မော်တင်စွန်း (၅)

ဆံတော်ရှင်မော်တင်စွန်းဘုရားပွဲရဲ့ ထူးခြားချက်တစ်ခုက ဘုရားစောင်းတန်းနဲ့ ဖောင်တော် ဆိုက် စေတီ လေ ျှာက်လမ်း မှာ နဂါး စာ ရောင်းချတဲ့ ဆိုင်တွေအများအပြားတွေ့ရတာပါပဲ။ ဒီလို နဂါးစာကျွေးတယ်ဆို တာက ဘုရားသမိုင်းအရ မော်တင်စွန်းစေတီတော်ကို နာဂ သေန နဂါးမင်းက သူရထားတဲ့ မြတ်စွာဘုရားရဲ့ ဆံတော်ဓာတ်တော်နှစ်ဆူကို ဌာပနာပြီး တည်ထား ကိုး ကွယ်ခဲ့တယ် ဆိုတဲ့အချက်နဲ့ သက်ဆိုင်နေပါတယ်။

ဒါ့ကြောင့် မော်တင်စွန်းရောက်ချိန် နဂါးပူဇော်ပသမှုကို လေ့လာနိုင်ဖို့ အကူအညီ တောင်းတော့ ဖောင်တော် ဆိုက်စေတီလေ ျှာက်လမ်းထိပ်မှာရှိတဲ့ “ ငွေသော်တာစန်း ၊ နဂါးစာဖောင် နှင့် ဆွမ်း၊ပန်း အရောင်း ဆိုင်” က ဓာတ်ပုံလည်းရိုက်ခွင့်ပြုတယ်။ အသံဖမ်းခွင့်လည်း ပြုတယ်။

မော်တင်စွန်းမှာရောင်းတဲ့ နဂါးစာဖောင်တွေက တစ်သောင်းတန်ကနေ ခြောက်သောင်း၊ ခုနစ် သောင်း၊ တစ်သိန်းတန်အထိ ရှိတယ်။ နဂါးစာအတွက်အခြေခံကတော့ နို့ ၊ကြက်ဥ၊ ပေါက်ပေါက် ဆုပ်ပေါ့၊ ပြီးရင် ဖောင်တော်ပေါ်မှာ တံခွန်ကုက္ကားထိုးမယ်။ အမွှေးတိုင်ထွန်းမယ်။ ဈေးကြီးတဲ့ ဖောင် တော်တွေကတော့ ဖောင်တော်အရွယ်အစားကြီးသလို နို့ ၊ ကြက်ဥ၊ ပေါက်ပေါက်ဆုပ်၊ အပြင် အချို ပွဲတွေပါတယ်။ သိုက်ပွဲထိုးတာပါတယ်။ ဖောင်တော်ကို ဆင်ထားတဲ့ နဂါးရုပ်ကြီးတွေကလည်း ပိုပြီး လှပ အသက်ဝင်တယ်။ နဂါးရုပ်အပြင် လှေပုံသဏ္ဍန်ချိုးထားတာလည်း ပါတယ်။ ဖောင်တော် က တော့ ဝါးနဲ့လုပ်ထားတာဖြစ်ပြီး နဂါးရုပ်တွေကတော့ ဖော့ပြားတွေကို ပုံဖော်ထားတာပါ။

ဈေးတန်းပတ်ဝန်းကျင်မှာ ဝါးလုံးတွေပုံပြီး ဖောင်ဖွဲ့ပေးနေတဲ့ ဦးကြီးတစ်ယောက်ကို မေးကြည့်တော့ ဘုရားပွဲ ၁၅ ရက် ဆိုင်ရှင်က ကုန်ကြမ်းပေး၊ စရိတ်ငြိမ်း ခု နစ်သောင်းရတယ်တဲ့။ နဂါးရုပ်ဖော်တဲ့သူ၊ ရွတ်ဖတ်ပူဇော်တဲ့သူတွေကို မေးချင်ပေမယ့် အရုပ်တွေလုပ်ရတာ၊ ဘုရားဖူးတွေအတွက် နဂါးစာ ကျွေး ပေးနေရတာနဲ့ အလုပ်ရှုပ်နေလို့မေးခွင့်မရခဲ့ဘူး။

