ဒေါ်သက်သက်ခိုင် အင်တာဗျူး နဲ့ ဖေ့စ်ဘွတ် (၁)

လွှတ်တော်ကိုယ်စားလှယ်တစ်ယောက်ရဲ့ အင်တာဗျူးကို #Facebook က ဖယ်ရှားလိုက်တယ်ဆိုတာ အတော်ထူးဆန်းတဲ့ကိစ္စပဲ
လူမျိုးရေး၊ဘာသာရေး ဆိုင်ရာ အမုန်းစကားတွေပါနေလို့လား။
မကြားချင်တဲ့အတွင်းရေးတွေပါနေလို့များလား။

လေဘာပါတီ နဲ့ ရွေးကောက်ပွဲ

မရေမရာဖြစ်နေတဲ့ ဗြိတိန်လမ်းခွဲကိစ္စကတော့ ရွေးကောက်ပွဲ ဘူတာကို ဆိုက်သွားပြီ။

အောက်တိုဘာ ၂၉ ရက်နေ့မှာ ဗြိတိသ ျှ ပါလီမန်က ဝန်ကြီးချုပ် ဂျွန်ဆင်တင်ပြတဲ့ ရွေးကောက်ပွဲ ကျင်းပဖို့အဆိုကို မဲခွဲ တဲ့အခါ ထောက်ခံသူ ၄၃၈ ဦး၊ ကန့်ကွက်သူ ၂၀ ဦးရှိတယ်။ ဒါဟာ ဥပဒေ အရ လိုအပ်တဲ့ မဲအရေအတွက် သုံးပုံ နှစ်ပုံ ၄၃၄ မဲကို ကျော်လွန်တဲ့အတွက် ဝန်ကြီးချုပ်ရဲ့ အဆို ပြုတဲ့ အတိုင်း ဒီဇင်ဘာလ ၁၂ ရက်နေ့မှာ ရွေးကောက်ပွဲကျင်းပတော့မှာဖြစ်ပါတယ်။ တကယ် တော့ လက်ရှိ ပါလီမန်ဟာ ၂၀၁၇ ဇွန်လကမှ ရွေးကောက်ထားတာဖြစ်တဲ့အတွက် ၂၀၂၂ ခုနှစ် ဇွန်လ မှသာ သက်တမ်းကုန်မှာ ဖြစ်ပါတယ်။ ဒါပေမယ့်လည်း ဗြိတိန်လမ်းခွဲသဘောတူညီချက်ကို ပါလီမန်က အောက်တိုဘာ ၃၁ ရက်နေ့မတိုင်မီ အတည်ပြုပေးဖို့မဖြစ်နိုင်တော့တဲ့အတွက် ဝန်ကြီးချုပ် က ရွေးကောက်ပွဲအသစ်ကျင်းပဖို့ အဆိုပြုခဲ့တာဖြစ်ပါတယ်။

အတိုက်အခံလေဘာပါတီကတော့ အစပိုင်းမှာ ရွေးကောက်ပွဲကျင်းပဖို့ကို သဘောမတူဘူး။ ဒါက လည်း အောက်တိုဘာလအတွင်း လူထုသဘောထားစစ်တမ်းကောက်ယူမှုတွေအရ ကွန်ဆာ ဗေး တစ်ပါတီက လေဘာ ပါတီအပေါ် ပ ျှမ်းမ ျှ ဆယ်ရာခိုင်နှုန်းလောက်ဦးဆောင်နေတဲ့ အတွက်ဖြစ်ပါ တယ်။ ပြီးခဲ့တဲ့ အောက်တိုဘာ ၂၈ ရက်နေ့ ရွေးကောက်ပွဲ ကျင်းပဖို့ ကိစ္စကို ပထမအကြိမ်မဲခွဲတဲ့ အချိန်မှာ ထောက်ခံမဲ ၂၉ ၉ မဲ၊ ကန့်ကွက်မဲ ၇၀ နဲ့ နိုင်ခဲ့ပေမယ့် လေဘာပါတီအမတ် တွေက မဲမပေးပဲနေခဲ့တဲ့အတွက် လိုအပ်တဲ့ ထောက်ခံမဲ သုံးပုံနှစ်ပုံ မရလို့ အဆို မအောင်မြင်ခဲ့ဘူး။

လေဘာပါတီခေါင်းဆောင်တွေကတော့ လေဘာပါတီဟာ ရွေးကောက်ပွဲကို ကြောက်လို့ မဟုတ် ဘူး။ ဝန်ကြီးချုပ် ဂျွန်ဆင်က လမ်းခွဲသဘောတူညီချက်ရရ၊ မရရ အောက်တိုဘာ ၃၁ ရက်နေ့မှာ လမ်းခွဲမယ်လို့ပြောထားတဲ့ စကားကို ပြန်မရုပ်သိမ်းတဲ့အတွက် ရွေးကောက်ပွဲကို သဘောမတူတာ လို့ ပြောခဲ့တယ်။ လေဘာပါတီက ရွေးကောက်ပွဲကျင်းပဖို့ထက် ဥရောပသမဂ္ဂကနေ နုတ် ထွက်ရေးကိစ္စကို ဒုတိယအကြိမ် ပြည်သူ့ဆန္ဒခံယူပွဲလုပ်ဖို့ကို ပိုပြီးလိုလားနေတာဖြစ်ပါတယ်။

လေဘာပါတီရဲ့ လုပ်ရပ်နဲ့ပတ်သက်ပြီး ဝန်ကြီးချုပ် ဂျွန်ဆင်ကတော့ “ လေဘာပါတီဟာ လူထုကို မယုံဘူး။ လူထုရဲ့ အသံကို နားမထောင် ရဲဘူး၊ လေဘာပါတီခေါင်းဆောင်တွေဟာ ထွက်ပြေး နေတယ်” လို့ ဝေဖန်တိုက်ခိုက်ခဲ့တယ်။ ဒါပေမယ့် အောက်တိုဘာ ၂၈ ရက်နေ့မှာပဲ ဥရောပ သမဂ္ဂက လမ်းခွဲသဘောတူညီချက်ကို အကောင်အထည်ဖော်ဖို့အတွက် ၂၀၂၀ ဇန်နဝါရီ ၃၁ ရက်နေ့ အထိ ရက်တိုးပေးဖို့ သဘောတူခဲ့ တယ်။ အဲဒီလိုရက်တိုးပေးတာကို ဝန်ကြီးချုပ် ဂျွန်ဆင် ကလည်း လက်ခံလိုက်တဲ့အတွက် လေဘာ ပါတီအတွက် ဆင်ခြေပေးစရာမရှိတော့ဘူး။ ဒါ့ကြောင့် အောက်တိုဘာ ၂၉ ရက်နေ့မှာ ရွေးကောက်ပွဲ အသစ်ကျင်းပဖို့ အဆိုကို လေဘာပါတီ ကလည်း ထောက်ခံလိုက်ရတော့တယ်။

လေဘာပါတီအမတ်တွေက ရွေးကောက်ပွဲရှုံးမယ့်အရေးကိုတွေးပူနေပေမယ့် ဂါဒီးယန်းသတင်းစာ ပင်တိုင်ဆောင်းပါးရှင် Tom Kibasi ကတော့ လေဘာပါတီအနေနဲ့ ရွေးကောက်ပွဲမဟာဗျူဟာ ကောင်းရင်နိုင်ပါတယ်လို့ ဆိုပြီး သူ့အယူအဆကို အခုလို ရှင်းပြခဲ့တယ်။

အမတ်နေရာ

Tom က အခုရွေးကောက်ပွဲမှာ လေဘာ နဲ့ ကွန်ဆာ ဗေးတစ်တို့သေချာပေါက်နိုင် မယ့်နေရာ တွေကို ဖယ်လိုက်ရင် အမတ်နေရာ ၅၄၀ အတွက် အကြိတ်အနယ်ပြိုင်ရဖို့ရှိတယ်။ ဒီ ၅၄၀ ထဲမှာ စကော့တလန်၊ မြောက်အိုင်ယာလန် အခြေစိုက် ပါတီတွေ နိုင်မယ့်နေရာတွေရှိတယ်၊ လစ်ဘရယ် ဒီမိုကရက်တွေ နိုင်မယ့်နေရာတွေလည်း ရှိသေးတယ်။ လက်ရှိနိုင်ငံရေး အခြေအနေ အရ လေဘာ ပါတီဟာ အဲဒီပါတီတွေနဲ့ ညွန့် ပေါင်းအစိုးရ ဖွဲ့နိုင်မယ့် အခြေအနေမှာ ရှိတယ်။ ကွန်ဆာ ဗေးတစ် ပါတီကတော့ DUP ပါတီတစ်ခုပဲရှိတယ်။

ဒါ့ကြောင့် ကွန်ဆာဗေးတစ်ပါတီအနေနဲ့ အမတ်နေရာ အနည်းဆုံး ၃၂၂ နေရာနိုင်မှ အစိုးရဖွဲ့ လို့ရမယ်။ လေဘာပါတီကတော့ ၂၁၈ နေရာနိုင်ရင် ညွန့်ပေါင်းအစိုးရဖွဲ့လိုရမယ်။ လက်ရှိ အခြေ အနေမှာ ကွန် ဆာဗေးတစ်ပါတီက အမတ် ၂၉ ၈ နေရာ ရထားပြီး လေဘာက ၂၄၄ နေရာ ရထား တယ်။ ဒါ့ကြောင့် လေဘာပါတီက လက်ရှိနေရာတွေကို မရှုံးအောင်ကာကွယ်ထားနိုင်ရင် အစိုးရ ဖွဲ့ ဖို့အလားအလာကောင်းမှာဖြစ်ပြီး ကွန်ဆာဗေးတစ်ပါတီကတော့ လေဘာပါတီအပါအဝင် အခြား ပါတီတွေဆီက အမတ်နေရာတွေ လုယူနိုင်မှ အစိုးရဖွဲ့ဖို့ အခြေအနေကောင်းမှာဖြစ်ပါတယ်။ ( အခု ဝန်ကြီးချုပ် ဂျွန်ဆင်ရဲ့ ကွန်ဆာဗေးတစ်အစိုးရက လူများစုအစိုးရမဟုတ်ပါဘူး။ DUP နဲ့ပေါင်းပြီး လူ နည်းစုအစိုးရအဖြစ်ဖွဲ့ထားတာပါ။ )

မဟာဗျူဟာ

Tom က လေဘာပါတီအနေနဲ့ အောက်ပါ အားသာချက် သုံးခုကို အသုံးချရမယ်လို့ဆို တယ်-

၁။ ဝန်ကြီးချုပ်ဂျွန်ဆင် နဲ့ ဥရောပသမဂ္ဂ သဘောတူထားတဲ့ လမ်းခွဲစာချုပ်ကို ထိုးနှက်ခြင်း။
၂။ ပြီးခဲ့တဲ့ ဆယ်နှစ်အတွင်း ကွန်ဆာဗေးတစ်ပါတီရဲ့ စီးပွားရေး၊ ပညာရေး၊ ကျန်းမာရေး ဆိုင်ရာ အားနည်းချက်များကို ထောက်ပြပြီး နောက်ထပ် ငါးနှစ်တာဝန်ပေးရန် မသင့်တော်ကြောင်း လူထု ကို အသိပေးခြင်း။
၃။ ဝန်ကြီးချုပ် ဂျွန်ဆင်ရဲ့ ပုဂ္ဂိုလ်ရေးရာ ပြုမူဆောင်ရွက်မှု၊ ခေါင်းဆောင်မပီသမှုများကို ထိုးနှက် ခြင်း။

Tom က ဗြိတိန်လမ်းခွဲနဲ့ပတ်သက်ပြီး ဒုတိယအကြိမ်ဆန္ဒခံယူပွဲလုပ်ဖို့ ကြိုးစားနေတဲ့ လေဘာ အမတ်တစ်ချို့ကိုလည်း ဝေဖန်ခဲ့တယ်။ အဲဒီလုပ်ဆောင်ချက်ဟာ ပြည်သူကို တာဝန်လွှဲချနေတာပဲ။ လေဘာပါတီအနေနဲ့ အာဏာရလာရင် လမ်းခွဲစာချုပ်ကို ဖျက်မယ်ဆိုတဲ့ ကတိနဲ့ပဲ ရွေးကောက် ပွဲဝင်သင့်တယ်လို့ ဆိုတယ်။

ဒါပေမယ့် လာမယ့်ရွေးကောက်ပွဲဟာ လေဘာ နဲ့ ကွန်ဆာဗေးတစ် နှစ်ခုပဲ အားပြိုင်မယ်ဆိုတဲ့ အဆိုကို သဘောမတူသူတွေလည်းရှိတယ်။ စထရိတ်တိုင်းမ်းဆောင်းပါးရှင် Jonathan Eyal ကတော့ ၂၀၁၇ ခုနှစ် ရွေးကောက်ပွဲမှာ မဲဆန္ဒရှင် ၈၂ % က လေဘာနဲ့ ကွန်ဆာဗေးတစ် ပါတီကို မဲပေးခဲ့ကြတယ်။ ဒါပေမယ့် ဗြိတိန်လမ်းခွဲနဲ့ပတ်သက်ပြီး ပါတီကြီး နှစ်ခု အငြင်းပွားမှုကြောင့် အဖြေ မရနိုင်တာကို စိတ်ပျက်လာတဲ့ အတွက် အခုဆိုရင် မဲဆန္ဒရှင် ၅၉ % ကပဲ ပါတီကြီးနှစ်ခုကို မဲပေး မယ့် အခြေအနေမှာ ရှိတယ် လို့ထောက်ပြခဲ့တယ်။

ဒီဇင်ဘာရွေးကောက်ပွဲမှာ အဲဒီအတိုင်းဖြစ်ခဲ့ရင်တော့ စကော့တလန်အမျိုးသားပါတီ နဲ့ လစ်ဘရယ် ဒီမိုကရက်ပါတီတွေက မဲပိုရလာပြီး နောက်အစိုးရသစ်ဖွဲ့စည်းရေးမှာ ပိုပြီး အရေးပါတဲ့ အခန်းက ပါလာမယ့် အခြေအနေမှာရှိတယ်။ ဒါဆိုရင် ဗြိတိန်လမ်းခွဲဟာလည်း ပိုရှုပ်ထွေးလာမှာ သေချာ တယ်။

YUPT ဒါရိုက်တာတွေ အကြောင်း

သုံးနှစ်အထိ အမြတ်မရသေးလို့ အစုရှယ်ယာရှင်တွေကန့်ကွက်နေတဲ့ YUPTရဲ့ ဥက္ကဋ္ဌ ၊ အုပ်ချုပ်မှု ဒါရိုက်တာနဲ့ ဒါရိုက်တာတွေ အကြောင်း ခေတ်သစ်မီဒီယာက သတင်းရေးသားရာမှာ –
YUPT ကုမ္ပဏီတွင် ဒါရိုက်တာအဖွဲ့ဝင် (၉) ဦးရှိပြီး ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ခန့်အပ်ထားသူ ၄ ဦး ရှိကာ ဝန်ကြီးချုပ်ဦးဖြိုးမင်းသိန်းက တိုက်ရိုက်ခန့်အပ်သူ ဦးဇော်ထွန်းက ဥက္ကဋ္ဌအဖြစ်လည်းကောင်း၊ NLD ဗဟိုအလုပ်အမှုဆောင် ဦးဟံသာမြင့်၏ သမီးဖြစ်သူ ဒေါ်ပြုံးသာမြင့်က အုပ်ချုပ်ဒါရိုက်တာအဖြစ်လည်းကောင်း၊ ရန်ကုန်တိုင်းဒေသကြီးအစိုးရအဖွဲ့ရုံး ညွှန်ကြားရေးမှူး ဦးမိုးဟိန်းက ဒါရိုက်တာအဖြစ်လည်းကောင်း၊ ဦးအောင်မြတ်က ဒါရိုက်တာအဖြစ်လည်းကောင်း ဆောင်ရွက်လျက်ရှိကြောင်း၊ ကျန်ဒါရိုက်တာ ၅ ဦးမှာ အစုရှယ်ယာရှင်များဘက်မှ ရွေးချယ်သူများဖြစ်ကြောင်း သိရှိရသည်။
လို့ဖော်ပြထားပါတယ်။
သတင်းအသေးစိတ်ကို အောက်ပါလင့်ခ်မှာ ဖတ်နိုင်ပါတယ်။
https://www.facebook.com/khitthitnews/posts/760790247691657?tn=K-R

YUPT အစည်းအဝေးအပေါ်သုံးသပ်ချက်

YUPT နှစ်ပတ်လည်အစည်းအဝေး မှာ အစုရှယ်ယာရှင်တွေရဲ့ တင်ပြချက်တွေကို နားထောင်ကြည့် တယ်။

အဓိက သတိပြုမိတာကတော့

၁။ ဒါရိုက်တာအဖွဲ့မှာ အစိုးရခန့်ဆိုပြီး တိုင်းဒေသကြီးအစိုးရအဖွဲ့ ( ဝန်ကြီးချုပ်) ကတာဝန်ပေး ထားတဲ့ ပုဂ္ဂိုလ်တွေက ဥက္ကဋ္ဌ၊အုပ်ချုပ်မှုဒါရိုက်တာ တာဝန်တွေယူထားတယ်။ ဒါပေမယ့် ဒီပုဂ္ဂိုလ် တွေက ကားလိုင်းပြေးဆွဲတဲ့၊ ကားလိုင်းကို စီမံအုပ်ချုပ်တဲ့အတွေ့အကြုံလုံးဝမရှိဘူး။

၂။ အစုရှယ်ယာရှင်တွေ ( သူတို့စကားအရဆိုရင် အရင်က ယာဉ်ပိုင်ရှင်တွေ) က ရွေးချယ်ထား တဲ့ ဒါရိုက်တာတွေက လုပ်ပိုင်ခွင့်မရှိဘူး။ တကယ်တော့ ဒီဒါရိုက်တာတွေက ကားလိုင်းအတွေ့ အကြုံရှိတဲ့ သူတွေဖြစ်တယ်။

၃။ YUPT က အခု ဥက္ကဋ္ဌ လက်ထက်နှစ်နှစ်အတွင်းမှာ တစ်ခါမှ အမြတ်ငွေ ခွဲမပေးဘူး ၊ ရှုံးတယ်လို့ပြောတယ်။ ၂၀၁၆ ခုနှစ် YBS စနစ်စတင်ချိန်မှာ ဝန်ကြီးချုပ်က လစဉ် အမြတ် ငွေ ပေးမယ်လို့ ကတိပေးခဲ့ပေမယ့် ဖြစ်မလာဘူး။

