ရွှေအင်းတိန် ဘုရား ၄

ရွှေအင်းတိန်ဘုရားရဲ့ အရံစေတီတွေမှာ ရွှေတိဂုံရင်ပြင်ပေါ်က စေတီတစ်ချို့မှာလိုပဲ အစောင့် ရုပ်တု တွေရှိတယ်။ ရွှေတိဂုံဘုရားများ အတွေ့များတာက ခြင်္သေ့၊ နဂါး၊ ဘီလူး၊ ဇော်ဂျီ ရုပ်တွေ ဖြစ်ပေမယ့် ရွှေအင်းတိန်ဘုရားမှာတော့ လူရုပ်ပုံတွေများပါတယ်။ နတ်သား၊နတ်သမီးလို့ ယူဆ ရတဲ့ ရုပ်တုတွေလည်းရှိတယ်။

လူပုံအနေအထားတွေကလည်း သူငယ်တော်လို့ယူဆရတဲ့ အရုပ်ရှိသလို ကလေးရုပ်လေး လို့ ယူဆရတဲ့ အရုပ်လည်းတွေ့တယ်။ တစ်နေရာမှာ ကလေးချီထားတဲ့ မိခင်၊ ဖခင်ပုံလည်းတွေ့ တယ်။ နန်းဝတ်နန်းစားနဲ့ အမျိုးသားတစ်ယောက်အောက်မှာ ကလေးနှစ်ယောက် မတ်တပ်ရပ် နေပုံလည်း ရှိတယ်။ အမျိုးသားအမျိုးသမီး ကနေတဲ့ ပုံ လည်း ရှိတယ်။ ဝတ်ကောင်းစားလှနဲ့ အမျိုးသား၊ အမျိုးသမီးပုံ ကို တစ်ဖက်တစ်ချက်မှာ ထားတာ လည်း ရှိတယ်။ အိုးရွက်ထားတဲ့အမျိုးသမီးတစ်ယောက်ပုံကတော့ ခေါင်းမှာ အခု ပအိုဝ်း၊ ဓနု တိုင်းရင်းသားတွေပေါင်းတဲ့ခေါင်းပေါင်းမျိုး ပေါင်းထားတာတွေ့တယ်။

ဒီရုပ်တုတွေရဲ့ အကြောင်း ကို လေ့လာ ရေးသားထားတဲ့ ဆောင်းပါး ၊ စာတမ်းတွေရှိတယ်ဆို ရင်လည်း ညွှန်းပေးစေချင်ပါတယ်။ လေ့လာထားတာမရှိသေးဘူးဆိုရင် တော့ တတ်ကျွမ်း တဲ့ပညာရှင်များက လေ့လာမှတ်တမ်းတင်ထားသင့်ပါတယ်။ နောင် ပြန်ပြင် လိုက်တဲ့အခါ မူရင်းလက်ရာအတိုင်း မြင်ရဖို့မလွယ်တော့ဘူး။

မှတ်ချက်။ အခုဖော်ပြထားတဲ့ပုံတွေက ရုပ်တု အားလုံးရဲ့ ပုံမဟုတ်ပါဘူး။ စိတ်ဝင်စားဖွယ် ကောင်းတာတွေကိုသာ ဖော်ပြထားတာဖြစ်ပါတယ်။