ပုဂံခေတ် ပိသုကာပညာရှင်များရဲ့ အလင်းပေးမှု စနစ်ဘယ်လောက်ကောင်းတယ်ဆိုတာကို မြင်းပြ ဂူဘုရား (ဘုရားအမှတ်၁၄၉၃)မှာတွေ့နိုင်ပါတယ်။မြင်းပြဂူဘုရားကအောက်ခြေနိမ့်နိမ့် လေး ထောင့် တိုက်ပေါ်မှာ စေတီကြီးတည်ထားတာဖြစ်ပါတယ်။ စေတီအောက်တည့်တည့်မှာ ဆင်းတုတော် ထား တဲ့ အခန်းရှိပြီး အပြင်မှာ ပတ်လမ်းတစ်ခုရှိပါတယ်။ ပတ်လမ်းအပြင်မှာ ဝင်/ထွက်ဖို့အတွက် မုခ် ဆောင်တွေရှိပါတယ်။
အဲဒီလို အဆောက်အအုံ နိမ့်နိမ့်ရဲ့ အတွင်းဆုံးမှာ ရှိနေတဲ့ ဆင်းတုတော်ရဲ့ မျက်နှာ တော်ပေါ်ကို အလင်းရောင်ရအောင် ဘယ်လိုတည်ဆောက်ထားသလဲဆိုတာကို မြင်းပြဂူ ဘုရား အကြောင်း သိတဲ့ ပညာရှင်များ ဒီပို့စ်အောက်မှာ မှတ်ချက်ရေးသားရှင်းလင်းပေးရင်တော့ စာဖတ်သူ အားလုံး ဗဟုသုတ တိုးမှာပါ။
ဆင်းတုတော်ရဲ့မျက်နှာတော်ပေါ် အလင်းရောင်ထိုးကျနေပုံကို ဓာတ်ပုံရိုက်တဲ့အခါ မြင်းပြဂူဘုရား ကသော့ခတ်ပိတ်ထားတဲ့အတွက် ကင်မရာအသေးလေးကို သံတိုင်ကြားက ထိုးသွင်း၊ လူကမြေကြီး ပေါ်မှာ ဝမ်းလျားထိုးအနေအထားနဲ့ ကင်မရာကို တတ်နိုင်သလောက် အောက်နှိမ့်ပြီး ရိုက်ခဲ့ ရပါတယ်။အဲဒီလိုအနေအထားအရ View Finderကို သေသေချာချာ ကြည့်ခွင့်မရတာလည်း အားနည်းချက် တစ်ခု ပါပဲ။ ဓာတ်ပုံရိုက်ခဲ့တဲ့ အချိန် ကတော့ ညနေ ငါးနာရီဝန်းကျင်ဖြစ်ပါတယ်။
မြင်းပြဂူဘုရားကို သွားမယ်ဆိုရင် ပုဂံမြို့ဟောင်းကနေ ကားလမ်းအတိုင်း ပုဂံပြတိုက်ဘက်ကို သွားပါ။ ပုဂံပြတိုက်ကို လွန်တာနဲ့ လမ်းဘယ်ဘက်မှာ မီးငြိမ်းကုန်းဘုရား ( ဘုရားအမှတ် ၁၄၉၉) ကို သွားတဲ့ လမ်းခွဲကို တွေ့ပါ့မယ်။ အဲဒီလမ်းခွဲအတိုင်းဝင်သွားရင် မီးငြိမ်းကုန်းဘုရားနဲ့ မျက်စောင်း ထိုး မှာ မြင်းပြဂူဘုရားကို တွေ့ပါ့မယ်။ ( မြေပုံလည်း တင်ပေးထားပါတယ်။)
Ye Htut's Blog 