၄။ YUPT ရှုံးပေမယ့် ဥက္ကဌ၊ အုပ်ချုပ်မှုဒါရိုက်တာ စတဲ့ပုဂ္ဂိုလ်တွေကတော့ လစာ ၇ သိန်း၊ အထွေထွေ ခံစားခွင့် ၃ သိန်း ယူနေတုန်းပဲ။ ရှယ်ယာရှင်တွေကတော့ ငါးပိရည်နဲ့ စားနေရတယ်။

၅။ အခု နှစ်ချုပ်ငွေစာရင်းရှင်းတမ်းကို အင်္ဂလိပ်လိုရေးထားတယ်။ အစုရှယ်ယာရှင်တွေ နားမလည်ဘူး။ ဒါရိုက်တာအဖွဲ့ကို ရှင်းပြပါလို့ပြောတော့ သူတို့လည်း နားမလည်ဘူးလို့ ပြောတယ်။

၆။ အခုရွေးချယ်ပွဲပြန်လုပ်တော့ အစိုးရခန့်တွေက နေမြဲ၊ ကျန်တဲ့ဒါရိုက်တာတွေကို ပြန်ရွေးမယ် ဆိုတာ တရားမမ ျှတဘူး။ ကုမ္ဗဏီစည်းမျဉ်းနဲ့မညီဘူး။ ဥက္ကဋ္ဌ နဲ့ အုပ်ချုပ်မှုဒါရိုက်တာကို ဝန်ကြီး ချုပ်က ခန့်လို့မရဘူး။ ရှယ်ယာရှင်တွေကပဲရွေးတာဖြစ်သင့်တယ်။

ကျန်တဲ့ဆွေးနွေးချက်တွေကတော့ အများကြီးပါပဲ။ အားလုံးခြုံလိုက်ရင်တော့ လက်ရှိ ဥက္ကဋ္ဌရဲ့ စွမ်းဆောင်မှုအပေါ်မှာ ရှယ်ယာရှင်တွေ အနေနဲ့ ယုံကြည်မှုမရှိဘူးဆိုတာတော့ ထင်ရှားပါ တယ်။

ဒီသတင်းနဲ့ပတ်သက်ပြီး မှတ်ချက်ရေးကြသူတွေထဲမှာကု မ္ပဏီ အရင်း ကြေကာလအထိစောင့်ရမှာပေါ့။ ချက်ခြင်းအမြတ်မရနိုင်ဘူးလို့ပြောသူ တွေလည်း ရှိတယ်။ ဒီနေရာမှာ ရှယ်ယာရှင်တွေထဲမှာပါနေတဲ့ ကားပိုင်ရှင်တွေ ( တစ်ယောက်က သူကားဆွဲစားလာတာ နှစ်သုံးဆယ်ကျော်ပြီလို့ပြောထားတယ်။ ) ရဲ့ အခက်အခဲကို နားလည်ဖို့လိုပါတယ်။

အရင် မထသ ခေတ် လိုင်းဆွဲတဲ့စနစ်က အတိုချုပ်ပြောရရင် တစ်ဦးချင်းယာဉ်ပိုင်ရှင်တွေက လိုင်း ကြေးပေးပြီး မထသ ရဲ့စီမံခန့်ခွဲမှုအောက်မှာ ပြေးတာဖြစ်ပါတယ်။ လိုင်းကားတွေဟာ ယာဉ်ပိုင်ရှင်တွေအတွက် ထမင်းအိုးတည်ထားတာပါပဲ။ ယာဉ် မောင်း၊ယာဉ်အကူ ကိုခွဲပေးပြီးရင် ကျန်တာကိုယ့်အတွက်နေ့စဉ်ဝင်ငွေပုံမှန်ရတယ်။ အဲဒီငွေဟာ အိမ်စရိတ်ဖြစ်သလို နောင် ကား ပြင်ဖို့၊ အသစ်ဝယ်ဖို့အတွက်လည်း အရင်းအနှီးဖြစ်ပါတယ်။

အဲဒီလို ပုဂ္ဂလိက တစ်ဦးချင်းပိုင်ဆိုင်တဲ့ယာဉ်တွေကို ဘတ်စ်ကားလိုင်းအဖြစ် ပြေးဆွဲတဲ့ အခါ စည်းကမ်းဖောက်မှုတွေအများကြီးရှိခဲ့တယ်။ အုပ်ချုပ်ရတာခက်ခဲတယ် ဆိုတာလည်း အမှန် ပဲ။ ဒါ့ကြောင့် ရန်ကုန်တိုင်းဒေသကြီးအစိုးရက YBS စနစ်နဲ့ အစားထိုးတာဖြစ်ပါတယ်။ ဒီရည်ရွယ် ချက်ဟာ ကောင်းတယ်။ လုပ်ဖို့လည်း လိုအပ်တယ်ဆိုတာ အမှန်ပဲ။

ဒါပေမယ့် ရည်ရွယ်ချက်ကို အကောင်အထည်ဖော်တဲ့အခါမှာ မထသ အောက်မှာပြေးဆွဲနေတဲ့ ယာဉ်ပိုင်ရှင်အများစုရဲ့ အခြေအနေကို ထည့်သွင်းစဉ်းစားဖို့တော့လိုမှာဖြစ်ပါတယ်။ ဒီယာဉ် ပိုင် ရှင်တွေဟာ နိုင်ငံတကာက အများပိုင်ကုမ္ပဏီတွေမှာ အစုရှယ်ယာဝယ်ယူတဲ့ ရင်းနှီးမြှုပ်နှံသူ တွေ လို မဟုတ်ပါဘူး။ စီးပွားရေးအရ ရင်းနှီးမြှုပ်နံှသူတွေက အရင်းကြေမယ့်အချိန်၊ အမြတ်ရမယ့် အချိန် ကို စောင့်နိုင်တယ်။ ကုမ္ပဏီ ရဲ့ အလားအလာအပေါ်မူတည်ပြီး စတော့ဈေးကွက်မှာ ရှယ်ယာ အရောင်းအဝယ်လုပ်နိုင်တယ်။

အခု ကားပိုင်ရှင်အများစုကတော့ သူတို့နေ့စဉ်ဝင်ငွေရှာနေတဲ့ကားတွေကို အရင်းအနှီးပြုပြီး ပါဝင် ဆောင်ရွက်နေရတာဖြစ်တဲ့အတွက် ပုံမှန်ဝင်ငွေတစ်ခု လိုအပ်မှာဖြစ်ပါတယ်။ ဒါ့ ကြောင့်လည်း အခုလို အမြတ်မရတဲ့အခြေအနေအပေါ်မူတည်ပြီး ကန့်ကွက်မှုတွေ ပေါ်ပေါက်လာ တာဖြစ်မှာပါ။

