Tag Archives: China

တရုတ်- မြန်မာဆက်ဆံရေးနဲ့ပတ်သက်တဲ့ ဒီကဗျာလေးရဲ့ မြန်မာဘာသာပြန်ကို ဖတ်ဖူးနေတာ ကြာပြီ။ တရုတ်စာသားကိုတော့ သမ္မတကြီး ဦးဝင်းမြင့် ရွတ်ပြမှ သိရတော့တယ်။တရုတ်ခေါင်းဆောင်ကြီး တစ်ဦးဖြစ်သည့် မာရှယ်ချိန်ယိကိုယ်တိုင်စပ်ဆိုခဲ့သော ကဗျာထဲကစာသားကဲ့သို့“ကျွန်ုပ်က မြစ်ညာမှာနေ၍ ၊ အဆွေက မြစ်ခြေမှာနေကာတစ်ရေတည်းကိုသောက်ကြတဲ့” (ဝေါ်ကျုကျန်းကျစ်ထို၊ နင်ကျုကျန်းကျစ်ဝေ၊ကုန့်ယင်အိကျန်းရွှေ) ဆွေမျိုးပေါက်ဖော်များ ဖြစ်ကြပါကြောင်း။( မိန့်ခွန်းကောက်နှုတ်ချက်)

အိုဘားမားရဲ့ ချစ်ကြည်ရေးခရီးစဉ်

၂၀၀၁ ခုနှစ် တရုတ်သမ္မတ ကျန်စီမင်းရဲ့ မြန်မာနိုင်ငံချစ်ကြည်ရေးခရီးစဉ်အပြီး နှစ်နှစ်ဆယ်နီးပါး ကြာမှ တရုတ်သမ္မတ ရှီကျင့်ဖျင် မြန်မာနိုင်ငံကို လာရောက်လည်ပတ်တဲ့အခါ အင်န်အယ်လ်ဒီ ပါတီကိုထောက်ခံသူတွေက အင်မတန်အရေးပါတဲ့ သံတမန်ရေးရာအောင်မြင်မှုကြီး အဖြစ် ချီးမွမ်း ကြတယ်။အစဉ်အလာ မဟာမိတ်နိုင်ငံခေါင်းဆောင်တစ်ယောက် နှစ်ဆယ်နီးပါးကြာမှ ချစ်ကြည်ရေးခရီး ပြန် လာနိုင်တာကို ဂုဏ်ယူကြတယ်ဆိုရင်သမ္မတဦးသိန်းစိန်ခေါင်းဆောင်တဲ့ ပြည်ခိုင်ဖြိုး အစိုးရတာဝန်ယူချိန်မှာ မြန်မာနိုင်ငံ လွတ်လပ်ရေး ရပြီး ထဲက တစ်ကြိမ်မှာ ချစ်ကြည်ရေးခရီး မလာဘူးတဲ့၊ ၁၉ ၈၈ ခုနှစ် နောက်ပိုင်း မှာ မြန်မာနိုင်ငံအပေါ် ဒဏ်ခတ်ပိတ်ဆို့မှုတွေကို ဦးဆောင်ချမှတ်ခဲ့တဲ့ အမေရိကန်နိုင်ငံရဲ့ သမ္မတ အိုဘားမား တစ်ယောက် မြန်မာနိုင်ငံကို နှစ်ကြိမ်တိတိ လာရောက်လည်ပတ်ခဲ့တာကိုလည်း ပြည်ခိုင်ဖြိုးပါတီထောက်ခံသူတွေ ဂုဏ်ယူသင့်တာပေါ့။လက်ရှိသမ္မတ ထရမ့် ကတော့ မြောက်ကိုရီးယားနယ်စပ်မျဉ်းကို ဖြတ်ကျော်ခြေချခဲ့ပေမယ့် နေပြည်တော်ဘက်ကိုContinue reading “အိုဘားမားရဲ့ ချစ်ကြည်ရေးခရီးစဉ်”

“တွေ့ဖန်များသော်ခင်၊ ခင်ဖန်များသော်ရင်း”

တရုတ် ပြည်သူ့ သမ္မတ နိုင်ငံ သမ္မတ ရှီကျင့်ဖိန်၏ “နှစ်ပေါင်းထောင်ချီ ကြာမြင့်သော ဆွေမျိုး ပေါက်ဖော် ချစ်ကြည်ရေးကို ဆက်လက်ပုံဖော်မည့် စာမျက်နှာသစ်များ” ခေါင်းစဉ်ဖြင့် ရေးသားထားသည့် ဆောင်းပါးကို ဇန်နဝါရီ ၁၆ ရက်ထုတ် မြန်မာ နိုင်ငံ ပြည်တွင်း နေ့စဉ် သတင်းစာ သုံးစောင် ဖြစ်သော မြန်မာ့ အလင်း ၊ ကြေးမုံ နှင့် The Global New Light of Myanmar တို့မှာ ဖော်ပြခဲ့တယ်။အဲဒီဆောင်းပါးအပြည့်အစုံကိုပဲ တရုတ်နိုင်ငံ ဆင်ဝှာသတင်းဌာန ဖေ့စ်ဘွတ်စာမျက်နှာမှာ ပြန်လည်ဖော်ပြခဲ့ပါတယ်။ဒီဆောင်းပါးမှာ သမ္မတရှီက နိုင်ငံရေး၊ စီးပွားရေး၊ လူမှုရေး နယ်ပယ် အသီးသီးမှာ နှစ်နိုင်ငံ ပူးပေါင်းဆောင်ရွက်မှုခဲ့မှုများနဲ့အနာဂတ် လုပ်ဆောင်သင့်တဲ့အချက်များကို ဦးစားပေးရေးသားထားပါတယ်။ဆောင်းပါး အဆုံးသတ်မှာတော့တရုတ်-မြန်မာ နှစ်နိုင်ငံလုံးမှာ“တွေ့ဖန်များသော်ခင်၊Continue reading ““တွေ့ဖန်များသော်ခင်၊ ခင်ဖန်များသော်ရင်း””

အရင် အစိုးရ အဆက်ဆက်ကတော့ နိုင်ငံခြားခေါင်းဆောင်တွေရဲ့ ခရီးစဉ် တွေမှာ “xx အားလှိုက်လှဲစွာကြိုဆိုပါ၏“ လို့ရေးတယ်လို့ပဲ မှတ်သားမိ ပါတယ်။ ဓာတ်ပုံ ဆိုရင်လည်း နှစ်နိုင်ငံ ခေါင်းဆောင်တွေပုံကို ယှဉ်တွဲပြီး ဖော်ပြတာများပါတယ်။အခု ပိုစတာကတော့ မြန်မာနိုင်ငံမှာလား၊ တရုတ်နိုင်ငံမှာလား မကွဲပြားဘူး။ နေပြည်တော်မှာ စိုက်ထူထားတာဆိုရင်တော့ အင်န်အယ်လ်ဒီအစိုးရလက်ထက်မှာ တရုတ် – မြန်မာ ချစ်ကြည်ရေး တစ်ဆင့်တက်ပြီလို့ ယူဆရမှာပဲ။ဦးသိန်းစိန် အစိုးရလက်ထက်မှာ တရုတ်ကြောက်အစိုးရလို့ ဝေဖန်ခံရတယ်။ အခု သမ္မတဦးဝင်းမြင့်နဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လက်ထက်မှာတော့ တရုတ်ချစ် အစိုးရ လို့ပြောလို့ရတဲ့အထိ ချစ်ကြည်ရေး အဆင့်တိုးမြှင့်လာပြီလို့ ပြောနိုင်မယ်ထင်ပါတယ်။

သင်ဆရာ၊ မြင်ဆရာ

ဒီဇင်ဘာ ၃ ရက်နေ့ထုတ် မြန်မာ့အလင်းသတင်းစာမှာ ပြည်ထောင်စုရွေးကောက်ပွဲ ကော်မရှင် ဥက္ကဋ္ဌ ဦးလှသိန်းခေါင်းဆောင်တဲ့ အဖွဲ့ တရုတ်ပြည်သူ့သမ္မတ နိုင်ငံကို လေ့လာရေးခရီးထွက် တယ်ဆိုတဲ့သတင်းပါလာတယ်။သတင်းစာက အခုခရီးစဉ်က မြန်မာနိုင်ငံနှင့် တရုတ်နိုင်ငံကြား ရွေးကောက်ပွဲ စနစ်များနှင့် စပ်လျဉ်း၍ နားလည်မှုပိုမိုတိုးမြှင့်ရေးဆိုင်ရာ ခရီးစဉ်ဖြစ်တယ်လို့ ရေးထားတယ်။ ဒါဟာ အတော် အံ့သြစရာကောင်းတဲ့ ရည်ရွယ်ချက်ပဲ။ရိုးရိုးလေးပဲ စဉ်းစားကြည့်ရအောင်။ မြန်မာနိုင်ငံက ပါတီစုံစနစ်ကျင့်သုံးတယ်။ တရုတ်နိုင်ငံက တစ်ပါတီစနစ်ကျင့်သုံး တယ်။ နိုင်ငံရေးစနစ်လည်းမတူဘူး။ ရွေးကောက်ပွဲစနစ်လည်းမတူဘူး။ဒီတော့ ရွေးကောက်ပွဲစနစ်တွေနဲ့ပတ်သက်ပြီး နားလည်မှုပိုမိုတိုးမြှင့်ရေးဆိုတာ မြန်မာက တရုတ်ကို ပါတီစုံရွေးကောက်ပွဲနဲ့ပတ်သက်ပြီး ရှင်းပြပေးဖို့လား။ ဒါမှမဟုတ် တရုတ်ကွန်မြူနစ်ပါတီရဲ့ တစ်ပါတီစနစ်ရွေးကောက်ပွဲဆိုင်ရာ လုပ်ထုံးလုပ်နည်းတွေကို လေ့လာဖို့ လား။ဘယ်သူက သင်ဆရာ၊ မြင်ဆရာဖြစ်မလဲဆိုတာ စိတ်ဝင်စားစရာပဲ။

TNAL ဆီက လေယာဉ်ပစ် ပစ်ပခုံးထမ်းဒုံးကျည်အပါအဝင် လက်နက် ၁၇၀ လက် သိမ်းဆည်းရမိတယ်။ ဓာတ်ပုံထဲမှာ မြင်ရသလောက်တော့ တရုတ်လုပ်လက်နက်ပုံစံတွေပဲ။ တရုတ်နိုင်ငံကလည်း နယ်စပ်ဒေသတည်ငြိမ်အေးချမ်းရေးအတွက် လိုလားပါတယ် လို့ အမြဲပြောနေတော့ ဒီလက်နက်တွေရဲ့ ဇစ်မြစ်ကို သိရအောင် အကူအညီပေးသင့် တာပေါ့။ ဟိုမိန်းကျေးရွာအနီး နိုဝင်ဘာ ၂၂ ရက်၌ သိမ်းဆည်းရရှိခဲ့သည့် လက်နက်၊ ခဲယမ်းများမှာ K-12 ပခုံးထမ်းလေယာဉ်ပစ်လက်နက် တစ်လက် အပါအဝင် လက်နက်မျိုးစုံ ၁၇၀ လက်၊ ခဲယမ်းမျိုးစုံ ရှစ် မျိုး(ကျည်မျိုးစုံ ၄၆၂၆၅ တောင့်၊ ဗုံးသီးမျိုးစုံ ၂၄၆ လုံး၊ ယမ်းဗူး ၈၈၅ ဗူး)နှင့် ယူနီဖောင်းနှင့် ဆက်စပ်ပစ္စည်းများဖြစ်သည်။ (သတင်းကောက်နှုတ်ချက်) https://myanmar.mmtimes.com/news/131370.html?fbclid=IwAR3jpYbXzzK5z1HMlebFGdT5sAivgVfIzkoqSraTl3t3D9ro2cPLq4ka1GU