ပုရစ်ဖူးနဲ့ အသစ်ကူးချိန်

လွန်ခဲ့တဲ့ ခုနစ်နှစ် ၃၀ မတ် ၂၀၁၆ ရက်နေ့မှာ လက်ရှိ သမ္မတ ဦးသိန်းစိန် က သမ္မတ သစ် ဦးထင် ကျော် ကို သမ္မတ နဲ့ ပြည်ထောင်စုအစိုးရအဖွဲ့တာဝန်များ လွှဲပြောင်းပေးခဲ့ပါတယ်။

အဲဒီတာဝန်လွှဲပြောင်းမှုအခမ်းအနား ကျင်းပမယ့်နေ့ မနက် လမ်းလေ ျှာက်ရင်း တွေးမိတဲ့ အတွေး တစ်စကို “ ပုရစ်ဖူးနဲ့ အသစ်ကူးချိန်” ဆိုပြီး အက်ဆေးရေးခဲ့တာကို မဖတ်ခဲ့ရသူများ ဖတ်နိုင်အောင် ပြန်လည်မ ျှဝေပေးလိုက်ပါတယ်။

---

ပုရစ်ဖူးနဲ့ အသစ်ကူးချိန်

xx ဟောင်းရွက်ဝါ ကျကြွေလျောပါလို့
တောဝနေ ဟိုဌာနီ
ဖြာစီတဲ့ ပုရစ်ဖူး xx
( ခါနွေဦး ၊ မင်းသုဝဏ်)

ဒီနေ့မနက်လမ်းလေ ျှာက်တော့ လမ်းဘေးတောင်ကြောတစ်လေ ျှာက် သစ်ပင်တွေမှာ အရွက်တွေ ကြွေ၊ ပုရစ်ဖူးလို့ခေါ်တဲ့ ရွက်နုလေးတွေထွက်နေတာ သတိထားမိသည်။ တပေါင်းလ ( မတ်လ) ရောက်ရင် ရွက်ကြွေပင်တွေအားလုံး ဒီလိုပဲ ရွက်ဟောင်းကြွေ ၊ ရွက်သစ်တွေဝေနေကျ၊ မိုးဦးကျ ဆိုရင်တော့ ဒီတောဒီတောင်တွေအားလုံး ရွက်သစ် စိမ်းရောင်တွေနဲ့ အပြည့်ဖြစ်တော့မည်။

ပြီးခဲ့တဲ့တစ်နှစ်တာအတွင်း အပင်မှာ ရှိနေတဲ့ ရွက်ဟောင်းတွေ ကြွေချိန်တန်လို့ ကြွေပြီ။ သူတို့ နေရာ ကို အစားထိုးမည့်ရွက်သစ်ဖူးလေးတွေထွက်လာပြီ။ သိတ်မကြာခင်မှာ အား ကောင်းမောင်း သန် နဲ့ အပင်ကို အလှဆင်တော့မည်။

ဒီလိုအကြိမ်ကြိမ် ရွက်ဟောင်းကြွေ၊ ရွက်သစ်ဝေရင်း အပင်တွေကြီးထွားရင့်သန် ပိုလှလာပြီး လောကကြီးကို အလှဆင်နိုင်ခဲ့သည်။

မကြာခင်မှာလည်း အဟောင်းတွေထွက်ခွာ၊ အသစ်တွေနေရာယူတော့မည်။ အသစ် အဟောင်း ပြောင်းလဲခြင်းက ချစ်တဲ့ နိုင်ငံပိုပြီး ငြိမ်းချမ်း၊ စိမ်းလန်းအောင် စွမ်းဆောင်နိုင်မည်ဟုယုံကြည်ရင်း ကျွန်တော်ကတော့ လမ်းဆက်လေ ျှာက် ပါဦးမည်။