YUPT မှာ တိုင်းဒေသကြီးအစိုးရကလည်း ရှယ်ယာ ၃၅ ဘီလျံ ပါဝင်ထားတဲ့အတွက် ကျန်တဲ့ ရှယ်ယာရှင်တွေရဲ့ လိုအပ်ချက်များကို အလေးထားဖြေရှင်းပေးနိုင်မယ်လို့ မေ ျှာ်လင့်ပါတယ်။

အစည်းအဝေးဗီဒီယိုဖိုင်ကို အောက်ပါလင့်ခ်မှာ ကြည့်နိုင်ပါတယ်။

အမြတ်မရသေးတဲ့ YUPT

ရန်ကုန်တိုင်းဒေသကြီးအစိုးရအဖွဲ့က ရှယ်ယာ ၃၅ ဘီလျံထည့်ဝင်ထားတဲ့ ရန်ကုန်မြို့ အများပြည်သူ သယ်ယူပို့ဆောင်ရေး အများနှင့်သက်ဆိုင်သော ကုမ္ပဏီလီမိတက် (YUPT)ရဲ့ ဒုတိယအကြိမ် နှစ်ပတ်လည် အထွေထွေအစည်းအဝေးမှာ သုံးနှစ်ပြည့်တဲ့အထိ အမြတ်ငွေမရလို့ အငြင်းပွားမှု ဖြစ်ပွားတယ်လို့ အလဲဗင်းသတင်းမှာဖတ်ရတယ်။
YBS စတဲ့အချိန်က မထသ နှစ်ပေါင်းများစွာ ရှာမှ ရတဲ့ ငွေကို တစ်လတည်းနဲ့ရတယ်ဆိုလား ပြောသံတွေကြားခဲ့ဖူးတာ အမှတ်ရမိတယ်။

ဝန်ကြီးများရုံးဟောင်းထဲက အလှပြုပြင်ရေးဆိုင်

ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးများ ကျဆုံးခဲ့တဲ့ ဝန်ကြီးများရုံးဟောင်းထဲမှာ အလှပြုပြင်ရေးနဲ့ပတ်သက်တဲ့ ဆိုင်ဖွင့်တာနဲ့ ပတ်သက်ပြီး အရင်အစိုးရလက်ထက်က ငှားခဲ့လို့ အခုအစိုးရက ဘာမှလုပ်လို့ မရဘူးလို့ပြောနေသူများ
ဝန်ကြီးချုပ် ဦးဖြိုးမင်းသိန်းက ၂၀၁၇ ခုနှစ်မတ်လမှာထဲက ဝန်ကြီးများရုံးကို ရန်ကုန်တိုင်းဒေသကြီး အစိုးရ တိုက်ရိုက်ကြီးကြပ်မှုနဲ့ ရှေးဟောင်း အမွေ အနှစ်အတိုင်း ထိန်းသိမ်းစောင့်ရှောက်သွားမယ်လို့ ပြောခဲ့တာကို
မေ့နေကြတယ်ထင်ပါတယ်။

YBS နဲ့ ဗီဇာကတ်

ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက YBS ယာဉ်စီးခကို မာစတာကတ်၊ ဗီဇာကတ် စတာတွေနဲ့ပါ ပေးဆောင်နိုင်တော့မယ်၊ ကမ္ဘာပေါ်မှာ ဒီစနစ်မျိုးလုပ်ဆောင်နိုင်တာ လက်ဆယ် ချောင်းပြည့်အောင်မရှိသေးဘူးလို့ ပြောလိုက်ပါတယ်။ ပုံ ၁ နဲ့ ၂

ဝန်ကြီးချုပ်ပြောတဲ့အတိုင်းအကောင်အထည်ဖော်နိုင်ခဲ့ရင် YBS ဟာ လူတန်းစားမရွေး စီးနင်း နိုင် တော့မှာဖြစ်ပြီး ဗီဇာကတ်ပြားကိုင် ဇိမ်ခံကားကြီးစီးနေတဲ့လူတွေပါ YBS ပေါ်ရောက်လာ ရင် ယာဉ်ကြောပိတ်ဆို့မှု ပြဿနာလည်း အထိုက်အလျောက်လျော့ကျသွားမယ်လို့ မေ ျှာ်လင့်ရပါ တယ်။

ဦးဖြိုးမင်းသိန်းနဲ့ ရန်ကိုင်းတိုင်းဒေသကြီးအစိုးရဟာ YBS စနစ်နဲ့ပတ်သက်ရင် အတော်ကြိုးစားဆောင်ရွက်နေတယ်ဆို တာ အောက်ပါ သတင်းတွေကို ကြည့်ရင် သိနိုင်ပါတယ်-

၁။ YBS စနစ်ဟာ အခြားနိုင်ငံများထက်သာစေရမယ်၊ ကျွန်တော်တို့အားလုံး အားသာ ချက် က နောက်ကျခြင်းရဲ့ နောက်ဆုံး အခွင့်အလမ်းပါပဲ။ နောက်ဆုံးနည်းပညာအားလုံးကို သုံးမယ်၊ တစ်ချို့နိုင်ငံတွေမှာ ကတ်စနစ်ဟာ ကျွန်တော်တို့ အခု ကျင့်သုံးမယ့် ကတ်စနစ်လောက် ကောင်း ချင်မှ ကောင်းမယ်။ ၂၀၁၇ ဖေဖော်ဝါရီ ၁၈ ။ ပုံ ၃

၂။ YBS ယာဉ်လိုင်းတွေရဲ့ ငွေပေးချေမှုစနစ်က နောက်ဆုံးပေါ်နည်းပညာတွေနဲ့ဆောင်ရွက် ထားတဲ့အတွက်အရှေ့တောင်အာရှမှာ အရှေ့ဆုံးကို ရောက်လာမယ်။ ၂၀၁၈ ဧပြီ ၂၄ ။ ပုံ ၄

၃။ YBS ငွေပေးကတ်တွေကို ဇွန်လမှ စတင်ရောင်းချပြီး ယာဉ်အစီးရေ ၂၀၀၀ မှာတပ်ဆင်မယ်။ ၂၀၁၉ ဇန်နဝါရီ ၁၆ ။ ပုံ ၅

