မဟာဝိဟာရကျောင်းတိုက်

မှော်ဘီမြို့နယ်၊ဘိုးဒေါနကုန်းကျေးရွာမှာ တည်ရှိတဲ့ “ မဟာ ဝိဟာရ” ကျောင်းတိုက်မှာ ပရိယတ် ပဋိပတ်များ ဆည်းပူးသင်ယူအားထုတ်နေတဲ့ သံဃာတော်များ၊ ရှင်သာမဏေများ ကို မနေ့( ၂၁ မတ်လ)က ဖူးမျှော် ကြည်ညို ခွင့်ရ ခဲ့ပါတယ်။

မဟာဝိဟာရကျောင်းတိုက်မှာ ဝါဆိုသံဃာ အနေနဲ့ ရဟန်း ၂၃၉ ပါး၊ သာမဏေ ၁၀၁၉ ပါး ရှိတယ် လို့ သိရပါတယ်။ ဒါပေမဲ့ ဆွမ်းလောင်းချိန်၊ ဆွမ်းစားချိန်များမှာ ချောင်းဆိုးသံတောင်မကြားရ အောင် တိတ်ဆိတ်ငြိမ်သက်လှသလို သွားလာလှုပ်ရှားရာမှာလည်း သာမဏေငယ်လေးများက အစ ဣန္ဒြေကြီးလှပါတယ်။ ကျန်တဲ့အချိန်မှာလည်း စာဝါတက်၊ စာအံတဲ့အသံကလွဲလို့ ဆူညံ သံ၊ အော်ဟစ်စကားပြောသံမကြားရပါဘူး။ ငြိမ်သက် အေးချမ်းလှပါတယ်။

ဘာသာရေးဆိုင်ရာအကြောင်းအရာဖြစ်လို့ စကားလုံး အသုံးအနှုန်းများမှာ အမှားပါသွားမှာ စိုးရိမ် တဲ့ အတွက် မြင်ခဲ့၊ ခံစားခဲ့၊ ကြည်ညိုသဒ္ဓါပွားခဲ့ရမှုတွေကို အသေးစိတ် ရေးမပြတော့ပါဘူး။ ဓာတ်ပုံ များကို ပဲ မ ျှဝေပေးလိုက်ပါတယ်။

မဟာဝိရကျောင်းတိုက်ကို သွားမယ်ဆိုရင် ရန်ကုန် – ပြည်လမ်း လမ်းအတိုင်းသွားပါ။ မှော်ဘီ တိုးဂိတ်လွန်ပြီး ငါးမိနစ်လောက်မောင်းလိုက်ရင် ညာဘက်က ညောင်နှစ်ပင်လမ်းခွဲ ကို တွေ့မယ်။ အဲဒီလမ်းခွဲအတိုင်းဆက်သွားပါ။ ဂျိုးဖြူပိုက်လိုင်းကို ကျော် ပြီးတာနဲ့ ဘယ်ဘက်မှာ မဟာဝိဟာရ ကျောင်း တိုက်သို့ဆိုတဲ့ လမ်းညွှန်ဆိုင်းဘုတ် တွေ့ပါလိမ့် မယ်။ လမ်းက ကွန်ကရစ်လမ်းဖြစ်ပြီး ပြုပြင်နေတဲ့အတွက် တချို့နေရာတွေမှာ လမ်းကျဉ်းပါတယ်။ “ ရေသိုး” ရွာကျော်ရင် လမ်းဆုံတစ်ခု တွေ့ပါလိမ့်မယ်။ ညာဘက်လမ်းအတိုင်း ဆက်လိုက် သွားရင် မဟာဝိဟာရကျောင်းတိုက်ကို ရောက်ပါတယ်။ ကျောင်းတိုက် ဝေယျာဝစ္စရုံးအဖွဲ့ ဖုန်းနံပါတ်က ၀၉ ၅၀၉ ၀၉ ၀၂ ဖြစ်ပါတယ်။