နဂါးစာကျွေးတဲ့သူတွေထဲမှာ နှစ်စဉ် ဘုရားလည်းဖူး၊ နဂါးစာလည်းကျွေးတဲ့သူလည်း ပါတယ်။ တစ် ချို့ကတော့ နဂါးစာကျွေးရင်း ဆုတောင်းခဲ့တာ ပြည့်တဲ့အတွက် နောက်တစ်ကြိမ်ပြန်လာတဲ့သူ တွေ လည်းပါတယ်။ ပထမဆုံးအကြိမ် နဂါးစာကျွေးမယ့်သူတွေလည်းပါတယ်။ ဆုတောင်းပြည့်လို့ ပြန် လာတဲ့ ဘုရားဖူးတွေ ဆိုရင်တော့ ဈေးကြီးတဲ့ဖောင်တော်တွေနဲ့ ပူဇော်ပေမယ့် ဘုရားဖူး အများစု ကတော့ တစ် သောင်းတန်ဖောင်တော်တွေနဲ့ ပူဇော်ကြပါတယ်။ နဂါးစာကျွေးမယ့် ဘုရားဖူးက သူ လိုချင်တဲ့ဖောင်တော်ကို ရွေးပြီးတဲ့အခါ ပူဇော်ပသပေးမယ့် ပုဂ္ဂိုလ်က ဖောင်တော်ကို သယ်ပြီး ရေ စပ်ကို သွားတယ်။ နဂါးစာပူဇော်တာနဲ့ဖောင်တော်လွှတ်တာကို အရှေ့ဘက် ကမ်းခြေမှာလုပ်ရ ပါ တယ်။

ရေစပ်ကို ရောက်ရင် ဖောင်တော်ကို အသင့်ယူလာတဲ့ ပလတ်စတစ်ခုံပေါ်မှာတင်တယ်၊ အမွှေး တိုင် ထွန်းတယ်။ အလှူရှင်တွေကတော့ ဖောင်တော်ကို ဝိုင်းပြီး ရပ်နေရတာပေါ့။ အားလုံး အသင့် ပြင် ပြီးတဲ့အခါ ပူဇော်ပသတဲ့သူက အလှူရှင်ရဲ့ နေ့နံကို မေးတယ်။ ပြီးရင် ဘုရားရှိခိုးတယ်။ ပြီးတာနဲ့

“သရနတောင်တန်းမှာ ယခင်က ဘုရားဒကာဖြစ်ခဲ့ဖူးသော ဇေယျသေန နဂါးမင်းကြီး နဲ့ နဂါးမယ်တော် ၊ နတ်နဂါး အပေါင်းဆွေတော်မျိုးတော် အပေါင်းတို့ကို ယနေ့ မှာ xxxxxxx သား မိသားစု အောက်ပြည် အောက်ရွာ ဘုရားဖူးလာသောအခါ သားတော်၊ သမီးတော်တို့က ဆံတော်ရှင်ဘုရား ဦးစွာ ပထမ ဖူးမေ ျှာ်ပြီးတော့ ဒီနေရာဒေသမှာ စောင့်ရှောက်သော နဂါးမင်းကြီး ကို သားတော် သမီးတော်တို့က မမေ့မလျော့ပဲနဲ့ နဂါးစာ ၊ နဂါးဖောင်တော်များနဲ့ အတူတကွ တံခွန် ကုက္ကား မုလေးပွား အမွှေးနံ့သာ စုံလင်စွာ ၊ နို့ ၊ ကြက်ဥ ၊ ပေါက်ပေါက်နဲ့ နဂါးမင်း အပေါင်းတို့ကို သားတော် သမီးတော် တို့ က အချက်ကျကျ ဆက်သ ပူဇော်ပသ အလှူ ဒါနပြု ပါတယ်၊ ဇေယျသေန နဂါးမင်းနဲ့ နဂါးအပေါင်းတို့ xxxx သား၊ xxxx သမီးမိသားစု စေတနာသုံးတန် ပြဋ္ဌာန်း ပြီး သဒ္ဓါ အပြည့်အဝနဲ့ ပူဇော်ပသ ဒါနပြုတဲ့ နဂါးစာ နဂါးဖောင်တော်များ သုံးဆောင် ရန် ပင်လယ်ရေဇလာ နတ်နန်းက ကြွမြန်း တော်မူပါ” ဆိုပြီး ပင့်ဖိတ်တယ်။

ဒါကတော့ ပူဇော်ပသမှုရဲ့ အစ နိဒါန်းပေါ့။ ရိုးရာပူဇော်မှုတွေမှာ ရွတ်ဆိုပူဇော်တာတွေက လက်တန်း တော့မဟုတ်ဘူး။ သူ့အဆင့်လိုက်သွားရတာ။ ပြီးတော့ ပူဇော်ပသပေးတဲ့သူရဲ့ သဘာနဲ့ စေတနာ အပေါ်မူတည်ပြီး အဖွဲ့အနွဲ့၊ အသံ အနိမ့်အမြင့်အတက်အကျကလည်း ကွာသေးတယ်။ “ငွေ သော် တာစန်း” ဆိုင်က ပုဂ္ဂိုလ်ကတော့ အတော်ပြည့်စုံတယ်။ အထက်မှာရေးထားတဲ့အတိုင်း နဂါး မင်း ကြီးကို ပင့်ဖိတ်ပြီးတဲ့နောက် ပူဇော်ပသတယ်။ ပြီးတဲ့အခါ အလှူရှင်တွေအတွက် အခုလို ဆုတောင်း ပေးတယ် –

“ဒီနေ့ဒီရက် ဒီအချိန်က xxxx သား၊ xxxx သမီး မိသားစု နဂါးမင်းကြီးကို နဂါးစာတော်များ အလှူဒါန ပြုပြီးတဲ့နောက် ယနေ့မှစ၍ သားတော် ၊ သမီးတော်တို့မှာ စိတ်ချမ်းသာမှု၊ ကိုယ် ကျန်းမာမှု နဲ့ လူမှု ရေး၊ စီးပွားရေး၊ ကျန်းမာရေး၊ ဘာသာရေး၊ သာသနာရေးမှာ ထိပ်ဆုံး ရောက်တဲ့ သားကောင်း ရတနာ ၊ သမီး ကောင်းရတနာ ဖြစ်ပါရစေ၊ လုပ်သမျှ ကိုင်သမ ျှ ကြံသမျှတွေ နှစ်တိုင်းနဲ့ မတူ လတိုင်း နဲ့ မတူ ၊ ရက်တိုင်းနဲ့မတူဘဲ ထူးခြားစွာ သိသာစွာဖြင့် သန်းနဲ့ချီလို့ သိန်းနဲ့ ချီလို့ သောင်းနဲ့ ချီလို့ ဆယ်နဲ့ချီလို့ ရာနဲ့ချီလို့ အထုပ်ကောင်း အထည်ကောင်း အိုးကောင်း အိမ်ကောင်း ခြံကောင်း မြေကောင်း ယာကောင်း ဆရာကောင်း သမားကောင်း ပုဂ္ဂိုလ်ကောင်း သူတော်ကောင်းတွေနဲ့ အတူတကွ တွေ့ရ မြင်ရ ကြားရအောင် မစ စောင့် ရှောက် ပေးပါ။ သားတော် သမီးတော် တို့မှ မရ သေး သော ဥစ္စာ ပစ္စည်း ရတနာ ခုနစ်ပါးနှင့် ပြည့်စုံသော စီးပွား လာဘ်လာဘ ဒီရေအလားကဲ့သို့ ဆတက်ထမ်းပိုး ဒါ့ထက်တိုးရအောင် စီးတဲ့ရေ ဆည် တဲ့ကန်သင်း ဖြည့်တင်းရအောင် မစ စောင့်ရှောက်ပေးပါ။”

ဒါက ဆုတောင်းခန်းပေါ့။ ဆုတောင်းခန်းပြီးတော့ အဆုံးသတ်လို့မရသေးဘူး။ နောက်ထပ် မော်တင် စွန်းဘုရားကို အကြိမ်ကြိမ်ဖူးနိုင်အောင် အခုလို ဆက်ပြီး ဆုတောင်းပေးတယ်-

“xxxx သား၊ xxx သမီး ကုန်းမှာသွား ကုန်းမှာစောင့်ရှောက်ပါ။ ရေမှာသွား ရေမှာစောင့်ရှောက်ပါ။ တောင်ပေါ်သွား တောင်ပေါ်မှာ စောင့်ရှောက်ပါ။ သားတော် သမီးတော်တို့ သွားလမ်းသာလို့ လာလမ်းတွေဖြောင့်ပါရစေ၊ ရောင်းပန်းသာလို့ ဝယ်ပန်းတွေလည်း လှပါရစေ၊ ဒီနေရာ ဒီဒေသ ကိုလည်း သားတော် သမီးတော်တို့ တစ်နှစ်တစ်ခေါက်လာရောက်ပြီး ဆံတော်ရှင် ဘုရားကို ဖူးမေ ျှာ်နိုင်ခွင့် ၊ နဂါးမင်းကြီးအပေါင်းတို့ကိုလည်း နဂါးစာများ လှူဒါန်းနိုင်ခွင့်ရအောင် သား တော် သမီးတော်တို့ကို ရတနာခုနစ်ပါး ပြည့်စုံသော လာဘ်လာဘ အထုပ်အထည်များ စွမ်းဆောင် မစ ပေးတော်မူပါ။”

