု မြင် အတတ်သင်သွားတာလည်းရှိသည်။သူတို့မှားပေမယ့်ငါမမှားနိုင်ဘူးလို့ ဖြည့်တွေးတတ်တာ လည်း ရှိသည်။

အခြားသူအတွက်လောဘ ဖြစ်ပေမယ့် ကိုယ့်အတွက်တော့ ရပိုင်ခွင့်ဟု တွေးလာ တတ် သည်။အခြားသူအတွက်ဇိမ်ခံပစ္စည်းဆိုပေမယ့်ကိုယ့်အတွက်ကတော့ရသင့်သည့် အဆောင် အယောင် အဖြစ်ယူဆလာသည်။အခြားသူတွေအတွက် လာဘ်လာဘ ဆိုပေမယ့် ကိုယ့်ကို တော့ တကယ် ချစ်ခင်လို့ စေတနာသန့်သန့်နဲ့ပေးတာဟု မြင်တတ်လာသည်။

ဒီလိုနဲ့ ကိုယ်ကိုယ်တိုင် မသိလိုက်ဘဲ ကိုယ့်မုန်းတီးတဲ့ အရာ တွေရဲ့ ကိုယ်ပွားလေးဖြစ် သွားတော့သည်။ ဘီလူးဖြစ်သွားသော သူရဲကောင်းတွေများလှပြီ။

One thought on “ဘီလူး

  1. ကျနော်တို့ငယ်စဉ်ဘဝ ရွှေသွေးတစောင်25pya ပန်းခဖီဦးဘကြည် ရောင်စုံပုံတွေနဲ့ စာဖတ်တတ်ခါစ တေဇ ရွှေသွေးပုံပြင်များမမေ့လျော့သေးပါ ကလေးစာပေက”ဂယက်နီ”(သက်ရှေ ကျမ်းမာ ချမ်းသာပါစေခင်ဗျ)

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: