Tag Archives: yehtutcomment

သင်ဆရာ၊ မြင်ဆရာ

ဒီဇင်ဘာ ၃ ရက်နေ့ထုတ် မြန်မာ့အလင်းသတင်းစာမှာ ပြည်ထောင်စုရွေးကောက်ပွဲ ကော်မရှင် ဥက္ကဋ္ဌ ဦးလှသိန်းခေါင်းဆောင်တဲ့ အဖွဲ့ တရုတ်ပြည်သူ့သမ္မတ နိုင်ငံကို လေ့လာရေးခရီးထွက် တယ်ဆိုတဲ့သတင်းပါလာတယ်။သတင်းစာက အခုခရီးစဉ်က မြန်မာနိုင်ငံနှင့် တရုတ်နိုင်ငံကြား ရွေးကောက်ပွဲ စနစ်များနှင့် စပ်လျဉ်း၍ နားလည်မှုပိုမိုတိုးမြှင့်ရေးဆိုင်ရာ ခရီးစဉ်ဖြစ်တယ်လို့ ရေးထားတယ်။ ဒါဟာ အတော် အံ့သြစရာကောင်းတဲ့ ရည်ရွယ်ချက်ပဲ။ရိုးရိုးလေးပဲ စဉ်းစားကြည့်ရအောင်။ မြန်မာနိုင်ငံက ပါတီစုံစနစ်ကျင့်သုံးတယ်။ တရုတ်နိုင်ငံက တစ်ပါတီစနစ်ကျင့်သုံး တယ်။ နိုင်ငံရေးစနစ်လည်းမတူဘူး။ ရွေးကောက်ပွဲစနစ်လည်းမတူဘူး။ဒီတော့ ရွေးကောက်ပွဲစနစ်တွေနဲ့ပတ်သက်ပြီး နားလည်မှုပိုမိုတိုးမြှင့်ရေးဆိုတာ မြန်မာက တရုတ်ကို ပါတီစုံရွေးကောက်ပွဲနဲ့ပတ်သက်ပြီး ရှင်းပြပေးဖို့လား။ ဒါမှမဟုတ် တရုတ်ကွန်မြူနစ်ပါတီရဲ့ တစ်ပါတီစနစ်ရွေးကောက်ပွဲဆိုင်ရာ လုပ်ထုံးလုပ်နည်းတွေကို လေ့လာဖို့ လား။ဘယ်သူက သင်ဆရာ၊ မြင်ဆရာဖြစ်မလဲဆိုတာ စိတ်ဝင်စားစရာပဲ။

မူပိုင်ခွင့်

ISEAS Yusof Ishak Institute က ထုတ်ဝေခဲ့တဲ့ ကျွန်တော့်ရဲ့ စာအုပ် မြန်မာဘာသာပြန် မူပိုင်ခွင့်ကို တရားဝင်ဝယ်ယူခဲ့ပြီးဖြစ်ပါတယ်။ မြန်မာဘာသာပြန်စာအုပ် အမြန် ဆုံး ထုတ်ဝေနိုင်ဖို့ ဆောင်ရွက်ပါ့မယ်။

သိန်းလေးထောင်နီးပါး အကုန်အကျခံထားရတဲ့ အမှိုက်ခွဲခြားသန့်စင်စက် အလုပ်မဖြစ်ဘဲ ရပ်ဆိုင်းထားရတယ်လို့ သတင်းထဲမှာပါတယ်။ဒါကျတော့ ပြည်သူ့ဘဏ္ဍာငွေဆုံးရှုံးတာမဟုတ်ဘူးလား။ဆေးဝါးစက်ရုံမှူးကိစ္စ သတိရလို့တွေးမိတာပါ။

TNAL ဆီက လေယာဉ်ပစ် ပစ်ပခုံးထမ်းဒုံးကျည်အပါအဝင် လက်နက် ၁၇၀ လက် သိမ်းဆည်းရမိတယ်။ ဓာတ်ပုံထဲမှာ မြင်ရသလောက်တော့ တရုတ်လုပ်လက်နက်ပုံစံတွေပဲ။ တရုတ်နိုင်ငံကလည်း နယ်စပ်ဒေသတည်ငြိမ်အေးချမ်းရေးအတွက် လိုလားပါတယ် လို့ အမြဲပြောနေတော့ ဒီလက်နက်တွေရဲ့ ဇစ်မြစ်ကို သိရအောင် အကူအညီပေးသင့် တာပေါ့။ ဟိုမိန်းကျေးရွာအနီး နိုဝင်ဘာ ၂၂ ရက်၌ သိမ်းဆည်းရရှိခဲ့သည့် လက်နက်၊ ခဲယမ်းများမှာ K-12 ပခုံးထမ်းလေယာဉ်ပစ်လက်နက် တစ်လက် အပါအဝင် လက်နက်မျိုးစုံ ၁၇၀ လက်၊ ခဲယမ်းမျိုးစုံ ရှစ် မျိုး(ကျည်မျိုးစုံ ၄၆၂၆၅ တောင့်၊ ဗုံးသီးမျိုးစုံ ၂၄၆ လုံး၊ ယမ်းဗူး ၈၈၅ ဗူး)နှင့် ယူနီဖောင်းနှင့် ဆက်စပ်ပစ္စည်းများဖြစ်သည်။ (သတင်းကောက်နှုတ်ချက်) https://myanmar.mmtimes.com/news/131370.html?fbclid=IwAR3jpYbXzzK5z1HMlebFGdT5sAivgVfIzkoqSraTl3t3D9ro2cPLq4ka1GU

အင်န်အယ်လ်ဒီပါတီ ရဲ့ ချင်းပြည်နယ်အမျိုးသားလွှတ်တော်ကိုယ်စားလှယ် ဦးဝှေ့တင်း ကို AA အဖွဲ့က ဖမ်းဆီးသွားတာနဲ့ပတ်သက်တဲ့ အင်န်အယ်လ်ဒီပါတီရဲ့ ထုတ်ပြန်ချက်အပေါ် SNDP ပါတီ ပြည်သူ့ လွှတ်တော်ကိုယ်စားလှယ်ဟောင်း ( ၂၀၁၁-၂၀၁၆) ဦးရဲထွန်းက ၁။ အရင်ဖြစ်စဉ်တွေမှာ ကြေညာချက်မထုတ်ခဲ့ဘူး။ ကိုယ့်လူရင်းထိလာမှ ပြောတဲ့သဘော ဖြစ် တယ်။ မှန်ကန်တဲ့ သဘောထားမဟုတ်ဘူး။ ၂။ သမ္မတ ဦးသိန်းစိန်လက်ထက် လိုင်ဇာမှာရှိတဲ့ ကေအိုင်အေ ဗိုလ်သင်တန်းကျောင်းကို လက်နက်ကြီးမှန်တော့ချက်ခြင်းကြေညာချက်ထုတ်တယ်။ ( အဲဒီသေဆုံးသူတွေထဲမှာ AA သင် တန်းသားတွေပါတယ်။ ) အဲဒီဘက်က ရပ်တည်တဲ့သဘောထားကို ပြခဲ့တယ်။ ဒါဟာ မလုပ် သင့် တဲ့ကိစ္စပဲ လို့ ပြောတဲ့အကြောင်း ဧရာဝတီသတင်းဆောင်းပါးမှာ ဖော်ပြထားပါတယ်။ ပုံ ၁ နဲ့ ၂ ကျွန်တော်တို့ကContinue reading

တိုးတိုးလေး ပြောလိုက်တယ်

AA အဖွဲ့က ချင်းတိုင်းရင်းသား အမျိုးသားလွှတ်တော်ကိုယ်စားလှယ် ဦးဝှေ့တင်းကို ဖမ်းထားတယ်ဆိုတဲ့အကြောင်း တရားဝင်ထုတ်ပြောထားတယ်။ ချင်းတိုင်းရင်းသားလွှတ်တော်ကိုယ်စားလှယ်တွေကလည်း အာဏာရပါတီဖြစ်တဲ့ အင်န်အယ်လ်ဒီ ပါတီကို အကူအညီတောင်းတယ်။ ချင်းအမျိုးသားဒီမိုကရေစီအဖွဲ့ချုပ်က ဦးဝှေ့တင်းကို ပြန်လွှတ်ပေးဖို့ AA အဖွဲ့ကို တောင်းဆိုတယ်။ ပုံ ၁ ၊၂ နဲ့ ၃ ဒါပေမယ့် ၁၉ ၈၈ ခုနှစ်ကနေ ဒီနေ့အထိ တပ်မတော်လို အဖွဲ့အစည်းကိုတောင် လွှတ်တော်ထဲမှာ၊ မီဒီယာတွေပေါ်မှာ ၊ သတင်းထုတ်ပြန်ချက်တွေမှာ အမည် ဖော်ပြပြီး ဝေဖန်ထောက်ပြရဲတဲ့ အာဏာရပါတီဟာ ချင်းတိုင်းရင်း သား ကိုယ်စားလှယ်ဖမ်းဆီးထားမှုနဲ့ပတ်သက်တဲ့ ကြေညာချက်မှာ AA အဖွဲ့ အမည်ကိုတောင် ရည်ညွှန်းရေးသားထားတာမတွေ့ရဘူး။ ပုံ ၄ မဝံ့မရဲ နဲ့ တိုးတိုးလေးပြောလိုက်တဲ့ ဒီကြေညာချက်ဟာ AA အဖွဲ့ရဲ့ အမျက်တော်ရှခြင်းကနေContinue reading “တိုးတိုးလေး ပြောလိုက်တယ်”

ဘာလဲဟဲ့ Facebook

နိုဝင်ဘာလ ၂ ရက်နေ့ နေ့လယ် ၁၂ နာရီ မှာ People Media က တင်ထားတဲ့ ဒေါ်သက်သက်ခိုင် နဲ့ တွေ့ဆုံမေးမြန်း မှု ဗီဒီယိုကို Facebook ကဖယ်ရှားခဲ့တယ်။ အဲဒီလိုဖယ်ရှားခဲ့တဲ့ကိစ္စက အွန်လိုင်းပေါ်မှာ ပြန့်နှံ့ သွားခဲ့ပြီးတဲ့နောက်မှာတော့ နိုဝင်ဘာလ ၃ ရက်နေ့ ၃ နာရီ ၄၅ မိနစ်မှာ ပြန်ခွင့်ပြုခဲ့တယ်။ အဲဒီကိစ္စနဲ့ပတ်သက်ပြီး အလဲဗင်းမီဒီယာက မေးမြန်းတဲ့အခါ Facebook က မူပိုင်ခွင့် ပေါ်လီ စီ အရ တိုင်တဲ့သူရှိလို့ စိစစ်ပြီးဖြုတ်ချလိုက်တာဖြစ်တယ်၊ ဒါပေမယ့် ပြန်စစ်တဲ့အခါမှာ မူပိုင်ခွင့်ကို ချိုးဖောက်ခြင်းမရှိကြောင်းတွေ့ရတဲ့အတွက် ပြန်ခွင့်ပြုခဲ့တယ်လို့ အကြောင်းပြန်ခဲ့တယ် လို့ သတင်းမှာဖော်ပြထားတယ်။ ပုံ ၁ Facebook ကို ဘယ်မီဒီယာကတိုင်သလဲ၊ ဘယ်သက်သေအထောက်အထားကြောင့်Continue reading “ဘာလဲဟဲ့ Facebook”

မုန့်ဟင်းခါး ကောင်းတဲ့ ခေါက်ဆွဲဆိုင်

ဗဟိုအမျိုးသမီးဆေးရုံကြီးရှေ့တည့်တည့်မှာ နှင်းဆီကုန်းလမ်းဆိုတာရှိတယ်။ နီနီ ဆေးခန်း ရှိတဲ့ လမ်းဆိုရင်လူပိုသိတယ်။ အဲဒီလမ်းထဲမှာ အရုဏ်ဦး ဆိုတဲ့ စားသောက်ဆိုင်လေးရှိတယ်။ ဆိုင် နာမည်ကို အင်္ဂလိပ်လို Yangon Noodle Bowl လို့ရေးထားတယ်။ အရုဏ်ဦှး ရန်ကုန် ခေါက်ဆွဲဆိုင်လို့ ဆို ရမှာပေါ့။ ဆိုင်က နောက်ဘက်နည်းနည်းရောက် တယ်။ သစ်ပင်ကြီးတွေ လည်းရှိနေတော့ နေရာမသိတဲ့သူတွေဆိုရင် ကျော်သွားနိုင် တဲ့ ဆိုင်မျိုး။ ဒီဆိုင်ကို သိလို့သွားခဲ့တာမဟုတ်ဘူး။ နီနီဆေးခန်းဘက်ရောက်ရင်း တစ်ခုခု စားချင်လို့ Luckey Seven ဆိုင်ဘက်ကို သွားရင်း တွေ့ခဲ့တာ။ Noodle Bowl လို့ နာမည်ပေးထားပေမယ့် ဆိုင်းဘုတ်မှာပါတဲ့အတိုင်း မြန်မာ အစားအစာလေးတွေ စုံစုံလင်လင်ရတယ်။ ကော်ဖီ၊ လက်ဖက်ရည် နဲ့ အအေးလည်းရတယ်။ ထုံးစံအတိုင်းမုန့်ဟင်းခါးမှာစားတယ်။ ထင်တာထက်ပိုကောင်းပါတယ်။Continue reading “မုန့်ဟင်းခါး ကောင်းတဲ့ ခေါက်ဆွဲဆိုင်”

ဒေါ်သက်သက်ခိုင် အင်တာဗျူး နဲ့ ဖေ့စ်ဘွတ် (၂)

Facebook က People Media စာမျက်နှာကနေ ဖယ်ရှားလိုက်တဲ့ ဒေါ်သက်သက်ခိုင် ရဲ့ အင်တာဗျူး နားထောင်ကြည့်တဲ့အခါ #Facebook ရဲ့ စံတွေနဲ့ ညှိနိုင်တဲ့ လူမျိုးရေး၊ ဘာသာရေး အမုန်းစကားတွေ၊ ပုဂ္ဂိုလ်ရေးအရ ရိုင်းပြစွာပြောဆိုတိုက်ခိုက်မှုတွေ မတွေ့ပါဘူး။ NLD ပါတီအတွင်းမှာ ပါတီတွင်း ဒီမိုကရေစီ မရှိတဲ့ကိစ္စ၊ အုပ်စုဖွဲ့၊ ဆရာမွေး ၊ တပည့်မွေးတဲ့ကိစ္စ နဲ့ အင်န်အယ်လ်ဒီအစိုးရရဲ့ စီးပွားရေးမူဝါဒအပေါ် သုံးသပ်ချက်ပဲ တွေ့ပါတယ်။ Facebook ရဲ့ စံတွေထဲမှာ အာဏာရ NLD ပါတီကိုမဝေဖန်ရဆိုတဲ့ စံ ကို ထည့်သွင်းထားတယ်ဆိုရင်တော့ ငြိစွန်းတယ်လို့ပြောနိုင်ပါတယ်။ အင်တာဗျူးကို အောက်ပါလင့်ခ်မှာ နားထောင်နိုင်ပါတယ်။ https://www.facebook.com/ththkh.dagonnldtownship/videos/421342075450829/UzpfSTEwMDAwMzEwODM1NDQ2OToyNTA3NzczNDE5MzM2MjQ1/