ဂုံခါး

ရိုးမပေါ်တက်ပြီး ဂုံခါး တူးမယ့်သူ။ ဆိုင်ကယ်မှာ ဓားရယ်၊ ပေါက်တူးရယ်ပါတယ်။ ရိုးမပေါ်ကို ဆိုင်ကယ်နဲ့တက်နိုင်သလောက် တက်တယ်။ လိုအပ်ရင် ပေါက်ပြားနဲ့ လမ်းနည်းနည်းချဲ့တယ်။ မရတော့တဲ့အခါ ခြေလျင် ခရီး နဲ့ တောတိုးပြီး ဂုံခါးရှာရတယ်။
ဂုံခါးကို ကွမ်းယာမှာထည့်စားသလို တိုင်းရင်းဆေးမှာလည်း သုံးတယ်။ တရုတ်ကိုလည်း ပို့တယ်။ ကိုရီးယားအထိတောင် ပို့ခဲ့ဖူးတယ်လို့ဆိုတယ်။ ဒီတောင် ပေါ်မှာတော့ ကုန်သည်တွေက တစ်ပိဿာ ၁၃၀၀ ဈေးကောက်တယ်။
ဂုံခါး ပင်က နွယ်ပင်ဖြစ်ပြီး အမြစ်ကို တူးရတယ်။ ကားလမ်းဘေးက တောတွေထဲမှာ ရှိပေမယ့် အပင်သေးတယ်။ ရိုးမပေါ်က အပင်တွေမှာ အမြစ် နှစ်ပိဿာ၊ သုံးပိဿာလောက်ရတယ်လို့ ဆိုတယ်။ ကံလိုက်တဲ့နေ့ဆိုရင် တစ်နေ ဆယ်ပိဿာ လောက်အထိ ရတယ်။