ဝန်ကြီးချုပ် ဦးဖြိုမင်းသိန်းရဲ့ YBS နဲ့ပတ်သက်တဲ့ ကတိစကားတွေကို ဖတ်ရတာ အားရှိစရာပါပဲ။

ဒါပေမယ့် အခု ဖော်ပြထားတဲ့ အောက်တိုဘာ ၂၇ Voice သတင်းအဆုံးသတ်မှာ ဝန်ကြီးချုပ် ဦးဖြိုးမင်းသိန်းအနေနဲ့ YBS စပြောင်းချိန်ထဲက ကတ်စနစ်နဲ့ငွေပေးနိုင်အောင် လုပ်မယ် လို့ပြောခဲ့တယ်၊ အခု YBS စနစ်ပြောင်းတာ သုံးနှစ်ရှိပေမယ့် ကတ်စနစ်မကျင့် သုံး နိုင် သေးဘူး။ ဒါ့ကြောင့် ဝန်ကြီးချုပ် ပြောတဲ့ ကတ်အမျိုးမျိုးနဲ့ ဘတ်စ်ကားစီးနိုင်မယ်ဆို တာ ကြာဦးမယ်လို့ထင်ကြောင်း ဖော်ပြထားတာလည်း သတိပြုမိပါ တယ်။

မရေရာတဲ့ ဗြိတိန်လမ်းခွဲ

ဗြိတိသ ျှ ဝန်ကြီးချုပ် ဘောရစ်ဂျွန်ဆင် ဟာ ဇူလိုင် ၂၄ ရက် နေ့ ဝန်ကြီးချုပ်ဖြစ်လာပြီးချိန်က စလို့ ဥရောပသမဂ္ဂ နဲ့ သဘောတူညီချက်ရသည်ဖြစ်စေ၊မရသည်ဖြစ်စေ လာမယ့် အောက်တိုဘာ ၃၁ ရက်နေ့မှာ လမ်းခွဲမှာပဲလို့ ကတိပေးခဲ့တယ်။ အစိုးရအဖွဲ့အနေနဲ့ သဘောတူညီချက်မရဘဲ လမ်း ခွဲရင် ဖြစ်လာမယ့် နိုင်ငံရေး၊ လုံခြုံရေး၊ စီးပွားရေးဆိုင်ရာ အကျိုးဆက်တွေကို ကိုင်တွယ်နိုင်ဖို့ ပြင်ဆင်မှုတွေလုပ်ခဲ့တယ်။

ဒါပေမယ့် ပါလီမန်ထဲမှာ ဝန်ကြီးချုပ် ဂျွန်ဆင်ရဲ့ မဖြစ်မနေ လမ်းခွဲမယ် ဆိုတဲ့ မူဝါဒကို ကွန် ဆားဗေးတစ်ပါတီဝင်အမတ်တစ်ချို့ကတောင် လက်မခံနိုင်ဘူး။ ဒါ့ကြောင့် ပြီး ခဲ့တဲ့ စက်တင်ဘာ ၉ ရက်နေ့မှာ ဝန်ကြီးချုပ်အနေနဲ့ ဥရောပသမဂ္ဂ နဲ့ သဘောတူညီချက်မရရင် လမ်းခွဲကိစ္စဆွေးနွေးမှုကို ၂၀၂၀ ဇန်နဝါရီ ၃၁ အထိ သက်တမ်းသုံးလ တိုးဖို့ ၊ တကယ်လို့ သဘောတူညီချက် ရ ရင် အောက်တိုဘာ ၁၉ နေ့မှာ ပါလီမန်က အတည်ပြုနိုင်အောင်တင်ပြဖို့ ဥပဒေပြဋ္ဌာန်းခဲ့တယ်။

ဂျွန်ဆင် က အဲဒီဥပဒေကြမ်းကို အပြင်းအထန်ကန့်ကွက်ခဲ့တယ်။ ဒါပေမယ့် သူ့ပါတီက အမတ် တစ်ချို့က အတိုက်အခံလေဘာပါတီနဲ့ပူးပေါင်းပြီး ထောက်ခံမဲပေးခဲ့တဲ့အတွက် ဥပဒေကြမ်းက အတည်ဖြစ်သွားတယ်။ ဒါ့ကြောင့် ဂျွန်ဆင်ဟာ ဥရောပသမဂ္ဂခေါင်းဆောင်တွေ နဲ့လည်း ဆွေးနွေး ပွဲတွေ ဆက်တိုက်လုပ်ခဲ့တယ်။ ဒီလိုနဲ့ နောက်ဆုံး အောက်တိုဘာ ၁၇ ရက်နေ့မှာ သဘောတူညီ ချက်ရတယ်။ အရင်ဝန်ကြီးချုပ် မေ လက်ထက်က ညှိလို့မရတဲ့ မြောက်အိုင်ယာလန် နယ်ခြား ကိစ္စ အပါအဝင် အရေးကြီးတဲ့ကိစ္စတွေမှာ သဘောတူညီချက်ရတယ်။ နှစ်ဘက်လုံးက ဒီသဘောတူညီ ချက်ကို သမိုင်းဝင်အောင်မြင်မှုအဖြစ်ပြောတယ်။

အောက်တိုဘာ ၁၉ ရက်နေ့ စနေနေ့ မှာ ဝန်ကြီးချုပ် ဂျွန်ဆင်က သဘောတူညီချက်ကို ပါလီမန်က အတည်ပြုပေးဖို့တင်ပြတယ်။ ဗြိတိသ ျှ ပါလီမန်ဟာ စနေနေ့မှာ အစည်းအဝေးလုပ် တာ အလွန်ရှားတယ်။ အင်မတန်အရေးကြီးတဲ့ကိစ္စမျိုးနဲ့ ကြုံလာမှသာ အစည်းအဝေးလုပ်သင့် မသင့်မဲခွဲဆုံးဖြတ်ပြီးလုပ်တယ်။ လွှတ်တော်ဥက္ကဋ္ဌတစ်ယောက်ထဲ သဘောနဲ့ အစည်းအဝေးခေါ် လို့ မရဘူး။

၂၀ ရာစုထဲမှာ ၁၉ ၃၉ ခုနှစ် စက်တင်ဘာ ၂ ရက်နေ့ ဒုတိယကမ္ဘာစစ်စတဲ့အချိန်၊ ၁၉ ၄၉ ခုနှစ် ဇူလိုင် ၃၀ ရက် နွေရာသီအစည်းအဝေး လုပ်ထုံးလုပ်နည်းနဲ့ပတ်သက်ပြီး ဆွေးနွေးတဲ့ အချိန်၊ ၁၉ ၅၆ ခုနှစ် နိုဝင်ဘာ ၃ ရက်၊ ၁၉ ၈၂ ခုနှစ် ဧပြီ ၃ ရက် ဖောက်ကလန်စစ်ပွဲဖြစ်တဲ့အချိန် စုစုပေါင်း လေးကြိမ်ပဲ စနေနေ့အစည်းအဝေးလုပ်ခဲ့ဖူးတယ်။ အခုအစည်းအဝေးကတော့ ၂၁ ရာစု မှာ ပထမဆုံး စနေအစည်းအဝေးပေါ့။

အဲဒီ ဆွေးနွေးပွဲမှာ ဝန်ကြီးချုပ်က သဘောတူညီချက်ကို အတည်ပြုပေးဖို့ တင်ပြတဲ့ အပေါ် အမတ်အများစုက စာမျက်နှာ ၁၁၀ ရှိတဲ့ သဘောတူညီချက်ကို လေ့လာဖို့ အချိန်လိုတယ်လို့ ယူဆခဲ့ကြတယ်။ နောက်ဆုံးတော့ ဝန်ကြီးချုပ်နဲ့ ကွန်ဆာဗေးတစ်ခေါင်းဆောင်တွေက ဖိအား ပေးနေတဲ့ကြားက ကွန်ဆာဗေးတစ်အမတ်တစ်ချို့ကပါ ကန့်ကွက်ခဲ့တဲ့အတွက် ဆွေးနွေးမယ့် ကိစ္စက ၃၂၂ မဲ၊ ၃၀၈ မဲ နဲ့ အရေးနိမ့်သွားတယ်။ ဒီတော့ လမ်းခွဲမယ့်ရက် အောက်တိုဘာ ၃၁ ရက်မတိုင်ခင် လမ်းခွဲ သဘောတူညီချက်ကို အတည်ပြုဖို့ဆိုတာအတော်ခက်သွားပြီ။

ဒါကြောင့် ဝန်ကြီးချုပ် ဂျွန်ဆင်က ဥရောပသမဂ္ဂခေါင်းဆောင်တွေဆီကို လမ်းခွဲကိစ္စကို သက်တမ်း တိုးပေးဖို့ စာရေးခဲ့ရတယ်။ ဥရောပသမဂ္ဂဘက်ကတော့ သက်တမ်းတိုးပေးမယ်လို့ သဘောတူ တယ်။ ဒါပေမယ့် ထပ်ဆွေးနွေးဖို့အတွက် သက်တမ်းတိုးတာမျိုးမဟုတ်ဘူး။ အခုနောက်ဆုံးရထား တဲ့ သဘောတူညီချက်ကို ဗြိတိသ ျှ ပါလီမန်မှာ မဲခွဲတာကို စောင့်ကြည့်ဦးမယ့် သဘောရှိတယ်။ အဲဒီ ရလဒ်ပေါ်မူတည်ပြီးမှ သက်တမ်းသုံးလ တိုးပေးမပေးဆုံးဖြတ်မှာဖြစ်တယ်။ ဥရောပသမဂ္ဂဘက်မှာ လည်း ပြင်သစ်ကတော့ သက်တမ်းတိုးဖို့ ကိစ္စကို သဘောမတူချင်ဘူး။

ဗြိတိန်ဘက်မှာတော့ ဝန်ကြီးချုပ် ဂျွန်ဆင်က သူ့နောက်ဆုံးဖဲချပ်ကို သုံးဖို့လုပ်နေတယ်။ ဂျွန်ဆင်က ပါလီမန်အနေနဲ့ ဗြိတိန်လမ်းခွဲကိစ္စကို အဆုံးအဖြတ်မပေးနိုင်ရင် ပြည်သူ့အဆုံး အဖြတ် ခံယူမယ်။ ဒါ့ကြောင့် ပါလီမန်ကို ဖျက်သိမ်းပြီး လာမယ့် ဒီဇင်ဘာလ ၁၂ ရက်နေ့မှာ ရွေးကောက် ပွဲကျင်းပသင့်တယ်လို့ပြောခဲ့တယ်။

ဒါပေမယ့် ခက်တာက ဝန်ကြီးချုပ်သဘောတစ်ခုထဲနဲ့ ရွေးကောက်ပွဲခေါ်လို့ မရဘူး။ ၂၀၁၁ ပါလီမန်သက်တမ်းဆိုင်ရာ ဥပဒေအရ ဝန်ကြီးချုပ်အနေနဲ့ အယုံအကြည်မရှိ အဆိုကို အရေး နိမ့်တဲ့အခါ ၊ ဒါမှမဟုတ် ဘတ်ဂျက်ဥပဒေကို အတည်မပြုနိုင်တဲ့အခါပဲ လွှတ်တော်သက်တမ်းမကုန် မီ ပါလီမန်ကို ဖျက်သိမ်းပြီးရွေးကောက်ပွဲခေါ်လို့ရတယ်။ ကျန်တဲ့အချိန်မှာ ပါလီမန်ကို ဖျက်သိမ်း ပြီး ရွေးကောက်ပွဲလုပ်ဖို့အတွက်ဆိုရင် ပါလီမန်မှာ မဲခွဲအတည်ပြုရမယ်။ လွှတ်တော်အမတ် သုံး ပုံ နှစ်ပုံက သဘောတူမှ ရွေးကောက်ပွဲကျင်းပလို့ရမယ်။

အခု အချိန်ထိတော့ အတိုက်အခံလေဘာပါတီနဲ့ ရွေးကောက်ပွဲအသစ်ကျင်းပဖို့အတွက် ညှိလို့ မရသေးဘူး။ အမတ်တွေထဲမှာလည်း ဗြိတိန်လမ်းခွဲကိစ္စ လိပ်ခဲတင်းလင်းဖြစ်နေတဲ့အပေါ် မဲဆန္ဒ ရှင် တွေ့ရဲ့ဒေါသကိုကြောက်လို့ ရွေးကောက်ပွဲစောလုပ်မယ့် ကိစ္စကို မလုပ်ချင်တဲ့သူတွေရှိနေ တယ်။ လေဘာပါတီကတော့ လမ်းခွဲကိစ္စနဲ့ ပတ်သက်ပြီး ဒုတိယအကြိမ် ပြည်သူ့ဆန္ဒခံယူပွဲလုပ် သင့်တယ်လို့ဆိုတယ်။ ဒါပေမယ့် ကွန်ဆာဗေးတစ်ပါတီဘက်က ဒါကို သဘောမတူ ပြန်ဘူး။

လက်ရှိ ပါလီမန်အမတ်နေရာ ၆၅၀ မှာ ကွန် ဆာဗေးတစ်ပါတီက ၂၈၈ နေရာ၊ လေဘာပါတီက ၂၄၅ နေရာ ရှိတယ်။ ဘယ်ပါတီကမှ အများစုမရတဲ့အတွက် ဝန်ကြီးချုပ် ဂျွန်ဆင်ရဲ့ ကွန်ဆာ ဗေး တစ်ပါတီက အမတ်နေရာ ၁၀ နေရာရှိတဲ့ အတိုက်အခံပါတီတစ်ခုဖြစ် DUP နဲ့ပေါင်းပြီး လူနည်းစု အစိုးရ (minority government) ဖွဲ့ ထားရတယ်။ဒါကြောင့် ဝန်ကြီးချုပ် ဂျွန်ဆင်အနေနဲ့ နိုင်ငံရေး ကစားရတာ အတော်ခက်ခဲတဲ့အခြေအနေမှာရှိနေတယ်။ အဲဒီအခြေအနေကနေ သူဘယ်လို ဖောက်ထွက်မလဲဆိုတာကတော့ လာမယ့် ရက်သတ္တပတ်ထဲမှာ အဖြေပေါ်လိမ့်မယ်ထင်ပါတယ်။

နိုင်ငံပြုခေါင်းဆောင်

နှစ် ၇၀ ကြာဖြစ်လာတဲ့ ပြဿနာကို သုံးနှစ်နဲ့ ဖြေရှင်းလို့မရဘူးလို့ပြောနေကြ၊ ကြားနေကြ စကားနဲ့ပတ်သက်ပြီး

NyoTun က “ ရာစုနှစ်စုကြား တည်မြဲခဲ့တဲ့ ကျွန်စနစ်ကို လင်ကွန်းကတော့ လေးနှစ်အတွင်း အပြီးရှင်းသွားခဲ့တယ်” လို့ ထောက်ပြခဲ့တယ်။

ဒီစကားကို ကြားတော့ မန်ဒဲလားကို သတိရမိတယ်။ တောင်အာဖရိကမှာ အသားအရောင် ခွဲခြား တဲ့ စနစ်ကို Native Location Act of 1879 နဲ့စတင်ခဲ့တယ်။ ၁၉ ၄၈ ခုနှစ် အမျိုးသားပါတီ အာဏာရလာချိန်မှာတော့ ပိုပြီးပြင်းထန်တဲ့အသားအရောင်ခွဲခြားတဲ့စနစ်ကို ကျင့်သုံးခဲ့တယ်။ မန်ဒဲလား နဲ့ ANC ပါတီက ဒီစနစ်တိုက်ဖျက်ရေးအတွက် အစဉ်တစိုက်ဆောင်ရွက်ခဲ့ တယ်။ လူဖြူအစိုးရက ၁၉ ၆၀ ပြည့်နှစ်မှာ ANC ကို မတရားအသင်း ကြေညာတယ်။ ၁၉ ၆၂ ခုနှစ်မှာ မန်ဒဲလားကို ဖမ်းဆီးပြီး ထောင်ဒဏ် တစ်သက်တစ်ကျွန်း အပြစ်ပေးခဲ့တယ်။

၁၉ ၉ ၀ ခုနှစ်မှာတော့ လူဖြူအစိုးရက ၂၇ နှစ် ကြာထောင်သွင်းအကျဉ်းချထားတဲ့ မန်ဒဲလားကို ပြန် လွှတ်ပေးခဲ့တယ်။ ANC ပါတီကို တရားဝင်ရပ်တည်ခွင့်ပေးတယ်။ အမျိုးသား ပါတီ ခေါင်းဆောင် ဒီကလတ်ခ် နဲ့ မန်ဒဲလားကြားဆွေးနွေးပွဲတွေလုပ်ပြီး အသားအရောင်ခွဲခြား တဲ့ စနစ်ကို ဖျက်သိမ်းဖို့ သဘောတူတယ်။ ၁၉ ၉ ၄ ခုနှစ်မှာရွေးကောက်ပွဲကျင်းပပြီး မန်ဒဲလားနဲ့ ANC ပါတီ အာဏာရလာခဲ့တာ အခု အချိန်ထိပဲ။

လင်ကွန်းက သမ္မတဖြစ်လာချိန်မှာ လေးနှစ်အတွင်း ကျွန်စနစ်ကို ဖျက်သိမ်းခဲ့တယ်။ မန်ဒဲလားက အာဏာမရခင် လေးနှစ်အတွင်းမှာ အသားအရောင်ခွဲခြားအုပ်ချုပ်တဲ့ စနစ်ကို ဖျက်သိမ်းနိုင်အောင် စေ့စပ်ညှိနှိုင်းဆွေးနွေးဆောင်ရွက်ခဲ့တယ်။

ဒါ့ကြောင့်လည်း သူတို့ကို နိုင်ငံပြုခေါင်းဆောင်လို့ခေါ်ကြတာပဲ။

အတုတွေလာပြန်ပြီ

အတုတွေလာပြန်ပြီ
ဝိဇ္ဇာသိပ္ပံတက္ကသိုလ်တွေက သင်ကြားရေး ဆရာ၊ ဆရာမတွေရဲ့ ရာထူးတိုး ပြောင်းမှုအတွက် တင်ပြထားတဲ့ သုတေသနစာတမ်းတွေကို စစ်ဆေးခဲ့တာ ကိုယ်တိုင်မရေးဘဲ နိုင်ငံခြား ဝက်ဘ်ဆိုက်တွေက ဝယ်ထားတဲ့ စာတမ်း အတု တစ်ထောင်ကျော် တွေ့တယ်လို့ အလဲဗင်းသတင်းမှာ ဖော်ပြထားတယ်။
“ခေါင်မိုးက မလုံတော့ မိုးဒဏ်ကို ကိုယ်ခံနေရတာအမှန်ပဲ”
( စိုင်းထီးဆိုင် သီချင်း တစ်ပိုင်းတစ်စ)