ဒီနေရာရောက်ရင်တော့ ဆုတောင်းခန်းပြီးပြီ။ ဒ့ါကြောင့် လှူဒါန်းထားတာတွေကို အမ ျှဝေတယ်။ ပူ ဇော်ပသတဲ့ ပုဂ္ဂိုလ် အမ ျှပေးဝေတဲ့ စာရင်းမှာ ဇေယျသေန နဂါးမင်းနဲ့နဂါးအပေါင်း သာမက သိုက် ပေါင်း ကိုးသိန်းကိုးသောင်း ကိုးထောင် ကိုးရာ ကိုး ဆယ့်ကိုး သိုက်ကို ချုပ်တော်မူတော်မူသော ဘုရားသိုက် ၊ သိကြားသိုက် ၊ နဂါးသိုက် ဆိုတာလည်း ပါ တယ်။ “ရန်ကုန်ဒေသ အခြေတော်ချ အမတော် မြနန်းနွယ် သိုက်နန်းရှင်သခင်မ၊ အမတော် စောမွန် လှသခင်မပါမကျန် ” လို့လည်း ပါ တယ်။

အမ ျှပေးဝေပြီးတော့ အလှူရှင်တွေလည်း ကိုယ်ဆုတောင်းချင်တာဆုတောင်းပေါ့။ တချို့က တော့ စိတ်ထဲက ဆုတောင်းတယ်။ တချို့က အသံထွက်ပြီးဆုတောင်းတယ်။ အားလုံးကျေနပ်ပြီ ဆိုတဲ့ အခါ ပူဇော်ပသပေးတဲ့ ပုဂ္ဂိုလ်ရဲ့ အကူလူတစ်ယောက်က ဖောင်တော်ကို ကိုင်ပြီး ပင်လယ်ထဲ ဆင်း တယ်။ ခါးလောက်ရောက်တော့ ဖောင်တော်ကို ပင်လယ်ထဲကို မျောလိုက်တယ်။ နဂါးစာပူဇော်တဲ့ အချိန်က ရေကျနေချိန်မှာ လုပ်လေ့ရှိတော့ ဖောင်တော်က ရေကျနဲ့ အတူ ပင်လယ်ထဲကို တရွေ့ ရွေ့မျောပါသွားတယ်။ ကျွန်တော်တို့ မှတ်တမ်းတင်တာကို ကြည့်နေတဲ့ အလှူရှင်တစ်ယောက်က တော့ ဒီရေတက်ရင် ပင်လယ်ထဲက ပစ္စည်းတွေ ကမ်းပေါ်လာတင်ပေမယ့် ဖောင်တော်တွေ က တော့ ဘယ်တော့မှ ပြန်ပါမလာဘူးလို့ ရှင်းပြတယ်။ သူပြောတာမှန်/ မမှန် လေ့လာချိန်မရခဲ့ဘူး။

နဂါးစာကျွေးတာကို မှတ်တမ်းတင်ပြီးတော့ “ ငွေသော်တာစန်း” ဆိုင်ကို ကျေးဇူးတင်ကြောင်း ပြောပြီး ဈေးတန်းဘက် ထွက်ခဲ့တယ်။ လမ်းမှာ ခရီးသွားဖော် မိတ်ဆွေက နဂါးရှိတယ်ဆိုတာ ယုံ လားလို့မေးတယ်။ ဒါနဲ့ “မယုံပါဘူး။ ဒါပေမဲ့ လူတိုင်း မှာ လွတ်လပ်စွာယုံကြည်ကိုးကွယ်ခွင့်ရှိတာပဲ၊ နောက်ပြီး သူတို့ ဆုတောင်းတာကို ကြည့်လေ၊ အလှူဒါနပြုနိုင်ဖို့အတွက် ဥစ္စာဓနတိုးပွားဖို့၊ မိသားစု အန္တရာယ်ကင်းဖို့ပဲ ပါတယ်၊ မတရားနည်း နဲ့ ငွေရှာဖို့ ၊ မရထိုက်တဲ့ ပစ္စည်း၊ အခွင့် အရေး တွေရဖို့တွေ မပါတဲ့အတွက် အကုသိုလ်တော့ မဖြစ်ဘူး ” လို့ ဖြေလိုက်တယ်။ ပြီးတော့ “ ဟိုလူဆို ရင်ကွာ” လို့ စကားဆက်တဲ့အခါ မိတ်ဆွေဖြစ်သူက “ ဟိုး ဆရာ ဟိုး” လို့ တားလိုက်တာနဲ့ စကား မဆက်ဖြစ်တော့ဘူး။

ဆက်လက်ဖော်ပြပါ့မယ်။