လက်ဖက်ခင်းတွေကြားက ပျူပုတီးစေ့များ

ကလော ပတ်ဝန်းကျင် နေ့ချင်းပြန် ခြေလျင်တောလမ်းခရီးအကြောင်းရေးတော့ View Point ဆိုတဲ့ ရှုခင်းသာလေးအကြောင်းရေးခဲ့တယ်။

အဲဒီ View Point ကနေ အနောက်ဘက်ကို လှမ်းကြည့်ရင် တောင်ကြောထိပ်မှာ စေတီတစ်ဆူကို ဖူးမေ ျှာ်ရတယ်။ အဲဒီ စေတီက ရွှေမင်းပုန်းစေတီတဲ့။ အဲဒီစေတီပတ်ဝန်းကျင် ရွာတွေက ပလောင် ရွာတွေ၊ ပလောင် တွေမနေခင်က ကရင်တိုင်းရင်းသားရွာတွေရှိတယ်။ နောက်တော့ ပျဉ်းမနား၊ တောင်ငူ၊ ညောင် လေးပင် ဘက်ကို ရွှေ့သွားတယ်လို့ ဆိုတယ်။ ကရင်အမျိုးသားသမိုင်း ( ၂၀၂၀ ဇွန် ) မှာတော့ ပျဉ်းမနား အရှေ့ ဘက် တောင်ပေါ်ဒေသတွေမှာ နေထိုင်တာဟာ ကရင်ဖြူ ( မဲပုကရင်) တွေ ဖြစ်တယ်၊ ၁၆ ရာစုထဲ က ရမည်းသင်းနဲ့ ပျဉ်းမနားဒေသမှာ အခြေချနေ ထိုင်ခဲ့ တယ်လို့ ဖော်ပြထားတယ်။ ဒါ့ကြောင့် ရွှေမင်းပုန်းဘုရားပတ်ဝန်းကျင်မှာ နေထိုင် သွားခဲ့သူ တွေဟာ ကရင်ဖြူတွေဖြစ်နိုင်ပြီး ၁၆ ရာစုမတိုင်မီမှာ တောင်ဘက်ကို ရွှေ့သွားတာ များလို့ တွေးမိ တယ်။

အစဉ်အလာ ပြောစကားအရတော့ ကလောအနောက်ဘက်မှာ ရှိတဲ့ မကွေချောင်းဆိုတာ အဲဒီ အချိန်က ကရင်ခေါင်းဆောင်ကို အစွဲပြုပြီး ခေါ်တာလို့ဆိုတယ်။ ဒါ့အပြင် ကရင်တိုင်းရင်းသား တွေအခြေမချခင်က ဒီဒေသမှာ ပျူတွေ နေခဲ့တယ်။ ရွှေမင်းပုန်း ဘုရားဆိုတာ ပျူဘုရင် စစ်ရှုံးပြီး လာပုန်းတဲ့နေရာမှာ တည်ထားခဲ့တာလို့ ဒဏ္ဍာရီလိုပြောတာလည်း ရှိတယ်။ အဲဒီဘုရားက မြေပေါ် မှာထိုးထွက်နေတဲ့ ရွှေငုတ် ကြီးကို ငုံပြီး တည်ထားတာလို့ အစဉ်အလာအရ ယုံကြည်နေတာလည်း ကြားခဲ့ရတယ်။

ကျွန်တော်ကတော့ အဲဒီဘုရားကိုမရောက်ခဲ့တော့ အစဉ်အလာပြောစကားတွေ၊ ဒဏ္ဍာရီ တွေ နဲ့ ပတ်သက်ပြီး သေသေချာချာ လေ့လာမေးမြန်းခွင့်မရခဲ့ဘူး။ ဒါပေမယ့် ကျွန်တော် ရောက်ခဲ့ တဲ့ View Point ၊ တာယော၊ ရွာသစ် စတဲ့ ပတ်ဝန်းကျင်မှာ ရှိတဲ့ လက်ဖက်ခင်းတွေ ထဲမှာ တော့ ပျူပုတီးစေ့ လို့ ခေါ်တဲ့ ပုတီးစေ့လေးတွေ တွေ့ရတတ်တယ်လို့ သိခဲ့ရပြီး အဲဒီလို ကောက်ရတဲ့ ပုတီးစေ့လေးတွကို စုပြီး ဆွဲကြိုးလုပ်ထားတာလည်း မြင်ခဲ့ရ တယ်။

ဒါ့အပြင် လွန်ခဲ့တဲ့ နှစ်နှစ်လောက်က ရွှေမင်းပုန်း ဘုရား အနောက်ဘက်မှာ ရှိတဲ့ တောင်ပဲ့ ရွာမှာ အဆောက် အဦဆောက်ဖို့ ကျင်းတူးရင် ပျူခေတ်ကလို့ ယူဆရတဲ့ အိုးကွဲတွေ၊ ပုတီးစေ့တွေ တွေ့တယ်၊ ဈေးကောင်းပေးပြီး ဝယ်သူရှိလို့ ဒေသခံတွေ အဲဒီပတ်ဝန်းကျင်မှာ အပြိုင်အဆိုင် တူးပြီး ပုတီးစေ့တွေရှာခဲ့ကြတယ် လို့ သိခဲ့ရတယ်။ နောက်တော့ အုပ်ချုပ်ရေးဘက်က အဖွဲ့ အစည်းတွေရောက်လာပြီး တားမြစ်ခဲ့တယ်လို့ ဆိုတယ်။

ကျွန်တော်တော့ တောင်ပဲ့ရွာကို မရောက်ခဲ့ဘူး။ ဒါပေမယ့် အဲဒီအချိန်က တွေ့ခဲ့တဲ့ ပုတီးစေ့ တွေ၊ဒေသခံတွေ တူးနေပုံတွေ တော့ ဓာတ်ပုံတွေမြင်ခဲ့ရ တယ်။ အဲဒီပုံတွေကို ကာယကံရှင် ခွင့်ပြုချက်နဲ့ ဖော်ပြပေးထားပါတယ်။

ကလောပတ်ဝန်းကျင်က သဘာဝအလှတွေအပြင် စိတ်ဝင်စားစရာ သမိုင်းတွေလည်း ရှိတဲ့ အကြောင်း ဝါသနာရှင်များသိနိုင်အောင်မ ျှဝေလိုက်ပါတယ်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: