Category Archives: Uncategorized

ပြီးခဲ့တဲ့ အောက်တိုဘာလ ၇ ရက်နေ့ နံနက်စောစောမှာ ဂါဇာကမ်းမြှောင်ဒေသ မှာ ရှိနေတဲ့ ဟားမားစ် အဖွဲ့က ဂါဇာ ကမ်းမြှောင်ဒေသနဲ့ အစ္စရေး နယ်စပ် မှာရှိတဲ့ အစ္စရေးတပ်မတော်ကင်းစခန်းတွေကို ဝင်တိုက်တယ်၊ ပြီးတော့ နယ်စပ်ခြံစည်းရိုးတွေကို ဖျက်ဆီးပြီး နယ်စပ်ဒေသနဲ့ နီးတဲ့ အစ္စရေး မြို့ရွာတွေကို ဝင်တိုက်တယ်။ တစ်ချိန်တည်းမှာပဲ ဂါဇာကမ်းမြှောင်ဒေသကနေ အစ္စရေးနိုင်ငံထဲကို ဒုံးကျည်တွေပေါင်း နှစ်ထောင်ကျော်နဲ့ ပစ် ခတ်တယ်။(ဟားမားစ်အဖွဲ့ကတော့ငါးထောင်ကျော်ပစ်ခတ်တယ်လို့ဆိုတယ်)အစ္စရေးနိုင်ငံကလည်း လေကြောင်း၊ ရေကြောင်းကနေ ပြင်းပြင်းထန်ထန်လက်တုန့်ပြန်တိုက်ခိုက်တယ်။ အခုဆောင်းပါးရေးတဲ့အချိန်ထိ အစ္စရေးဘက် က စစ်သည်နဲ့ အရပ်သား အနည်းဆုံး ကိုးရာကျော် သေဆုံးပြီး ထောင်ချီ ဒဏ်ရာရတယ်။ အစ္စရေးစစ်သည်နဲ့ အရပ်သား တစ်ရာနဲ့ တစ်ရာ့ငါးဆယ်ကြား ဟားမားစ်အဖွဲ့အဖမ်းခံထားရတယ်။ ဂါဇာကမ်းမြှောင်ဒေသကို ဗုံးကြဲ တိုက်ခိုက် မှု တွေContinue reading “ဟားမားစ်ဘယ်လဲ”

ဇူလိုင်လပုဂံကိုသွားတဲ့အခါ ပစ္စည်းကရိယာမပြည့်စုံတဲ့အတွက် ညရှုခင်း ဓာတ်ပုံတွေကို စိတ်ကြိုက် ရိုက်ခွင့်မရခဲ့ပါဘူး။ ဒါ့ကြောင့် ဒီတစ်ခေါက် အလှုကိစ္စနဲ့ ပုဂံကို သွားတဲ့အခါ လိုအပ်တဲ့ ပစ္စည်းကရိယာတွေ ယူသွားပြီး ပုဂံ ဘုရားများရဲ့ ညရှုခင်းကို စိတ်တိုင်းကျ ရိုက်ခဲ့တာကို မိတ်ဆွေများအတွက် မျှဝေလိုက်ပါတယ်။ ဘုရားတစ်ဆူချင်းအလိုက် ရိုက်ကူးခဲ့တဲ့နေရာများက အောက်ပါအတိုင်းဖြစ်ပါတယ်- အာနန္ဒာ ဘုရား  –   အနောက်ဘက်မုခ် နဲ့ မြောက်ဘက်မုခ်ကြား။ အဲဒီနေရာမှာ မီးတိုင်ရှိနေတဲ့အတွက် မြင်ကွင်းကန့်သတ်ချက်တော့ရှိတယ်။ စူဠာမဏိ ဘုရား –  အိုးထိန်းတောင်ရှုခင်းကြည့်တောင်ကုန်း။ ဓမ္မရံကြီးဘုရား-  ဘုရားအနောက်ဘက်မှာ ရှိတဲ့ ဘုရားပျက်ကုန်း။

အညာရှုခင်း ပုဂံ ညောင်ဦးဒေသရှုခင်းဟာ ပိုင်စိုးဝေ ရဲ့  “မိုးနည်းရပ်ဝန်းမြေပေါ်မှာ” ဆိုတဲ့ ကဗျာကို သတိရ စေတယ်။ အဲဒီကဗျာမှာ အညာသားကဗျာဆရာက အညာကလူတွေအကြောင်း အခုလို ရေးဖွဲ့ ခဲ့ တယ် –  “သည်လူတွေ မိုးနည်းရပ်ဝန်း မြေပေါ်မှာ  ထန်းပင်တက်၊ ထန်းလျက်ကျို ယာကိုလည်း ထွန် ၊ သစ်ပင်လည်း စိုက် သိုးဆိတ်နွားကျောင်း ပုပ္ပါးတောင်စောင်းဆီ မျှော်ကြည့်ငေးမောရင်း လွမ်းစရာ တေးသီချင်းတွေ ဆိုကြ။ ထန်းပင်မြင့်မြင့်ကြီးတွေပေါ် တကြော်ကြော် အော်ဟစ် တွံတေးသိန်းတန်ခေတ်ကို အမှတ်ရကြ။ သည်လူတွေ တောင်သူဓလေ့ ယာမီးငွေ့တွေကြား မှုန်ဝါးဝါး ပန်ချီကားတစ်ချပ်လို ဘဝကို တပ်မက် အသက်ရှင်ခြင်းကိုဖက်တွယ် သဘာဝကို ဘယ်တော့မှ အရှုံးမပေးတဲ့  မိုးနည်းရပ်ဝန်းမြေပေါ်က  တို့ဘဝရဲ့ ရုပ်ပုံလွှာ။” ဒါပေမဲ့  ပုဂံဒေသရှုခင်းကိုကြည့်ရင်း  ဧရာဝတီမြစ်အနောက်ဘက်ခြမ်းက အညာ ဒေသရှုခင်း ကိုContinue reading “ပုဂံမြင်ကွင်းကျယ် ( ၁၀)”

ဒီတစ်ခေါက် နေပြည်တော်ရောက်တော့ ရိုးရင်းမိတ်ဆွေကြီးနဲ့တွေ့တယ်။ ဒီလူနဲ့ ခင်ပေမယ့် အခု နောက်ပိုင်းကာလတွေမှာ အမြင်မတူတော့ မကြာခဏ စကားစစ်ထိုးရတယ်။ ပါတီစုံ ဒီမိုကရေစီ စနစ်မှာ ပြည်သူလူထု ထောက်ခံမှု ရအောင်လုပ်၊ ပြည်သူထောက်ခံမှု မရဘဲ နဲ့ ဖြတ်လမ်းနည်းနဲ့ အာဏာရ‌ပါတီ ဖြစ်ဖို့ကြိုးစားတာ ရှက်ဖို့ကောင်းတဲ့အကြောင်းရေးထားတဲ့ ပုဏ္ဏား တိုင် ဆောင်းပါး ဆိုရင် သူနဲ့ ပြောခဲ့တာတွေကို အခြေခံပြီး ရေးခဲ့တာ တွေပါ။ ဒီတစ်ခါဆုံတော့ မိတ်ဆွေကြီးက ပိုင်ပြီဆိုတဲ့ အပြုံးနဲ့ ကျွန်တော့်ကို “ နဝတ အစိုးရ လက်ထက်မှာ နိုင်ငံခြားက ငွေချေးတာမရှိခဲ့ဘူး၊ ပြီးခဲ့တဲ့အစိုးရ နှစ်ခု လက်ထက်မှာ နိုင်ငံခြားကငွေတွေ အများ ကြီး ချေးခဲ့တယ်” လို့ ဆိုင်းမပါ ဗုံမဆင့် ပြောပါလေရော။ သူ့စကားကိုContinue reading “အကြွေးဇာတ်လမ်း”